Filemón 1:22

Aymar Bibliia 1986

Ucjjarusti korpachasïwi waquicht'arapita, nayasti suyt'asctwa jumanacan oracionanacamatjja Diosajj wact'ayaniwa nayan jumanacar uñjiri jutañajjataqui.

Jak'a apnaqawi uñst'ayäwi

Hechos 27:24

Uca angelasti saraquituwa: “Jan ajjsaramti. Jumajj Romanquir emperadoran nayrakatapar uñstañamawa. Jumïpanracwa Diosajj jiwañat khespiyani take jumamp chic aca barcon saririnacarojja” sasa.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Romanos 15:24

jichhajja muntwa jumanacar tumpt'aña cunapachatï Españaru sarcä ucapacha. Ucat jumanacar uñjasinjja munaraquïwa jumanacan nayaru saräwejjan yanapt'apjjañama.

2 Corintios 1:11

jumanacatejj nanacar oracionanacamampi yanapapjjetäta ucqhajja. Walja jakenacatejj nanacatac Diosat mayinejja, waljaniraquiw Diosarojj yuspagarapjjani bendicionanaca churquistu ucatjja.

Filipenses 1:19

Nayajj yattwa, take acanacatjja walicwa mistuscäjja, jumanacan oración luratanacamampi, uqhamarac Jesucriston Ajayupan yanapapampi.

Filipenses 2:24

Tatiturojj iyawstwa janc'aqui naya quipca jumanacar uñjiri jutañajjataqui.

Hebreos 13:19

Jumanacatjj mayipjjaracsmawa oracionanacamana, Diosajj janc'ac wasitampi jumanacamp jiquisiyañapataqui.

Hebreos 13:23

Yatipjjaraquim Timoteo jilasajj niya carcelat mistjjewa. Janc'aquitejj purinini ucajj nayamp chicwa irpanï jumanacar uñjiri.

Santiago 5:16

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.

2 Juan 1:12

Walja arunacaw jumanacar sañajj utjasquitu, ucampis janiw sañ munapcsmati carta toke, jan ucasti jutañwa amtta jumanacar uñcatañataqui, ajanuy ajanu parlañataqui, uqhamat cusisiñasajj phokhatäñapataqui.

3 Juan 1:14

Jan ucasti janc'aquiw uñcatañ munsma, ucqhaw jumampejj parlasiscañäni.