Éxodo 7:13

Aymar Bibliia 1986

Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Jak'a apnaqawi uñst'ayäwi

2 Crónicas 36:13

Uqhamarusa Nabucodonosor reyitaquiw sayt'asïna, juparusti Dios laycuw juramento lurayäna jupampïñapataqui, ucatsti munañapampejja janiw Israelana Tatit Diosapar cuttañjja muncänti.

Éxodo 10:1

Tatitusti Moisesarojj sänwa: —Faraonan ucaru saram, nayasti faraonampiru, sirvirinacapampirusti chuymanacapjja kalarayäwa uqhamata jan munañapataqui, ucat jupanac taypina jach'a muspharcañ unanchanacajja uñacht'ayañataqui.

Éxodo 10:20

Ucampis Tatitojj faraonarojj chuymapwa kalarayäna, ucatsti janiw israelitanacarojj antutañ muncänti.

Éxodo 10:27

Ucampis Tatitojj faraonarojj chuymapwa kalarayäna jan israelitanacar antutaña munañapataqui.

Éxodo 14:17

Ucampis nayajja, egipcionacarojja chuymapwa kalarayäjja colerasisa jumanacaru arctanipjjañapataqui, ucatsti nayajj ch'amajjwa uñacht'ayäjja faraonaru, soldadonacaparu, carronacaparu, uqhamarac caballonacaparusa.

Éxodo 4:21

Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.

Éxodo 7:12

jupanacajj sapa mayniw varanacap oraker liwnokapjjäna, ucatsti uca varanacapajj catarinacaruraquiw tucuraquïna. Ucampis Aaronan jach'a thujrupasti wali amuyt'ani jakenacampina, uqhamarac yatiri jakenacan varanacaparojj mank'antänwa.

Éxodo 7:14

Ucjjarusti Tatitojj Moisesar parlascaquïnwa: —Faraonasti colerañampi chuymapan kalarayasisajja janiw israelitanacarojj antutañ munquiti.

Éxodo 7:22

Ucampis Egiptonquir yatiri jakenacajja uca quipcaraquiw lurapjjaraquïna, ucatsti faraonajj chuymapa colerañampi kalarayasisajj janiw ist'añ muncänti cuntejj Tatitojj siscäna ucjja.

Éxodo 8:11

C'ayranacasti palaciomatjja jawiraruw sarjjapjjani, janiraquiw jumarusa, sirvirinacamarusa, ni jakenacamarusa coleraycjjapjjätamti.

Éxodo 8:15

Ucampis faraonajj jan cuna llaquis ujtcjjatap laycusti chuymapa colerañampi kalarayasisajja janiraquiquiw ist'añjja muncjjänti cuntejj Tatitojj Moisesampiru, Aaronampiru siscäna ucjja.

Éxodo 8:19

Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Éxodo 8:28

Ucatsti faraonajj saraquïnwa: —Nayasti antutapjjämawa wasararu sarapjjañamataqui, ucana jumanacan Diosamaru sacrificio loktanipjjañamataqui, ucampis janiw wali jayaru sarapjjätati, nayataquis mayipjjaraquïtawa —sasa.

Éxodo 9:12

Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja.

Éxodo 9:35

Ucatsti faraonajj wastatampi chuymapa kalarayasisajj israelitanacarojj janiraquiquiw muncjjänti antutañjja, cuntejj Tatitojj siscäna Moisés toke uqhamarjamajja.

Éxodo 9:7

Faraonajj israelitanacan uywanacap uñjiriw qhithäna, ucampis jan maya uywanacapas jiwatap yatisinsti, faraonajj chuymap kalarayasïna, ucatsti janiw israelitanacarojj sarjjapjjañapataquejj antutcjjänti.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Deuteronomio 2:30

“Ucampis Sehón reyejj janiw orakepanjam pasañas muncänti, jumanacan Tatitu Diosamaw uca reyin chuymaparu mayjt'ayäna uca laycu, uqhamat jan munañapataqui, ucatsti amparanacamar catuyañataqui jichhürcama.

Hebreos 3:13

Ucampis, maynit maynicam sapüru ch'amacht'asipjjam, jichhüru tiempojj utjquipana, jan qhitis jumanacat juchamp atipjatäñapataqui, ucat chuymapajj jan wal tucuñapataqui.

1 Samuel 6:6

¿Cunatarac jumanacasti egipcio jakenacjam jan amuyt'anïpjjätasti? Faraonar uñtata, jupasti cunapachatejj Israelan Diosapajj ch'amampi jupar uñjäna ucqhaquiw israelitanacarojj antutjjänjja.