Génesis 13:15

Aymar Bibliia 1986

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 13:17

¡Sartasim, ucatsti ucsaru acsaru uñatatas sararaquim, nayaw jumar aca orake churäma!” sasa.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 15:7

saraquïnwa: —Nayätwa Tatitojja; nayaw Ur sata Caldea oraket irpsunsma, aca orake jumar herenciat churañataqui —sasa.

Génesis 18:18

niyaquejjay jupajj mä jach'a ch'amani marcan awquipächinejja. Jupa toke take marcanacar bendiciñataquiw arsuractjja.

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 28:13

Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Génesis 28:14

Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.

Génesis 28:4

Cuntejj Abraham awquisaru arsuwaycän uca bendicionanacsa jumaru, uqhamarac wawanacamaru churpan, aca orakena, cawqhantejj jichhajj sarir jakjama jacasctan ucat dueñöpjjañapataqui, Dios quipcaraquiw uqham sasajj Abrahamarojj arsuwayi” sasa.

Génesis 35:12

Abrahamaru, Isaacaru churcta uca oraksti, jumaruw churaracsma, ucjjarusti wawanacamaruw churaraquï” sasa.

Génesis 48:4

“Nayaw walja wawanacani tucuyäma, uqhamarac wawanacamajj walja marcanacwa sayt'ayapjjani. Uqhamarus wawanacamarojj aca orake churä. Wiñayataquiw jupanacancaraquini” sasa.

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

1 Crónicas 16:18

cunapachatï aqham siscäna: ‘Nayajj Canaán orakwa churäma, jumar wact'ctam uca herenciata.’

2 Crónicas 20:7

Nanacan Diosajja, jumawa Israel marcana nayrakatapata jakonuctajja aca oraken jaquir jakenacarojja, ucatsti juman munata Abrahaman wawanacaparuw wiñayataqui churtajja.

Salmos 37:22

Tatitun kollanaptayat jakenacajj orak catokasipjjani, jupan ñankhachatanacasti jakonucutäpjjaniwa.

Salmos 37:29

Asqui jakenacajj orak catokapjjani, wiñayataquiw ucan jacapjjaraquini.

Éxodo 32:13

Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: “Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui” —sasa.

Éxodo 33:1

Tatitusti Moisesarojj sänwa: —Sarjjapjjam acqhata juma, uqhamarac Egiptot irpsuncta uca jakenacampi, cawqha oraktejj wawanacamaruw churäjja sas Abrahamaru, Isaacaru, Jacoboru arscta uca orakeru.

Isaías 63:18

¡Cunja juc'a maranacaquis kollana marcamajj orakepatjja ‘orakejjaw’ sapjjänjja! Uñisirinacajjaraquiw templomjja taquisipjje.

Números 34:2

israelitanacaru aca yatichäwinac yatiyañapataqui: “Niyaw jumanacajj Canaán orakeru mantapjjäta. Aca orakenacaw jumanacar catuyatäni, ucatsti acanacäniw korpanacapajja.

Mateo 5:5

“Cusisiñanïpjjew llamp'u chuymaninacajja, jupanacaraquiw Diosan arsutaparjama orake catokapjjani.

Hechos 7:5

Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: “Jumajj jiwjjät ucajja, aca orakejj wawanacamancaniwa” sasa. Ucürunacanjja Abrahamajj janïraw wawanïcänti.

Deuteronomio 34:4

Ucatsti Tatitu Diosajj sänwa: “Aca orakenacwa nayajj arojjampi arsusina churä sayäta Abrahamaru, Isaacaru, Jacoboru, uqhamaraqui wawanacaparusa. Nayaw munta quipca nayranacamampi uñjañama, ucampis janiraquiw ucarojj mantcätati” sasa.

Deuteronomio 9:5

Janiw jumanacan asqui luratanacam laycuti uca orakenaca catuntapctajja, Diosasti uca marcanacarojj jumanac nayräjjatjja jakonucuwa jupanacan jucha luratanacap laycu, ucatsti nayra Abraham, Isaac, Jacob awquinacamar arsutap phokhañ laycu.