Éxodo 34:21

Aymar Bibliia 1986

“Sojjta uruw irnakapjjäta, ucampis pakallko urunjja samarapjjätawa, yapuchañ horasasa, jan ucajj cosechanac apthapiña horasanacasa.

Jak'a apnaqawi uñst'ayäwi

Génesis 45:6

Pä maraw pasjje mach'an kalltatapajja, ucampisa pheska marampiw faltasqui, uca maranacansti janipuniw cuna casta cosechas utjcaniti yapuchatäscchini ucasa.

Nehemías 13:15

Qhaya urunacanjja Judá orakenjja uñjtwa yakhepanacajj samarañ urunjja uvanac taquiri vino lurañataqui, uqhamarac trigo pichunaca apnakeri asnonacatsa qhumunakeriraqui uvanaca, higonaca, uqhamarac take casta carganaca, uqhamarac samarañ urunaraqui Jerusalenar apapjjäna. Ucatsti nayajj tokenoktwa uca urun aljañanac aljasipjjatapata.

Éxodo 23:12

“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Éxodo 31:15

Jumanacasti sojjta uruwa irnakapjjañamajja, ucampis pakallko urojja samaraña uruwa Tatitur loktat uru. Uca laycusti qhititejj uca uruna cunsa lurani ucajja jiwayatäñapawa.’

Éxodo 35:2

Sojjta uru irnakasaw cunanacsa lurañasa, ucampis pakallko urusti jumanacataquejj kollanäniwa, samarasa Tatitur jach'añchañ ururaqui. Ucampis qhititejj uca urojj cunsa lurcani ucajja jiwayatäñapawa.

Isaías 30:24

Vacanacamataquisa, asnonacamataquisa, mank'ajj jilarquiriw utjani, suma pastonaca mank'apjjaraquini.

Levítico 23:3

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Lucas 13:14

Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Lucas 23:56

Utar cuttanjjasinsti suma k'apquir kollanac waquiyapjjäna. Samarañ urusti samarapjjänwa camachi arunacarjama.

Deuteronomio 21:4

Uca vaca kalljja mä uma jalasquir jawiraruw irpakawayapjjani, cawqhantejj jan cuna yapus lurasqui ni cunas satatäcaraquiti, ucawjanwa uca vaca kallun cuncap p'acjapjjani.

1 Samuel 8:12

Mayninacarojj waranka soldadjjaru jilïritwa ucharaquini, mayninacarusti pheska tunca soldadonacjjaruw ucharaquini. Jumanacat yakhepanacarusti yapupa khollipjjañamataquiw uchapjjätam, yapupa apthapiñataquiraqui, uqhamarac armanacap lurañataqui, guerrar sarañ carronacan yänacap lurañataquiw uchapjjätam.