Gálatas 2:4

Aymar Bibliia 1986

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Jak'a apnaqawi uñst'ayäwi

Salmos 119:45

Uqhamat jan qhitin camsat jacä, arsutanacamar arcatajj laycu.

Salmos 51:12

khespiyäw cusisiñam wasitat churjjeta, ch'aman ajayumamp thurt'ayita.

Isaías 51:23

Nayaw uca copjja qhitinacatejj jumar t'akhesiyapcätam ucanacar churä, qhitinacatejj jumarojj sapcäyätam: ‘Oraker liwnoktam, juma patjjwa pasañ munapjjta’ sasa, jumasti liwnokttawa, lak'ar uñtata taquisitäñamataqui.”

Lucas 5:38

Ucatwa chhuyu vinojj machak lip'ichit lurat wayakar imañajj waquisi, paypach suma imatäñapataqui.

Hechos 15:1

Uca urunacansti yakhep jakenacaw Judeat Antioquiar sarapjjatayna. Ucat jilatanacar yatichapjjatayna: “Khespiyasiñataquejj waquisiw Moisesan leyiparjam circuncisión luräwir phokhañajja” sasa.

Hechos 15:24

Nanacajj yatipjjtwa yakhep jakenacan acat sarapjjatapa, jan nanacan camsata. Ucanacasti jumanacarojj mayjt'ayapjjtamwa aqham arunacapampi pächasiyasa: [“Waquisiw jumanacan circuncidasipjjañamajja, uqhamarac Moisesan leyipa phokhapjjañamasa” sasa.]

Hechos 20:30

Jumanaca taypitwa mayninacajj sartapjjani c'arinac yatichasa, chekäcaspas uqhama, iyawsirinacar jupanac toker apaña munasa.

Romanos 8:15

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

2 Corintios 11:13

Jupanacasti c'ari apostolonacaquïpjjewa, sallkjerinacaraqui, Criston apostolonacapäcaspas uqhamaw tucupjje.

2 Corintios 11:17

Acjja janiw Tatitun parlayatati sisctjja, jan ucasti mä lokher uñtataw parlasctjja, ucataracwa jach'a jach'a tucuñ munasctjja.

2 Corintios 11:20

Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.

2 Corintios 11:26

Walja cutiw sarañanacancta, ucatsti walja cutiraquiw jawiranacampis niya apayasta, lunthatanac toketsa ajjsarañajjajj utjaraquïnwa, pachpa marca masinacajjatsa uqhamarac jaya jakenac toketsa. Walja cutiw marcanacan jan walt'añanacan uñjasta, uqhamaraqui wasaranacansa, kotansa; ajjsarañajjasti janiraquiw jayanccänti c'ari jilatanac taypinsa.

2 Corintios 3:17

Tatitusti Ajayuwa. Cawqhantï Tatitun Ajayupajj utjqui ucqhanjja khespiyat sarnakasiñaw utji.

Gálatas 1:7

Ucampis janiw chekpachanjja yakha casta khespiyasiñ arojj utjquiti, jan ucasti utjiwa yakhanaca jumanacar pantjayiri. Jupanacajj Criston khespiyasiñ arunacapwa maysar k'ewiñ munapjje.

Gálatas 4:25

Agar warmejja Arabianquiri Sinaí kolluruw uñtasi, acajj jichhüru Jerusalenäquis ucawa, niyaquejjay aca marcajj esclavo tucuyatächejja wawanacapamp chica.

Gálatas 4:3

Ucapachparaquiw jiwasanacampejj lurasi, Ajayu token wawäcäyätan ucapachajj jakenacan amuyt'äwiparjamaquiw sarnakäyätanjja.

Gálatas 5:1

Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Gálatas 5:10

Nayanjja Tatitur iyawsañajjaw utjitu jumanacjjata, janiw jumanacajj mayja amtapcätati; ucampis cawquïritejj saräwinacaman jan walt'ayapctam ucarojj Diosajj mutuyaniwa, qhitïscpansa.

2 Timoteo 3:6

Acanacasti utanacaru mantasinjja uca jucharar warminacaru sallkjerinacawa. Aca warminacajj take casta janchin munañapampi wayutäpjjewa,

Santiago 1:25

Ucampis qhititejj jan armt'asqui cuntejj ist'qui ucjja, jan ucasti sum Diosan leyipatjja amuyt'asi, cawquïr leyitejj khespiyat sarnakasiñ churquistu ucarjam sum sarnakasa, phokasaraqui, uca jakejja cusisiñaniwa.

1 Pedro 2:16

Khespiyata sarnakasiñan jakenacjam sarnakapjjam, ucampis uca khespiyat sarnakasiñanacamasti janiraqui cuna jan wali lurañataquïpasa, jan ucasti Diosan esclavonacapjam sarnakapjjam.

2 Pedro 2:19

“Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.