Génesis 1:14

Aymar Bibliia 1986

Diosasti saraquïnwa: “Alajjpachanjja khananacajj utjpan, urumpi arumampi yakhachañataqui, uca khanasti tiemponaca, urunaca, maranaca señälañataquiraquïpan. Uqhamaraqui alajjpachat aca oraker khananiñapataquiraqui” sasa. Ucatsti uqhampuniw lurasïna.

Jak'a apnaqawi uñst'ayäwi

Génesis 1:13

Uqhamaw quimsïri urojj phokhasïna.

Génesis 8:22

“Aca oraken utjañapcamasti, yapuchañasa, apthapiñasa utjascaquipuniniwa, junt'usa, thayasa, juyphipachasa, jallupachasa, urusa, arumasa utjascaquipuniniwa” sasa.

Génesis 9:13

Nayajj kenaya taypin cürmi uscta, ucasti mä unanchäwina cuna amtäwtejj aca orakempi lurcta ucatjja.

Job 25:3

Alajjpachan arquirinacapajj jan jact'cayawa, khanapasti takenjjaruwa khant'araqui.

Job 25:5

Diosan nayrakatapanjja janiw phajjsisa khantquiti, warawaranacasa janiw k'omäcaraquiti;

Job 3:9

¡Walïsapänwa ucärmanthina khantati warawaranacan jan c'ajañapajja. Janiraqui wali suyt'ata khanan jan puriniñapasa, khantati khanan c'ajtaniñapasa!

Salmos 119:91

Arunacam laycuw take cunas jichhürcam utjasqui, take cunas jumar loktiriwa.

Salmos 148:3

Inti, phajjsi, c'ajquir warawaranaca, Tatitur jach'añchapjjam.

Salmos 148:6

jupaw wiñayatac take cun utt'ayäna, jan tucusquir camächit aru ucharaquïna.

Salmos 150:1

¡Tatitojj jach'ar aptatäpan! Diosarojj kollan utapan yupaychapjjam, muspharcañ alajjpachan jach'añchapjjam.

Salmos 81:3

Machak phajjsi uñstipan trompet phust'apjjam, urt'a puripansti, phust'apjjaraquim ucürojj jiwasanacan jach'a urusawa.

Isaías 40:26

Alajjpach uñtapjjam ucatsti uñatatapjjaraquim: ¿Qhitis take ucanac uscojja? Qhititejj jupanacar mayat mayat jalanokqui ucajj sapakat mayniruw sutitcam jawsaraqui. Wali jach'aw ch'amapajja munañanïñapasa, janiraquiw maynis chhakquiti.

Jeremías 10:2

Tatitojj siwa: “Jan yakha marcanacan luräwinacapa arcapjjamti, janiraqui alajjpachan unañchäwinacatsa sustjasipjjamti, cunjämatejj uca marcanacajj sustjasipjje uqhama.

Jeremías 31:35

Tatituw jumanacataqui inti uscu uru khanañapataqui, phajjsisa, warawaranacasa aruma khanañapataquiraqui, jupaw jach'a kotsa, ucan khothutinacsa luraraqui, jupasti “Take Ch'amani Tatitu sataraquiwa”, ucatsti siwa:

Jeremías 33:20

“Naya Tatituw sista: Phokhasipuniniwa cuna arust'äwtejj nayajj urumpisa, arumampisa lurcta ucanacajja, uqhamat urus arumasa horasaparu puriniñapataqui.

Jeremías 33:25

Jichhasti naya Tatituw sista: Nayasti urumpi arumampiw mä arust'äwiru mantta, uqhamaraqui cuna casta leyinacatejj alajjpachsa, acapachsa apnakcaspa ucanacwa uscuracta.

Ezequiel 46:1

Aqham siw Tatitojja: “Mankhanquiri uta ankäjja, inti jalsu tokenquiri puncusti sojjta irnakaña urunacanjja jist'atapunïniwa, uca puncusti samaraña urumpi, wawa phajjsejj uñstancani uca urunacaquiw jist'arasini.

Ezequiel 46:6

Machak phajjsejj uñstcani uca urusti mä orko vacaw loktasiraquini, marani sojjta orko ovejanacampi, mä jach'a orko ovejampi, take ucanacasti c'umara jan cuna camacht'atäñapawa.

Joel 2:10

Aca orakesti jupanac uñjasajj qhathatiraquiwa, alajjpachas ajjsarañatsa qhathatiraquiwa, intis, phajjsis ch'amact'iwa, warawaranacas janiraquiw sum c'ajcjjeti.

Joel 3:15

intis, phajjsis ch'amact'iwa, uqhamarac warawaranacas janiw c'ajcjjeti.

Amós 5:8

Tatituw lurawayi jan jact'cay warawaranacjja, arumsti ururu tucuyaraqui, ursti ch'amac arumaru tucuyaraqui, kotanquir umanacsa jawsaraqui, ucsti orakjjaru wartaraqui. Jupaw antutani ch'amaninacjjaru tucjatäñapsa, juparaquiw apaniraqui ch'amaninacjjarojj tucjatäñapsa. Sutipasti, Tatitu Diosawa.

Amós 8:9

Dios Tatitojja siwa: “Uca urunjja intisa chica ururuw ch'amact'anejja, urojj sum khancasaw orakjj ch'amactayäjja.

Mateo 2:2

Jisct'apjjaraquïnwa: —¿Cawquinquis nasqui uca judionacan reyipajja? Uñjapjjtwa jupan warawarapa inti jalsu tokena, ucatwa jupar yupaychiri jutapjjta —sasa.

Mateo 24:29

“Uqham llaquisiñ urunac pasjjepanwa intejj ch'amact'jjani, phajjsisa janiraquiw khantcjjaniti, warawaranacasti alajjpachat willirtaniraquiniwa, alajjpachanquir ch'amanacasa ucürojj qhathatiniwa.

Marcos 13:24

“Ucürunacansti uca t'akhesiñanac pasjjepanjja, intejj ch'amact'aniwa, phajjsisti janiraquiw khancjjaniti.

Lucas 23:45

Intejj ch'amact'awayänwa, ucatsti templon cortinajj payaruw chic chicat ch'iyjtäna.

Deuteronomio 4:19

Cunapachatï alajjpach uñtasina intiru, phajjsiru, warawaranacaru uqhamaraqui take ucanacar uñtapjjät ucqhajj jan ucanacar yupaychapjjamti, ucanacsti Dios Tatitu Awquisaw luri take acapach orakenquir marcanacataqui.

Apocalipsis 6:12

Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.

Apocalipsis 8:12

Ucjjarusti pusïri angelaraquiw trompetap phust'asïna, ucatsti intejja quimsïri partewa t'unjatäjjäna, uqhamarac phajjsisa, warawaranacasa. Uqhama quimsïri parte intis phajjsis t'unjatäjjatapatsti, quimsïri partewa jan khanajj khant'cjjänti, ni urus ni arumasa.

Apocalipsis 9:2

Ucatsti uca ch'amac mankha jist'aräna, uca ch'amac mankhatjja mä jek'ew mistüna mä jach'a hornotjama. Uca jek'esti intsa alajjpachsa k'al ch'amact'ayäna.