Éxodo 33:9

Aymar Bibliia 1986

Cunapachatejj Moisesajj uca Carparu mantcäna ucqhasti mä sayt'u kenayawa alajjpachat saraktanisa uca Jiquisiñ Carpa puncuru sayt'äna, uccañcamasti Tatitojj Moisesaruw parläna.

Jak'a apnaqawi uñst'ayäwi

Génesis 17:22

Cunapachatejj Diosajj Abrahamampi parlañ tucuyjjän ucqhajj uca chekatjja sarjjänwa.

Génesis 18:33

Cunapachatejj Tatitojj Abrahamampi parlañ tucuyjjän ucqhajj uca chekatjja sarawayjjänwa, Abrahamasti carpaparuraquiw cuttjjäna.

Salmos 99:7

Tatitojj kenay taypitpach jupanacarojj parläna, jupanacasti arsutanacap phokhapjjäna, camächit aru catokapjjaraquïna.

Éxodo 25:22

Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.

Éxodo 31:18

Tatitojj Sinaí sat kolluna Moisesampi parlañ tuct'ayasinsti pä kalat lurata tablanacwa churäna, uca tablansti Diosan ampar luc'anapampi kellkat tunca camachi arunacapaw kellkatänjja.

Éxodo 33:10

Take jakenacajja uqhama kenayajj Diosampi Jiquisiñ Carpa puncuru sayt'ipanjja sapa mayniwa carpanacap puncuru quillt'asisa Diosaru yupaychapjjäna.

Éxodo 33:11

Diosasti, Moisesampejj ajanuy ajanuwa parlapjjäna, cunjämatejj qhitisa mä amigopampejj parlasqui uqhama. Ucatsti Moisesajj Diosampi parlaniwayasinjja campamentoruw cutt'anjjäna. Ucampis Nun sat chachan Josué yokapasti Moisesan yanapiripänwa, ucat aca waynasti Tatitumpi Jiquisiñ Carpatjja janipuniw mistuniricänti.

Éxodo 33:8

Cunapachatejj Moisesajj Diosampi Jiquisiñ Utaru sarcäna ucqhajja, take jakenacawa sartasina utanacapat mistunisajj sayt'ata Moisesar uñch'uquipjjäna Diosampi Jiquisiñ Carparu mantañapcama.

Éxodo 34:3

Jumampisti janiw qhitisa kollurojj maqhatañapäquiti, ni kollunsa qhitisa utjañapäquiti, uqhamarac kollu nayräjjanjja janiwa ovejanacsa, ni vacanacsa awatipjjañamäquiti —sasa.

Éxodo 34:5

Ucatsti Tatitojj kenayanjamwa sarakanïna. Ucat Moisesampi kollun parlasinsti sutipwa arsusïna:

Éxodo 34:9

—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Ezequiel 3:22

Tatitusti ucqhanpachwa amparapa lokjjatasin saraquitu: “Sartasim, ucat pampa tokeru saram ucanwa nayajj jumaru parljjayäma” sasa.

Números 11:17

Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Números 7:89

Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.

Deuteronomio 31:14

Ucatsti Tatitojj Moisesarojj sänwa: “Uñjam, niyaw jiwañamajj jac'ancjje; uqhamasti Josué chacharu jawsam, ucatsti sarapjjam Jiquisiñ Carpäquis ucaru, ucanwa nayajj ewjjanacajja churapjjäma” sasa. Moisesampi Josué chachampejj Jiquisiñ Carparuw sarapjjäna.

Deuteronomio 31:15

Ucansti Diosajj mä kenay taypinwa jupanacarojj uñstäna, carpa puncu mantañan sayt'asisa.