Gálatas 3:16

Aymar Bibliia 1986

Jichhajj, Diosajj arsuwayiwa Abrahamaru, uqhamarac wawaparusa. Kellkatanjj janiw sisquiti: “Wawanacama” sasa walja jakenacäcaspas uqhama, jan ucasti siwa: “Uqhamarac wawamarusa” sasa, acasti mä sapa jakeru sañacwa muni, ucasti Cristowa.

Jak'a apnaqawi uñst'ayäwi

Génesis 12:3

Qhitinacatejj bendicipjjätam ucanacarojj nayaw bendiciraquï, maldicipcätam ucanacarusti nayaw maldiciraquï; juma tokeraquiw take familianacas aca orakenjja bendicitäpjjani” sasa.

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 21:12

Ucampis Diosajj Abrahamarojj sänwa: “Jan jumajj llaquisimti uca wawatjja, uqhamarac sirvirimatsa. Cuntejj Sara warmimajj mayctam ucanacjja phokhascaquim, wawanacamasti Isaacatwa sartapjjaraquini.

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Mateo 1:1

Acajj Jesusan nayra awquinacapan listapawa. Jupasti Davidanpin Abrahamanpin familiapataraquïnwa.

Lucas 1:55

Cunjämtï awquinacasarojj mä arust'äwjja churawaycänjja, Abrahamampiru, wawanacapampiru wiñayataqui.”

Hechos 3:25

Take cuntï Diosajj profetanac toke arsuwayqui ucajj jumanacataquiwa. Uqhamaraqui jumanacan asquimataquiraqui Diosajj mä arust'äwi lurawayi nayra awquinacasampejja, cunapachatejj Abrahamarojj siscäna: “Juman wawanacam tokewa take acapachanquir jakenacajj bendecitäni” sasa.

Romanos 12:5

uqhamaraquiw jiwasanacajj waljanïcstan ucasa, Cristonjja maya sapa cuerpoquïtanjja, ucatsti takenis maynit maynicamajj mä cuerpjamaquïtanwa.

Romanos 4:13

Diosajj Abrahamarojj mä arust'äwi arsuwayäna jupan wawanacaparu acapacha herenciata churañataqui, ucampis uca arust'äwjja janiw arscänti jupan leyiru phokhatap laycu, jan ucasti Diosar iyawsañapaw utjäna, ucatwa Diosajj juparojj asquit catokäna.

Romanos 4:16

Abrahamar arsutäcäna wawanacapataquisa ucajja, iyawsäw tokew phokhasiñapäna mä wajjt'asïwjama catokañataqui. Ucasti janiw leyirjam sarnakerinacataquïquiti, jan ucasti Abrahamjam iyawsirinacataquiraquiwa. Ucatwa jupajj take jiwasanacan awquisajja.

Romanos 9:4

Jupanacajj israelitanacäpjjewa, jupanacarusti wawapatwa Diosajj catokasjje. Diosasti wali ch'aman cancañapanjja jupanac taypincaraquïnwa arust'äwinacsa Moisesan leyinacapsa churaraquïnwa, templon culto lurañsa uqhamarac arsutanacapsa.

1 Corintios 12:12

Cunjämatejj cuerposajj take cunanïqui uqhamar uñtataraquiw Cristojja. Uca take cunanacasti waljäcchi ucasa, mä sapa cuerporu tucutaquiwa.

1 Corintios 12:27

Uqhamajj jumanacajj Criston cuerpopäpjjtawa, sapa maynis uca cuerponquirinacäpjjaractawa.

2 Corintios 11:22

¿Hebreöpjjeti jupanacajja? Nayajj hebreoraquïtwa. ¿Israel marcanquirïpjjeti? Nayas uca marcanquiriraquïtwa; ¿Abrahaman wawanacapäpjjeti? Nayas ucaraquïtwa.

Gálatas 3:19

Uqhamajj ¿cunataquis Moisesan leyipajj asquïspa? Khepatjja yapjjatasiwa juchanac khanañchañataqui, cawquïrtejj Diosajj arscäna “wawamarusa” sasa ucan jutañapcamaquiw Moisesan leyipajj sirvïnjja. Leyejj angelanac tokew khanañchatäna, ucasti Moisés tokew lurasiraqui.

Gálatas 3:8

Jan judiöpquis ucanacarus Diosajj catokañapäcäna, iyawsañanïtap laycu ucanacatjja nayratpachaw Kellkatajj khanañchi. Nayratpacharaquiw Abrahamarojj aca suma yatiyäwi yatiyi: “Take marcanacaw juma toke bendecitäpjjani” sasa.

Efesios 5:32

Acajj wali jach'a jan amuyt'cañawa. Nayajj sistwa, acajj Cristompita uqhamarac iglesiapampitwa parli.

Colosenses 2:19

Jupanacajj qhititejj p'ekëqui uca Cristompejj janiw mayaquïpquiti. Uca p'ekesti take cuerppachracwa jiltayi jacayasa, uqhamarac mayar tucuyasa Diosan amtataparjama.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.