Éxodo 5:15

Aymar Bibliia 1986

Ucampis israelitanacan jilïrinacapajj faraonar quejasiriw sarapjjäna, ucatsti sapjjaraquïnwa: —¿Cunatsa uqhama sirvirinacamar lurta?

Jak'a apnaqawi uñst'ayäwi

Job 3:18

preso catuntata jakenacas ucanwa samarañ jicjjatapjjaraqui, t'akhesiyirin arnakasitapas janiw ucanjja utjquiti;

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 5:14

Uqhamarac jawk'apjjaraquïnwa, israelit tamanacat encargatäpqui uca lurayir jilïrinacarusa: —¿Cunatsa jan phokhapjjta wasürusa ni jichhürusa kawkha adobenacatejj nayrajj lurapjjericäyäta uqhamjja? —sasa.

Éxodo 5:16

Sirvirinacamarojja janiw jichhunacsa churcjjapjjeti, ucampis waliraquiw jariyapjjaraquitu “Janc'aqui adobenac lurapjjam” sasa, uqhamarac jawk'apjjaraquituwa; ucampis ¡juman jakenacamaw juchanïpjjejja! —sasa.