Génesis 17:8

Aymar Bibliia 1986

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 13:15

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Génesis 13:17

¡Sartasim, ucatsti ucsaru acsaru uñatatas sararaquim, nayaw jumar aca orake churäma!” sasa.

Génesis 23:4

—Nayajj jumanac taypinjja yakha marcat jutir jakëcta ucasa, mä sepulturay aljt'apjjeta, warmejja imt'asiñataqui —sasa.

Génesis 26:24

Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Génesis 28:4

Cuntejj Abraham awquisaru arsuwaycän uca bendicionanacsa jumaru, uqhamarac wawanacamaru churpan, aca orakena, cawqhantejj jichhajj sarir jakjama jacasctan ucat dueñöpjjañapataqui, Dios quipcaraquiw uqham sasajj Abrahamarojj arsuwayi” sasa.

Génesis 35:27

Jacobosti Isaac awquipar uñjiriw Mamre sisqui uca chekar saräna, cawquïri marcatï Arba, jan ucajj Hebrón satäcaraqui ucaru. Ucanwa Abrahamasa, Isaacas jacapjjänjja.

Génesis 36:7

Jupanacasti panpachanejj walja uywanacanëjjäpjjänwa, janiraquiw junto jacañjja puedcjjapjjänti, orakes janiraquiw ucatak uywa awatiñataquejj utjcjjänti.

Génesis 37:1

Jacobojj Canaán oraken jacañataquiw kheparjjäna, cawqhantejj mä juc'a tiempo awquipajj jaccäna, ucqharu.

Génesis 48:4

“Nayaw walja wawanacani tucuyäma, uqhamarac wawanacamajj walja marcanacwa sayt'ayapjjani. Uqhamarus wawanacamarojj aca orake churä. Wiñayataquiw jupanacancaraquini” sasa.

2 Samuel 23:5

Ucatpï wawanacajjajj, Diosar suma utt'ayatajja, jupasti nayampejj mä wiñay arust'äwi luraraqui, uca arust'äwisti chekaparu, uqhamaraqui suma lurataraquiwa. Jupaw nayarojj phokhat atipjañ churitu, cunanactejj muncta ucanacsti phokharaquituwa.

1 Crónicas 16:18

cunapachatï aqham siscäna: ‘Nayajj Canaán orakwa churäma, jumar wact'ctam uca herenciata.’

Salmos 103:17

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Salmos 105:11

Jupajj sänwa: “Jumaruw Canaán orak churjjäma, jumar wact'ir churäwimjam catuyjjäma” sasa.

Salmos 105:9

Abrahamamp arust'äw luratapata, Isaacar juramentomp arsutapata,

Éxodo 13:11

“Cunapachatejj Tatitojj cananeonacan orakepar puriyasina uca orake jumar churcätam cunjämtejj awquinacamar arscäna uqhamarjama ucqhasti,

Éxodo 21:6

uywiripajj Diosan ucar irpasinjja, uta puncuru jan ucajj uta puncu marcor saycatayasinwa mä p'iyañampi jinchjja p'iyjañapa, uqhamata uca sirvirejj wiñayatac jupan sirviripäñapataqui.

Éxodo 29:45

Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Éxodo 32:13

Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: “Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui” —sasa.

Éxodo 40:15

Ucatsti aceitempiw jupanacar warjjataraquïta cunjämtejj Aarón awquipar lurctajj uqhama, uqhamata nayan sacerdotejjäpjjañapataqui. Aca aceitempi jupanacjjaru warjjatatasti wiñayataqui sacerdotëpjjañapataquiwa wawanacapan wawanacapataquisa.”

Éxodo 6:4

Uqhamarac jupanacampejja mä suma amtäwiruraquiw mantapjjaracta. Ucat arsuyätjja Canaán orake jupanacar churañataqui, cawqhantejj mä urunacajj jayanquir jakenacjama jacapcäna uca orake.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Jeremías 25:5

Jupanacasti jumanacarojj sapjjäyätamwa: ‘Jan wali sarnakäwinacamjja uqhamaraqui jan wali luräwinacamsa apanucupjjam, cawquïri oraktejj Tatitojj jumanacaru nayra awquinacamarusa churcatayna ucan wiñayataqui jacapjjañamataqui.

Jeremías 31:1

Tatitojj siwa: “Uca urunacanjja nayaw take Israel tribunacan Diosapäyäjja, jupanacasti nayan marcajjäpjjaraquiniwa” sasa.

Ezequiel 11:20

Ucapachaw jupanacajj nayan leyinacajjarjama, uqhamaraqui arsutanacajjarjama jacapjjaraquini. Jupanacasti nayan marcajjäpjjaniwa, nayasti jupanacan Diosaparaquïyäwa.

Ezequiel 33:24

“Cawquïri jakenacatejj Israel marcan t'unjata marcanacapan jacapqui ucanacasti, aqham sasaw sarnakapjje: ‘Abraham chachajj sapaquïnwa, ucampisa jupajj take aca orakwa catuntasïnjja; jiwasasti waljanïtanwa, ucatsti jan ch'ama tucusaquiw aca orakjja catuntasiñäni’ sasa.

Levítico 14:34

“Cunapachatejj jumanacajj Canaán orakeru mantjjapjjäta, cawquïri oraktejj nayajj jumanacaru herenciata churapjjsma ucaru, ucat nayajj mä usu apayanipjjaraquirisma cawquïri utjjarusa uca orakenjja,

Levítico 16:34

“Aca leyisti jumanacataquejj wiñayataquïniwa, maran mä cutiw acanacjja lurapjjaraquïta, cuna juchanactejj israelita jakenacajj lurapcani ucanacatjja pampachatäña jicjjatapjjañamataqui.” Take ucanacasti, cunjämtejj Tatitojj Moisesarojj siscäna uqhamarjamapuniw phokhasïnjja.

Levítico 26:12

jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Zacarías 8:8

apanjjaraquïwa Jerusalenaru ucan jacasjjapjjañapataqui. Jupanacasti ucqhajj marcajjäjjaniwa, nayasti Diosaparaquïyäwa, take chuymampi, chekapar taripañampiraqui.”

Números 10:29

Moisesasti mä urojj warmipan jilaparuw jawsäna, ucasti Hobab satänwa, Reuel sat madianita chachan wawaparaqui, ucatsti sänwa: —Nanacajj sarasipctwa cawquïri oraktejj Tatitojj churämaw sapquitu ucaru. Jutam, nanacampi chica sarañäni, sum uñjapjjaraquïma, Tatitojj arupampiw arsu Israel marcar munasiñampi uñjañataquejja —sasa.

Números 25:13

Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Números 27:12

Tatitu Diosasti Moisesarojj sänwa: —Maqhatanim aca Abarim sat kolluru, ucatsti uñatatam cawquïri oraktejj israelitanacaru churcta ucanaca.

Hechos 7:5

Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: “Jumajj jiwjjät ucajja, aca orakejj wawanacamancaniwa” sasa. Ucürunacanjja Abrahamajj janïraw wawanïcänti.

Deuteronomio 14:2

Jumanacasti Diosan k'oma ajllit marcapäpjjatam laycu. Juparaquiwa take marcanacat sipansa jumanacaru ajllisipjjtam jumanacajj jupan marcapäpjjañamataqui.

Deuteronomio 26:18

Uqhamaraquiwa Diosajj jichhüruna khanañcharaqui, juma Israel marcajj jupan marcapätama, cunjämatejj arupampi arsuwaytam uqhama, take camachi arunacapa phokhañamataqui.

Deuteronomio 29:13

Jichhüruwa uñt'ayasi jumanacajj jupan marcapäpjjatama, jupasti jumanacan Diosamaraqui, cunjämatejj arupampi arsüna Abraham, Isaac, uqhamaraqui Jacob uca awquinacamaru.

Deuteronomio 32:49

“Saram Abarim sat kollunacaru, ucatsti maqhatam Nebo sat kolluru, cawquïritejj Moab orakena jicjjatasqui ucaru, Jericó marca uñcatasina, ucatsti uñtam Canaán sat orakenaca, cawquïri oraktejj nayajj israelitanacar churcä ucanaca.

Deuteronomio 32:8

Mä cutiw alajjpachanquir awquejj jakenaca, marcanaca laquintäna, marcanacan korpanacapsa ucharaquïna, ucampis Israel marcaruw ajlliraqui.

Deuteronomio 34:4

Ucatsti Tatitu Diosajj sänwa: “Aca orakenacwa nayajj arojjampi arsusina churä sayäta Abrahamaru, Isaacaru, Jacoboru, uqhamaraqui wawanacaparusa. Nayaw munta quipca nayranacamampi uñjañama, ucampis janiraquiw ucarojj mantcätati” sasa.

Deuteronomio 4:37

Juparaquiwa nayra awquinacamarojj munäna, ucatsti wawanacaparuw ajlliraquïna, Egipto marcat jach'a ch'amapampi khespiyanisa.

Deuteronomio 9:5

Janiw jumanacan asqui luratanacam laycuti uca orakenaca catuntapctajja, Diosasti uca marcanacarojj jumanac nayräjjatjja jakonucuwa jupanacan jucha luratanacap laycu, ucatsti nayra Abraham, Isaac, Jacob awquinacamar arsutap phokhañ laycu.

Hebreos 9:15

Ucatpï Jesucristojj machak arust'äwin sumancthapiyiripajja. Nayra arust'äwirjam jucha luratanacasajj Criston jiwatap laycuw perdonatäjje, qhitinacarutejj Diosajj jawsqui ucanaca Diosajj churañatac arscatayna uca wiñay herencia catokapjjañapataqui.

Josué 1:2

“Moisés sirvirejjajj jiwjjewa, jichhasti jumaruw wact'tam Jordán jawira take israelit jakenacampi maqhatañajja, cawquïri oraktï jumanacar churapcäma ucar sarapjjañamataqui.

Apocalipsis 21:7

Atipjiristi take acanacwa herenciata catokani. Nayasti jupan Diosapäyäwa, jupasti nayan wawajjäniwa.