Gálatas 2:2

Aymar Bibliia 1986

Diosaw sarañajj munäna ucatwa sarta. Jerusalén marcanjja wali uñt'at jilïrinacampiw tantachasipjjta, ucansti jupanacarojj cuna khespiyasiñ arunactejj jan judiöpquis ucanacaru yatichcäyätjja ucwa yatiytjja. Acjja jupanacarojj yatiytwa cuntejj lurcäyäta ucajj jan inamayataquïñapataqui.

Jak'a apnaqawi uñst'ayäwi

Eclesiastés 10:1

Mä chhichhillanqha jiwatajj thujsiwa, ucasti suma k'aphirojj mayjt'ayiwa. Mä juc'a pisi amuyt'ajj yatiñ cancañarusa, jach'ar aptatäñarusa atipaspawa.

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Hechos 15:12

Jupanacasti takeniw amuct'apjjäna. Ucata ist'apjjaraquïna Bernabeampin Pablompin parlataparu, cunjämtï Diosajj uñacht'äwinacsa milagronacsa jupanac toke lurcatayna jan judiöpquis ucanac taypina.

Hechos 15:2

Pablompi Bernabeampisti ucjjat uca jakenacampi wal ch'ajjwapjjäna. Ucatwa Pablo, Bernabé uqhamarac mä kawkha jilatanacaru ajllipjjäna, Jerusalenar sarapjjañapataqui uca toket apostolonacampi jilïr jilatanacampi uca marcan khanañchasiñapataqui.

Hechos 15:4

Cunapachatejj Pablompi Bernabeampejj Jerusalenar puripcän ucapachajja, iglesiajj jupanacarojj sum catokäna, uqhamarac apostolonacas, jilïri jilatanacasa. Pablompi Bernabeampisti jupanacarojj take cuntï Diosajj jupanac toke lurcatayna uc yatiyapjjäna.

Hechos 18:9

Ucatsti Pablorojj mä arumaw Tatitojj mä unañchäwi toke parljjayäna: “Jan ajjsaramti, parlascaquim janirac amuct'amsa.

Hechos 23:11

Uca khepa arumasti Tatituw Pablorojj uñstäna. Ucat juparojj saraquïna: “Ch'amañcht'asim, Pablo. Cunjämtejj aca Jerusalén marcan nayat parlctajja, uqhamaraquiw Roma marcan parlañamajja waquisi” sasa.

Hechos 5:34

Ucampisa, jilïrinac taypinjja mä fariseo chachaw utjäna, Gamaliel sutini. Jupasti ley yatichiriraquïnwa, jakenacampisti wali yäkataraquïnwa. Jupasti sayt'asisinjja, apostolonacarojj ankaruw irpsuyi mä juc'a ratotaqui.

Romanos 9:16

Uqhamajj janiw munirincquiti, ni ch'am tucuñanccaraquisa, jan ucasti Diosan qhuyapayasiñapatwa waquisi.

1 Corintios 1:23

Ucampis jiwasanacajj Cristojj ch'accatatäcän ucjjatwa parlapjjtanjja. Uca arunacasti judionacataquejj p'enkawa, jan judionacataquisti lokhe cancañaraquiwa.

1 Corintios 2:2

Jumanacampïcasinjja janiw nayajj cunatsa yatiñ muncäyätti jan ucasti Jesucriston crusan jiwatapatac yatiñ munäyätjja.

1 Corintios 9:24

Jumanacajj yatipjjtawa, mä atipasiñanjja takeniw jalapjje, ucampis mayniquiw premio catokejja. Jumanacasti jalapjjamaya premio catokañcama.

1 Corintios 9:26

Nayajj janiw ina pampaqui jalcti, janiraquiw nuwasiñansa aleka ina ch'usaru ch'acquiristsa uqham nuwascti.

2 Corintios 12:1

Naya pachpat jach'achasiñajjajj janiw waquisquiti, cuna unañchäwinäctï uñjcta uqhamaraqui cuna yatiyäwinactï Tatitojj churquitu, ucanacatwa parläjja.

Gálatas 1:12

Janiw qhiti jaketsa catokcti, ni qhitis yatichcaraquituti, jan ucasti Jesucristo pachpawa acjja yatiyitu.

Gálatas 1:16

Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.

Gálatas 1:6

Wal muspharta, jumanacajj mäquiw Diosaru jaytanucupjjtajja, jupasti Jesucriston munasiñap tokew jawsapjjtam, jumanacasti yakha casta khespiyasiña arunacaruw arcapjjaractajja.

Gálatas 2:6

Ucampis janiw cuna jan uñt'at machak yatichäwsa churapquituti mä jilïrinacjamajja, ucampis cunäsipcpansa, cunsay lurasipcpan, Diosajj janiw ankäjj uñjasinacti taripquejja.

Gálatas 2:9

Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Gálatas 5:7

Jumanacajj walic sarasipcäyätajja: ¿Qhitis asqui luräwiru jaysañjja jaytanucuyapjjtamjja?

Filipenses 2:16

jacañ arunac jupanacaru yatiyasa. Uqhamata cunapachatejj Cristojj jutcani ucqhajj, jumanacat uqham ist'asinjja cusisiñajjataqui, jan inamay jalatajja, inamaya ch'am tucutajjsa yatisina.

Filipenses 2:29

Take cusisiñampi juparojj catokapjjam cunjämatejj mä Tatitunquir jilatarojj catokañäqui uqhama. Uca casta jupjam jilatarusti munasipjjapunim,

1 Tesalonicenses 3:5

Ucatpï nayajj jan juc'amp suyaña munasina, qhitantjja cunjämas iyawsäwinjja sarnakasipcta uc yatiñataqui. Llaquisiscäyätwa: “Supayajj jan wali thaquiruch pantjayqui ucat nanacan luräwinacajjajj ina ch'usaruch tuccani” sasa.

2 Timoteo 4:7

Nayajj suma nuwasïwjja nuwastwa, tucuyäwcamaw jalaracta, iyawsañsti janiraquiw chhakaycti.

Hebreos 12:1

Ucatwa jiwasanacajj walja iyawsañani jakenacampi muyuntatätan, cunatejj jarc'quistu ucjja maysaru apanucuñäni, uqhamarac jiwasar apnakquistu uca juchsa, ucatsti ch'amañchasisa jalañäni cunatejj nayrakatar jalañasäqui ucanjja.