Éxodo 7:21

Aymar Bibliia 1986

Jawiran jaquir chawllanacasti jiwarapjjänwa. Ucampis uca jawirajja wali thujsätap laycusti egipcionacajj janiw ucat umcjjapjjänti, take Egipto orakenquir umanacaw wilaru tucüna.

Jak'a apnaqawi uñst'ayäwi

Salmos 105:29

jawir umanacap wilaruw tucuyäna, chawllanacaparusti jiwarayänwa;

Éxodo 7:18

Jawir umana jaquir chawllanacasa jiwaraniwa, ucat jawirajj wali thujsätap laycusti egipcionacajj ajjtasisajj janiw jawirat umañ munapcaniti.”

Éxodo 7:20

Ucatsti Moisesampi, Aaronampejj lurapjjänwa cunjämtejj Tatitojj jupanacar siscäna uqhama. Aaronasti, faraonana, uqhamarac faraonan sirvirinacapan uñjcatawa jach'a thujrupampi jawiranquir umaru jisctäna, ucatsti jawiranquir umajja wilaruw tucüna.

Éxodo 7:22

Ucampis Egiptonquir yatiri jakenacajja uca quipcaraquiw lurapjjaraquïna, ucatsti faraonajj chuymapa colerañampi kalarayasisajj janiw ist'añ muncänti cuntejj Tatitojj siscäna ucjja.

Éxodo 8:14

Ucampis jakenacajja jiwat c'ayranacjja monton montona apthapipjjäna, ucatsti uca montonanacajj take chekanraqui thujstjjaraquïna.

Isaías 19:8

Qhitinacatejj Nilo jawiran chawlla catupjjerïcän ucanacas walracwa jachapjjani, jaqhusipjjaraquini; känanacap umar jakontirinacasti wal llaquisipjjaraquini.

Apocalipsis 8:9

Kotan jaquir lak'onacatsti quimsïri partewa jiwaräna, barconacasa quimsïri partewa t'unjatäna.