Génesis 12:10

Aymar Bibliia 1986

Uca tiempojj take ucsa tokenacanjja mä jach'a mach'aw utjäna, Abramasti mä kawkha tiempo Egiptor jaquiriw sarjjäna, cawqhantejj jaccäna ucan jan cuna mank'añas utjatap laycu.

Jak'a apnaqawi uñst'ayäwi

Génesis 41:56

Cunapachatejj mank'at t'akhesiñajj take marcpacharu niya purjjän ucapachasti Joseajj cawqhantejj trigojj imatäcän uca depositonacwa jist'arayi, ucat egipcio jakenacar aljaraqui, mank'at awtjayasiñasti juc'ampi ch'amampiw sartaraquïna.

Génesis 41:57

Take marcanacatwa Egiptorcama jutapjjäna, Joseat trigo alt'asiñataqui, janiraquiw cawqhansa cuna mank'añas utjcänti.

Génesis 42:5

Israelan yokanacapasti mayni saririnacampi chicaw trigo alt'asiri sarapjjaraquïna, mach'asti take Canaán oraken utjaraquïna.

Génesis 43:1

Mach'asti juc'ampiw uca marcanjja utjäna.

Génesis 47:13

Janipuniw trigojj cawqhansa utjcjjänti, mach'asti juc'ampiraquiw sartäna. Egiptonsa, Canaán orakensa, jakenacajj mank'atjamaw jiwarjjapjjäna.

2 Samuel 21:1

Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

2 Reyes 4:38

Ucatjja Eliseojj Gilgal chekaruwa cutt'jjäna. Qhä urunacansti uca orakenjja mank'at t'akhesiñaw utjäna. Mä cutisti cunapachatï profetanacajj Eliseoru muytata kont'atäsipcäna ucqhajja, Eliseojj uywataparojj sänwa: “Nina patjjaru jach'a phuqhu ucham, ucatsti mank'a phayam profetanacataqui” sasa.

2 Reyes 6:25

Ucqhasti Samaria marcanjja mank'ata wali t'akhesiñawa utjäna, wali jist'antatätap laycusti mä asno p'ekejja quimsakallk tunca kollkewa alapänjja, uqhamarac cuarto kilo paloman wanupasa pheska kollkeraquiwa alapänjja.

Salmos 105:13

marcat marca muyupcän ucapachasa, jach'a marcat yakha marcar sart'apcän ucapachasa,

Salmos 107:34

Purum orakenac kollpa oraker tucuyi, jakenacapan ñankha lurirïpjjatap laycu.

Salmos 34:19

Asqui jakejj jan walinacamp t'akhescchi ucasa, Tatituw take ucanacat waysu;

Jeremías 14:1

Mä jach'a waña maranac utjañapatsti Tatitojj Jeremiasaruw parläna, saraquïnwa:

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

Hechos 7:11

“Ucapachasti mä jach'a mach'aw utjäna Egipto marcana, uqhamarac Canaán marcansa. Take jakenacasti wali llaquitaraquiw uñjasïna. Awquinacasasti janiw cuna mank'añs jicjjatapcänti.

Rut 1:1

Cunapachatejj Israel marcajj juezanacan apnakatäcäna uca maranacanjja, mach'aw utjäna uca chekanjja. Ucatwa Judänquiri Belén marcata Elimelec chachajj Moab sat orakeru jaquir sarjjäna. Jupamp chicajj sarapjjänwa: Noemí sat warmipa, uqhamarac pä wawanacapa, Mahlón, Quelión sutininaca. Take jupanacasti efrateo Belén marcat jutirïpjjänwa, uqhamaw puripjjäna Moab orakeru ucan jacañataqui.