Génesis 12:2

Aymar Bibliia 1986

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Jak'a apnaqawi uñst'ayäwi

Génesis 13:16

Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 17:20

Ismael toketsti ist'aracsmawa, juparojj bendiciraquïwa wawanacapsa waljaniruw tucuyaraquï. Ismaelasti tunca payani jach'a jilïrinacan awquipäniwa, juparusti mä jach'a marcwa tucuyaraquï.

Génesis 18:18

niyaquejjay jupajj mä jach'a ch'amani marcan awquipächinejja. Jupa toke take marcanacar bendiciñataquiw arsuractjja.

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

Génesis 19:29

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Génesis 24:1

Abrahamajj sinti chuymani jakëjjänwa, Tatitusti take cunana waliracwa juparojj bendicitayna.

Génesis 24:35

Tatitojj walipuniw uywirejjarojj bendiciraqui, jupasti wali kamiriraquiwa. Tatitusti ovejanaca, vacanaca, kori, kollke, sirvirinaca, camellonaca, asnonaca uqhamwa churi.

Génesis 25:11

Abrahaman jiwjjatapatsti, Diosajj Isaacarojj bendicïnwa, jupasti “Qhititejj jacqui, uñjcaraquitu” sisqui uca uma phuch'u jac'aruw jacañataqui kheparjjaraquïna.

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 26:4

Wawanacamarusti waljaniruw tucuyä, alajjpacha warawaranacjama, take aca orakenacwa jupanacar churaraquï. Uqhamarus walja marcanacaw wawanacam toke bendicitäpjjaraquini,

Génesis 27:29

Walja jakenaca jumarojj sirvpan, nacionanacasti juma nayrakatan quillt'aspan. Jilanacamarusti jumarac apnakam; ¡jupanacasti juma nayrakatan quillt'asipjjpan! Qhitinacatejj maldicipcätam ucanacasti maldicitäniwa. Qhitinacatejj bendicipcätam ucanacasti bendicitaraquïniwa” sasa.

Génesis 28:14

Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.

Génesis 35:11

Yakha suti uchasinjja, Diosajj sascaquïnwa: “Nayätwa take ch'amani Diosajja, wawanacamasa, wawanacaman wawanacapasa waljapunïpan. Jumatwa mistuni mä marca, uqhamarac walja marcanaca, wawanacamatsti reyinacaw mistuni.

Génesis 46:3

Diosasti juparojj saraquïnwa: —Nayajj Diosätwa, awquiman Diosapätwa. Egiptor sarañjja jan ajjsaramti, ucanwa nayajj wawanacamarojj mä jach'a marca tucuyä.

2 Samuel 7:9

Cawquirutejj sarcäyätas ucansa juma chicaraquiw sarayätjja, take uñisirinacamatejj jumaru maqhatapcäyätam ucanacarusa k'alwa tucjaractjja, ucjjarusti jach'aruw aptaracsma, cunjämatejj acapachan jach'a jilïri jakenacajj tucupjje uqhama.

1 Reyes 1:47

uqhamaraquiw David reyin yanapirinacapasa aruntañataqui sarapjjäna, ucatsti sapjjaraquïnwa: “Diosajj juc'amp juma Salomonarojja jach'aptaypan, uqhamarac reinomarusa Davidan reinopatsa juc'ampi” sasa. Ucatsti David rey pachpawa iquiñapanjja p'ekepjja alt'asïna Diosar yupaychañataqui,

Job 35:8

Juman jucha luratamajj jake masimaruw ñankhachejja, asqui luratanacamasa jake masimataquiw asquiraquejja.

Salmos 107:38

Tatituw asquip churi, juc'amp jiljjatayi, uywanacap mirantayaraqui.

Éxodo 1:7

Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna.

Éxodo 32:10

¡Jichhasti nayaru jaytita, nayasti wali coleratätwa, ucatsti jupanacarojj take t'unjäjja! Ucampis jumarojj mä jach'a marca tucuyäma —sasa.

Isaías 51:2

Abraham awquimaru, uqhamaraqui jumanacar jacañ churiri Sara taycamaru uñtapjjam. Cunapachatejj nayajj jupar jawscta ucqhajj sapaquïscänwa, ucampis nayajj bendistwa, walja wawanac churasa.

Ezequiel 34:26

“Nayaw ovejanacajjarojj kollan kollojjar muytata annokaraquëjja, jupanacarusti bendiciraquïwa; asqui jallunacwa horasaparu apayaniraquëjja.

Miqueas 7:20

¡Tata munasiñamampi, cheka cancañamampjja janiquiy armasimti, Abraham, Jacob uca nayra awquinacajjaru arscäyätas ucanacjja!”

Zacarías 8:13

Jumanacasa, Judá marcasa, Israel marcasa maldecitäpjjänwa yakha marcanac taypinjja. Jichhajj uqhamaracwa nayajj khespiyäjja, bendecitaracwa tucuyaraquëjja. ¡Jan ajjsarapjjamti! ¡Ch'amañchasipjjam!”

Números 14:12

Jupanacarojj jiwarayiri usu apayanï jan uca orake catuntapjjañanacapataqui; ucampis jumarojj taket sipansa mä jach'a marca tucuyäma, jupanacatsa juc'ampi ch'amani —sasa.

Números 22:12

Ucatsti Diosajj Balaamarojj sänwa: —Jan jupanacampi chica saramti ni ñankhachamsa uca marcarojja, uca marcarusti nayaw bendista —sasa.

Números 23:20

Nayasti bendiciñatac qhitatätwa. Diosatejj bendizchejja, janiw nayajj jupar jarc'quiristti.

Romanos 4:11

Abrahamajj uca khepatwa circuncidañ luräwjja catokäna, mä chimpücaspas uqhama, cunapachatejj iyawsasin asquit catokatäcäna ucqha. Ucatpï Abrahamajj take qhitinacatejj iyawsäwi laycu Diosampi catokatäpqui ucanacan awquipajja, jan circuncisión catokcchi ucasa.

Gálatas 3:14

Acajj lurasïnwa cuna bendiciontejj Diosajj Abrahamaru arscäna ucajj Jesucristo toke churasiñapataqui, jan judiöpquis ucanacaru, uqhamarac cawquïr Ajaytejj Diosajj churañatac arscäna ucjja, iyawsañ toke catokañasataqui.

Gálatas 3:7

Ucatpï jumanacajj yatipjjañamajja Abrahaman chekpach wawanacapajja iyawsañanïpjjewa.

Deuteronomio 26:5

ucapachasti jumajj aca arunacwa Diosam nayrakatan khanañchäta: ‘Nayan awquinacajjasti, arameo jakenacäpjjänwa, juc'aniquiraquïnwa. Egipto marcaruw sarjjapjjäna, cawqhantejj jupanacajj jacañatac kheparapjjäna, ucatsti mä jach'a marcaw tucjjapjjäna, wali ch'amani, uqhamarac waljaniru tucusa.