Éxodo 40:2

Aymar Bibliia 1986

“Nayrïri phajjsi kallta urunjja sayt'ayätawa nayampi Jiquisiñ Carpa, Diosampi Jiquisiña Chekansa.

Jak'a apnaqawi uñst'ayäwi

1 Crónicas 17:5

Cunürutejj nayajj Israel marcaru Egiptot apsuncta ucqhat jichhacamajja, nayajj janipuniw templonacan jaquirïcti, jan ucasti apnakaña carpanacanacwa jaquirïta mayata mayana, uqhamarac mä chekat, mä chekana.

2 Crónicas 29:3

Juparaquiw Tatitun templopana puncunacapa jist'arayäna apnakaña kalltcäna uca mara kallta phajjsina, uqhamarac asquichayaraquïna.

Éxodo 13:4

Jumanacajj mistunipcta uca urusti Abib phajjsinquiwa.

Éxodo 19:1

Israelitanacajj, Egiptot mistuwayapcäna ucat quimsa phajjsitsti Sinaí wasararuw puripjjäna.

Éxodo 26:1

“Tatitumpi Jiquisiñ Carpsti tunca cortinani luräta, uca cortinanacajja lino sat hilonaca c'anthitata luratäñapawa, suma azul telata, morado telata, uqhamarac wila telata, ucasti querubines sat angelanacampi suma bordatäñapawa.

Éxodo 26:30

Uqhamasti uca Tatitumpi Jiquisiñ Carpjja cunjämtejj kollunjja uñacht'aycsma ucar uñtatwa luräta.

Éxodo 26:7

“Ucjjarusti tunca mayan cortinanaca luraraquim cabrito t'awranacata Tatitumpi Jiquisiñ Carpa patjjaru uchañataqui.

Éxodo 27:21

Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Éxodo 30:36

Mä chicatsti suma ñut'u q'iyjasinjja arca nayrakataruw uchäta Tatitumpi Jiquisiñ Carpa mankhana, cawqhantejj nayajj jumampi jiquiscañäni uca chekaru; aca inciensosti wali kollanäniwa jumanacataquejja.

Éxodo 35:11

Kollana chekanjja carpapamppacha, uca carpan techonacapa, ganchonaca, tablanaca, utachañatac lawanaca, jach'a sayir poste lawanaca, orak mankher utt'añapamppacha,

Éxodo 36:18

Uqhamaraqui pheska tunca ganchonacaraqui bronceta lurapjjaraquïna t'irthapiñataqui, uqhamat uca carpajj mayaquïñapataqui.

Éxodo 40:1

Tatitusti aqham sasaw Moisesarojj parläna:

Éxodo 40:6

Ucjjarusti ucharaquim sacrificionac nact'ayas loktaña altarjja, carparu mantañäquis ucqharu Diosampi Jiquisiña Lugar nayrakataru.

Ezequiel 40:1

Uca phajjsina, tunca uru sarakatarusti, cuna urutejj machak mara urüqui, uca uruw Tatitojj amparapa nayjjaru lokjjatitu, ucatsti mä unañchäwi toke Israel orakeruw irparaquitu. Cunapachatejj Babilonia orakeru apatäcayätan, ucatsti niya pä tunca pheskani maraw pasjjaraquitayna, uqhamaraqui Jerusalén marcajj catuntatäcän ucqhatsti tunca pusin maraw pasjjaraquitayna. Israel orakensti Tatitojj mä alto kollu pataruw irpnoketu, ucatpachwa aynach tokenjja walja jach'a utanaca uñjta, ucajj mä marcäcaspas uqhamänwa.

Ezequiel 45:18

Tatitojj aqham siwa: “Kalltïr phajjsina, kallta urusti, jumanacajj mä c'umara jan cuna camacht'ata orko vaca irpanisin sacrificiot loktapjjaraquïta, uqhamat templorojj juchanacat k'omachapjjañamataqui.

Números 1:1

Payïri phajjsita mä uru sarakataru, pä mara pasjjän ucqhajja, cunapachatejj israelitanacan Egipto marcat mistunitanacapajj niya mä marat pasascäna, ucapachaw Tatitojj Moisesarojj parläna Sinaí sat wasara kolluna, Diosampi jiquisiñatac lurat carpäquis ucqhana, ucatsti aqham sänwa:

Números 7:1

Cunürutejj Moisesajj kollan chekawja lurañ tucuyjjän ucqhajj aceitempiw catuyjjäna, take kollan chekawjan yänacapa, uqhamarac altaran yänacapsa.

Números 9:1

Israelitanacan Egipto marcat mistunipjjatapatsti, pä mara sarakatarusti, nayrïri phajjsinjja, Tatitu Diosajj Moisesaruw parläna, Sinaí wasarana, aqham sasa:

Números 9:15

Cunürutejj Arust'äwi Carpa lurapcän ucqhajj, kenayawa ucarojj muyuntäna. Jayp'untjjepansti, Arust'äwi Carpa patjjanjja, mä ninaraquiw uñstjjäna, ucatsti khepa uru khantatcamaw uca patancäna.