Éxodo 33:6

Aymar Bibliia 1986

Ucat israelitanacajj Horeb sat kollutpachwa jaytanucjjapjjäna, janiw uchascjjapjjänti suma yänacapsa.

Jak'a apnaqawi uñst'ayäwi

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 32:3

Ucatsti take jakenacawa jinchunacapancqui uca kori aretenaca apsusina Aaronan ucaru apapjjäna.

Éxodo 33:4

Jakenacasti uca jan wali yatiyäwi arunac ist'asinjja wali llacthapisipjjäna, janiraquiw qhitisa suma yänacapa uchasiñ munapcänti.

Éxodo 33:5

Tatitusti Moisesarojj sataynawa: —Aqham yatiyam israelitanacarojja: “Jumanacajj naya contra tucuri jakenacäpjjtawa. ¡Nayatejj jumanacampi sarirista ucajja, mäquiw tucjapjjerismajja! Jichhasti jumanacajj suma yänacamjja apakasipjjamaya, ucatsti nayaw yatï jumanacampi cunjämaru lurañsa” —sasa.

Éxodo 33:7

Moisesasti Diosampi jiquisiñ sat waquichat carpsti campamentotjja jaya chekaruw aptäna, ucsti sutichänwa Diosampi Jiquisiñ Carpa sasa. Ucampis qhititejj Tatituru cunsa jisct'asiña munqui ucajja saränwa campamentot ankäjjancqui uca Carparu.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jonás 3:5

Uca marcanquiri jakenacasti jach'at jisc'acamaw Diosaru iyawsapjjäna. Ayunaña amtapjjäna, llaquisiñatsa chhanqha isinacampiw isthapisipjjaraquïna.