Éxodo 4:7

Aymar Bibliia 1986

Ucat Diosajj saraquïnwa: —Wasitampi amparama pechomar lokantam —sasa. Moisesasti iyaw sasaw wasitampi amparap pechopar lokantasïna, ucatsti aysusinjja mayni janchinacapjama c'umaracwa uñjjatasjjäna.

Jak'a apnaqawi uñst'ayäwi

2 Reyes 5:14

Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

Éxodo 4:8

—Nayrïri unancha uñjasatejj jan iyawsapcani, ni ist'apcaraquïtamsa ucajja, payïri unancha uñjasawa iyawsapjjani.

Mateo 8:3

Jesusasti juparojj amparapampiwa lokjjatäna, ucatsti saraquïnwa: —Muntwa, k'omäjjtawa. —sasa. Uca aru arscän ucspachaw lepra usupatjja c'umaräjjäna.

Lucas 17:12

Mä jisc'a marcar purquipansti, tunca lepra usun jakenacaw jupar jicjjatir mistunipjjäna, jupanacasti jaya chekawjaruw sayt'asipjjaraquïna.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!