Éxodo 7:4

Aymar Bibliia 1986

Faraonasti jumanacarojj janiw ist'añ munapcätamti, ucampis nayawa Egiptjjarojj ch'amajj uñacht'ayäjja, ucatsti jach'a muspharcañ cheka luräwinaca uñacht'ayasaraqui, nayaw Israel ejército marcajjaru Egiptot apsuniraquëjja.

Jak'a apnaqawi uñst'ayäwi

Éxodo 10:1

Tatitusti Moisesarojj sänwa: —Faraonan ucaru saram, nayasti faraonampiru, sirvirinacapampirusti chuymanacapjja kalarayäwa uqhamata jan munañapataqui, ucat jupanac taypina jach'a muspharcañ unanchanacajja uñacht'ayañataqui.

Éxodo 11:9

Ucatsti Tatitojj Moisesarojj sascaquïnwa: —Faraonasti janiw jumanacarojj ist'apcätamti, uqhamata nayan jach'a muspharcañ luräwinacajjajj Egipto marcan uñacht'ayatäñapataqui —sasa.

Éxodo 12:51

Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Éxodo 18:8

Ucanwa Moisesajj awcch'iparu yatiyäna cuntejj Tatitojj faraonaru, uqhamarac egipcionacarus lurcäna israelitanacar arjjatasa. Uqhamarac yatiyaraquïnwa cuna jan walt'añanacatejj thaquin utjcäna, ucampis Tatitojj cunjämtejj jupanacar khespiycäna ucanacsa.

Éxodo 3:19

Ucampis nayajj yattwa, Egiptonquir reyejja janiw antutañ munapcätamti, janitejj wali ch'amampi jariyt'atäcani ucajja.

Éxodo 3:20

Uca laycusti, nayajj ch'amajja uñacht'ayasawa Egipto marcarojj azot'ëjja cunayman jach'a muspharcañanacwa jupampi luräjja, ucatwa antutapjjätam sarjjapjjañanacamataqui.

Éxodo 6:1

Ucat Tatitusti Moisesarojj saraquïnwa: —Jichhaw uñjätajja cuntejj faraonampi lurcä ucjja. Cunapachatejj nayajj ch'amajja uñacht'aycä ucqhaquiw, marcapat sarjjapjjañamataqui antutapjjätamjja. Ucampis janiw sariricti antutapcätamjja, jan ucasti jupa pachpawa marcapat sarjjapjjam sapjjätamjja.

Éxodo 6:26

Acanacasti Aarón, uqhamarac Moisés pachpawa, jupanacaruw Tatitojj jawsäna israelitanaca Egiptot apsupjjañapataqui, mä jach'a ejercitor uñtata.

Éxodo 6:6

Jichhasti saram, israelitanacarojj aqham sätawa: —Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Éxodo 7:13

Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Éxodo 7:16

Ucansti aqham sätawa: “Hebreonacan Tatitu Diosapawa nayaru qhithanitu jumaru aca yatiyañataqui: ‘Antutjjam marcajjaru sarjjañapataqui jupanacasti wasaranwa nayaru yupaychapjjetani.’ Ucampis jumajja jichhacamajj janiw ist'añ munctati.

Éxodo 8:15

Ucampis faraonajj jan cuna llaquis ujtcjjatap laycusti chuymapa colerañampi kalarayasisajja janiraquiquiw ist'añjja muncjjänti cuntejj Tatitojj Moisesampiru, Aaronampiru siscäna ucjja.

Éxodo 8:19

Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Éxodo 9:12

Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja.

Éxodo 9:3

Tatitusti ch'amapampejja uywanacjjaruwa mä jach'a jan wali usu apayanini, ucatsti pampanquir take caballonaca, asnonaca, camellonaca, vacanaca, ovejanaca uqhamaw jiwarapjjani.

Proverbios 19:29

Ñankha jan yäkasir jakenacataquejja jawk'jañ lawajj waquichatawa; jan amuyt'an jakenacataquisti asot'ejj jiqhanipataquejj waquichatawa.

Isaías 26:9

Arumanacas take chuymajjampiraquiw jumatjja llaquista, take chuymajjampiraquiw thaksma; cunapachatejj jumajj take aca orakpachar uñjcäta ucqhajj, jakenacajj yatekapjjaniwa cunatejj chekapäqui ucjja.

Lamentaciones 3:3

Mayampi mayampwa sapa cuti, nayataqui amparapjja aytani.

Ezequiel 14:21

“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.

Ezequiel 25:11

Moab uca marcataqui arsüwi arunacsti nayaw phokharaquëjja, ucapachaw jupanacajj yatipjjani nayan Tatitütajja.

Ezequiel 30:14

Egipto marcan aynacha tokenacapsti k'alwa tucjäjja, Zoán sisqui uca chekarusti nina uscuntaraquï, Tebas marcataquisti arsutajj-jja phokhapunïwa.

Ezequiel 30:19

Nayaw Egipto marcataqui arsüwi arunacarojj phokhäjja, ucapachaw yatipjjani nayan Tatitütajja.”

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Apocalipsis 16:7

Ucatsti mayniraquiw altarat art'asinïna aqham sasa: “Jïsa Dios Tata, juman taripatamajj chekapapuniwa jakenacataquejja” sasa.

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

Jueces 2:15

Israelitanacajj sapa cuti nuwasiri mistupcäna ucqhasti Diosajj jupanac contraw tucüna, uqhamïpansti jupanacataquejj jan walt'añanacaw jutäna. Uqhama jan walt'apjjañapataquisti Dios pachpawa arsüna. Uca laycunwa israelitanacan t'akhesipjjañapataquejj Diosan uchatänjja.