Génesis 10:9

Aymar Bibliia 1986

Nimrodasti pampanquir animalanac jiwayirïnwa Tatitun munañapatjja. Ucatpï aca säwejj jutejja: “Tatitun munañapatjja, Nimrodjam pampanquir animalanac jiwayiri” sasa.

Jak'a apnaqawi uñst'ayäwi

Génesis 10:10

Jupan jach'a marcanacapasti, orakep tokenjja acanacaraquïnwa: Babel, Erec, Acad, uqhamarac Calne ucanaca, jupanacasti Sinar tokenacanwa jacapjjäna.

Génesis 10:8

Cus jakesti Nimrodan awquipänwa, jupasti aca orakenjja nayrïri wali ch'amani jakeraquïnwa.

Génesis 13:13

cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.

Génesis 25:27

Wawanacasti jilarjjapjjänwa. Esausti pampan sarnaker jakënwa animalanac jiwayañsti sum yatiraquïna; ucampisa Jacobojj mä utan utjasir jakequïnwa.

Génesis 27:30

Isaacasti Jacobor bendiciñjja tucuyjjataynawa, ucapachaw awquipan ucat mistuscäna, ucapachaw Esaú jilapasti pampat puriniraquïna.

Génesis 6:11

Diosataquisti aca orakejj ñankha lurañampi cunayman casta jan wali lurañanacampi phokhantatänwa,

Génesis 6:4

Cunapachatejj Diosan wawanacapajj jakenacan phuchanacapampi wawanïñataqui mayachasjjapjjän ucqhajj wali jach'a jakenacaw orakenjja uñstäna, uca khepatsa uqhamaraqui, jupanacasti wali ch'amani jakenacänwa nuwasiñataquejja, wali aytata jakenacänwa uca nayra tiemponjja.

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

Salmos 52:7

“Uñtapjjam, jan ajjsarir jakeru, Diosar jan iyawsañ munir jakeru, kamir yänacaparojjay alcatchïnjja, ñankha lurañanacapanjjay jach'achaschïnjja” sasa.

Isaías 18:2

uqhamaraqui qhitanacapsa Nilo jawiranjam qhitanqui uca marcataquejja, umanjama juncu sat alinacat lurat botenacat jutapqui ucanacataquejja! Qhitanaca, jalacamaqui jalapjjam, uca jach'a tansa, jank'olla jakenacan marcaru, take chekan wali ajjsarat marcaru, wali ch'amani jach'a jach'a tucuri marcaru, cawquïri marcatejj jawiranacan muyuntata jacquejja uca marcaru.

Jeremías 16:16

Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Ezequiel 13:18

Ucatsti saraquim: ‘Aqham siw Tatitojj: ¡Ay, cunaquïcani jumanacataquejja, jakenaca catunañacan sarnakasipcta ucanacataquejja; jupanacajj laykasiñ ch'okäñanac ch'ucupjje, ucanacampi amparanacaparu ch'okasipjjañapataqui, uqhamaraqui velonac lurapjje takenis ucanacampi p'ekenacap ch'okt'asiñataqui! ¿Jumanacasti amuyapjjtati marcajjan utjiri jakenacan jacañanacapajj jumanacanccaspas uqhama?

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.