Éxodo 6:16

Aymar Bibliia 1986

Levi chachasti patac quimsa tunca pakallkon maraw jacäna, wawanacapan sutinacapasti jilïrit sullcacamajj acanacänwa: Gersón, Coat, Merari ucanaca.

Jak'a apnaqawi uñst'ayäwi

Génesis 35:28

Cunapachatejj jiwjjän ucqhasti Isaacajj pataca quimsakallko tuncani maranëjjänwa.

Génesis 46:11

Levïn wawanacapasti: Gersón, Coat, Merari ucanaca.

Génesis 46:9

Rubenan wawanacapa: Hanoc, Falú, Hezrón, Carmi ucanaca.

Génesis 47:28

Jacobosti tunca quimsakallkoni maraw Egiptonjja jacäna, pataca pusi tunca pakallkoni marancamaw jacaraquïna.

Génesis 50:26

Joseasti Egipton jiwjjäna, patac tuncani maranïcän ucapacha. Janchipsti embalsamapjjänwa, ucat mä ataúd cajonaruraquiw uchjjapjjäna.

1 Crónicas 23:6

Davidasti jaljänwa tam tama, Leví chachan kawkha wawanacapatï jupan utjcäna uqhamaru: Gersón, Coat, Merari ucanaca.

1 Crónicas 6:1

Leví chachan wawanacapasti acanacänwa: Gersón, Coat, Merari ucanaca.

1 Crónicas 6:16

Leví chachan wawanacapasti acanacänwa: Gersón, Coat, Merari ucanaca.

2 Crónicas 29:12

Cawquïr levitanacatejj ucspacha luraña kalltapcäna ucanacajja, acanacäpjjänwa: Coat chachat saraker wawanacapatjja, Amasai chachan Mahat yokapa, ucatjja Azarías chachan Joel yokapa; Merari chachat saraker wawanacapatsti, Abdi chachan Cis yokapa, uqhamarac Jehaleel chachan Azarías yokapa; Gersón chachat saraker wawanacapatsti, Zima chachan Joa yokapa, uqhamarac Jua chachan Edén yokapa;

Éxodo 2:1

Leví chachan wawanacapat saraker mä chachasti, pachpa Leví tribunquir warmimpiw casarasïna,

Éxodo 6:18

Coat chachasti patac quimsa tunca quimsani maraw jacaraquïna, wawanacapasti acanacänwa: Amram, Izhar, Hebrón, Uziel ucanaca.

Éxodo 6:20

Amram sat chachasti Jocabed sat tiapampiw casarasïna, ucatsti jupanacan wawanacapajja Aarón, uqhamarac Moisés ucanacänwa. Amramasti patac quimsa tunca pakallkon maraw jacaraquïna.

Números 16:1

Mä levitaw utjäna Coat chachan wawapänwa, Coré sutini, Izhar sat chachan wawapa, uqhamarac Rubén tribuna quimsa jakenacapampi cuna Datán, Abiram sat Eliab chachan wawanacapa, uqhamarac On sat Pelet chachan wawanacapa.

Números 26:57

Leví tribun jach'a familianacapat censoru jacthapitajj, Gersón, Coat, Merari ucanacatänwa.

Números 3:17

Leví chachan wawanacapasti Gersón, Coat, Merari ucanacänwa.

Números 3:18

Gersón chachan wawanacapasti, jach'a familiatjamajj acanacänwa: Libni, Simei ucanaca.

Números 3:19

Coat chachan wawanacapasti jach'a familiatjamajj acanacaraqui: Amram, Izhar, Hebrón, Uziel ucanaca.

Números 3:20

Merari chachan wawanacapajj jach'a familiatjamajj acanacänwa: Mahli, Musi ucanaca. Take acanacaw Leví chachan jach'a familianacapänjja, jisc'a familianacarjamajja.

Números 3:21

Libni, uqhamarac Simei chachanacan jach'a familianacapajj Gersón chachan jach'a familianacaparaquïnwa.

Josué 21:4

Nayrakatasti suertejj levitas sat familiaruw wact'äna, cawquirinacatï Coat chachan wawapäpjjäna, uqhamaraqui Aarón sacerdoten wawanacaparaqui. Tunca quimsan marcanacaw wact'äna, cawquïrinacatï Judá, Simeón, uqhamaraqui Benjamín tribun orakepancapqui ucanaca.

Josué 21:6

Ucjjarusti cawquïri levitanacatï Gersón chachan wawanacapäpjjän ucanacajj tunca quimsan marcanaca suerteta catokapjjaraquïna, ucanacasti Isacar, Aser, Neftalí, uqhamaraqui chicat Manasés tribun orakepancaraquïnwa, cawquïritï Basán orakenccäna ucanaca.

Apocalipsis 7:7

Simeón tributsti tunca payani waranka, Leví tributsti tunca payani waranka, Isacar tributsti tunca payani waranka,