Filemón 1:14

Aymar Bibliia 1986

Ucampis janiw cunsa juman jan camsatajj lurañ muncti. Cuntejj jumajj yanapquista ucajj jan nayan jariyatjama lurañamataqui, jan ucasti juman munañamata lurañamwa munta.

Jak'a apnaqawi uñst'ayäwi

1 Crónicas 29:17

Nayasti yattwa Diosajjay, jumajj chuymanaca uñantirïtama, ucatsti jumataquejj cheka cancañaraquiwa asquejja. Ucatwa, cheka chuymampi take acanac chursmajja. Jichhasti cusisitaw uñjaracta marcamajj acan tantachatäsina, walja ofrendanacapjja jumaruw churapjjtam.

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

1 Corintios 9:17

Ucatpï take chuymampi luratajj laycojja, Tatitojj nayarojj wajjt'asiñapa churitani. Jariyatjamaqui lurirista ucasa, ucampis Diosan ewjjapa catokcta ucwa phokhascta.

1 Corintios 9:7

¿Qhiticha soldado sirviñanjja pachpa kollkepampi phokhanejja? ¿Qhitich jan ucajj uva yapuchasajj uvjja jan mallt'quejja? ¿Qhitich jan ucajj oveja awatisajj ovej lechsa jan mallt'caraquejja?

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

2 Corintios 8:12

Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.

2 Corintios 9:5

Ucatwa nayatakejj waljamäna uca jilatanacajj jumanacan ucaru nayrakata jutañapa, ucatarac jupanacarojj achict'tjja uqham jutapjjañapataqui, ucatsti jumanacar yanapt'añapataqui uca ofrenda “Churapjjäw” sapcäyätas uca phokhapjjañamataqui. Uqhamataracwa jumanacan ofrendanacamajj waquicht'atäjjani chekpachansa mä munasiña uñacht'äwïñapataqui, janiraqui nanacas jumanacar: “Churapjjapunim” sasa, wayt'apquirisman uqhamjja.

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.