Éxodo 4:15

Aymar Bibliia 1986

Jumasti jilamaruwa yatiyäta cunanactejj parlañamäqui uca arunaca. Nayasti jumanacampïscäwa cunapachatejj parlapcäta ucqhajja, uqhamarac nayaraquiw yatichasipcäma cunanacatejj lurapjjañanacamäqui ucanacsa.

Jak'a apnaqawi uñst'ayäwi

2 Samuel 14:3

Ucatsti janc'aqui reyin nayrakataparu uñstam, cuntejj nayajj siscäma uca arunaca arsuraquïta” sasa. Ucatsti cuntejj Joab chachajj uca warmirojj sañapataqui yatichcäna,

Salmos 25:12

Tatitur wakaychir jakerojj, arcañ thaqui uñacht'ayi:

Salmos 51:15

Tatay, lacajjay jist'arita, lacajjampisti jach'añchasaw k'ochüma.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 4:12

Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.

Éxodo 4:28

Ucatsti Moisesajj, Aarón jilaparojja cuntejj Tatitojj parlcäna ucanacwa yatiyäna, uqhamarac muspharcañ unanchanaca lurañapataquis arscäna ucsa yatiyaraquïnwa.

Éxodo 4:30

Aaronajj yatiyänwa Tatitojj cunanactejj Moisesar parlcäna ucanaca, uqhamarac jakenacarojj uñacht'ayaraquïnwa cawquïr muspharcañ unanchanactejj Diosajj “Lurätaw” siscäna ucanaca.

Isaías 51:16

nayaw alajjpach uscta, aca oraksa sum sayt'ayaractjja. Nayaraquiw lacamarus arunacajj uchtjja, amparajjampiraquiw arjjatsma. Nayaw Sión marcarojj ‘Jumajj marcajjätawa’ ” saractjja.

Isaías 59:21

Tatitojj siwa: “Nayaw jumanacampejj mä arust'äwi lurta, arsuractwa, ch'amajjasa, yatichäwinacajj churapcsma ucanacasa janiw jumanacatjja juc'ampi jayarst'cjjaniti, janiraquiw wawanacamatsa jayarst'caniti, wiñayan wiñayapataqui.”

Jeremías 1:9

Ucatsti Tatitojj amparapa loktanisinjja, lacajjat llamct'itu, saraquituwa:

Jeremías 36:32

Uqhamasti Jeremiasajj yakha rollo aptasinjja Baruc kellkeriparuw churaraqui. Ucatsti cuntejj Jeremiasajj siscäna take uca arunacwa kellkaraquïnjja, cunanacatejj kellkatäcäna cawquïri rolltejj Joacim reyejj naqhantayqui uca. Uqhamarusa Jeremiasajj ucar uñtasita yakha arunacampwa yapjjataraquïna.

Números 16:28

Moisesasti parlascaquïnwa aqham sasa: —Acampiw yant'apjjäma: Tatituw nayar qhitanitu take acanac lurañataqui, janiw nayan munañajjaru lurcti.

Números 22:38

Ucapachasti Balaamajj sänwa: —Nayasti juma jac'ancasctwa, niyaw jumar uñjir jutta. Ucampisa nayajj janiw ch'amanïcti naya pachpa parlañataqui, cuntejj Diosajj sisquitani ucac parlaraquëjja —sasa.

Números 23:12

Ucatsti Balaamajj sänwa: —Jumampisti parltanwa cuntejj nayar Tatitu Diosajj sisquitani ucaqui sämajj —sasa.

Números 23:16

Tatitusti Balaamampi jiquisiriw mistunïna; ucat lacaparojj uchänwa cuntejj parlañapäcän uca arunaca, uqhamaraquiw aqham säna: —Cutt'am cawqhancquitejj Balac reyejj ucqharu; parlam cuntejj siscsma uca arunaca —sasa.

Números 23:5

Ucatsti Tatituw Balaaman lacaparojj uchäna cuntejj parlañapäqui ucjja, aqham sasa: —Cutt'am cawqhancquitejj Balac reyejj ucqharu, ucatsti parlam cuntejj siscsma uca —sasa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Lucas 21:15

Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.

1 Corintios 11:23

Cuntejj nayajj yatichapcsma ucjja pachpa Tatitutwa nayajj catokta. Tatit Jesusajja, catuntatäñapäcän uca arumajj t'ant'wa irtäna,

1 Corintios 15:1

Jichhajj jilatanaca, muntwa cuna khespiyasiñ arunactï yatiyapcsma ucanaca amtasipjjañama. Uca arunacjj jumanacaw catokapjjtajja, ucanaracwa jichhas sum sayt'asisipctajja.

Deuteronomio 18:18

Nayaw jupanac taypitjja mä jumjam profeta sartayä, jupanacan marca masipata, ucatsti cuntejj nayajj parlam siscä ucwa sapjjätam uqhamaraquiwa parlapjjätam cuntejj nayajj ewjjancä ucanaca.

Deuteronomio 5:31

Ucatsti jumajj nayampi aca chekan kheparam. Nayaw churäma camachi arunaca, leyinaca, arsutanacajja, jupanacar yatichañamataqui, uqhamata sarnakäwinacapan uca camachi arunacarjam sarnakapjjañapataqui cawquïri oraktï churcä ucana.’

1 Samuel 16:3

Ucatsti Isaí chacharojj uca sacrificio loktäwirojj jawsayaraquim, ucat nayaw sascäma cunatejj lurañamäqui ucjja. Qhitirutejj nayajj siscäma ucaru reyitac yakhacham —sasa.