Éxodo 33:13

Aymar Bibliia 1986

Ucampis uca arsutanacamatejj chekächi ucajja uñacht'ayitaya amtäwinacamjja uqhamata nayan confianza utjañapataqui, ucat juman qhuyapayasiñamajj nayatac utjascatapa yatiñajjataqui. Ucampis jumajj yatim aca jakenacajj juman jakenacamawa.

Jak'a apnaqawi uñst'ayäwi

2 Samuel 15:25

Ucampisa reyejj Sadoc jakerojj saraquïnwa: —Diosan arcapjja marcaru cuttayjjam; Tatitutejj munani ucapachajj nayarojj cuttayasinquitaniwa, arcapsti wasitat uñjascaraquïwa, cawqhanccanitejj uca chekana.

Salmos 103:7

Moisesaruw thaquip yatichäna, Israelan wawanacaparusti muspharcañ luräwinacap uñachayäna.

Salmos 119:33

Tatay, leyiman thaquipay uñacht'ayita, nayasti tucuycamaw arcä.

Salmos 25:4

Tatay, thaquim uñacht'ayita, thaquiman irpnakasita,

Salmos 27:11

Tatay, thaquim uñacht'ayita, cheka thaquiman irpita, timanacan nayatac utjatap laycu.

Salmos 51:13

Jucharar jakenacaruw thaquimat yatiyä, juchaninacasti jumaruw maqhatjjapjjätam.

Salmos 86:11

Tatay, thaquimay uñacht'ayita, jan saraktas arcañajjataqui. Chuymajjarusti sutim wakaychir tucuyam.

Éxodo 3:10

Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Éxodo 32:12

¿Cunjämaraqui jaytätasti Egipcionacaru aqham sas parlirsti: “Diosasti jan wali amtäwimpiw irpsuwayi wasara kollunacana jiwarayañataqui, uqhamat aca oraketa chhaktayañataqui” sasa? Uqhamasti janiquiy colerasimti, cuntejj amtcta ucjja armasjjaquimaya janiquiy jan walt'añar uscumti.

Éxodo 32:14

Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Éxodo 32:7

Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.

Éxodo 34:9

—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Éxodo 5:1

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: “Marcajjaru antutam wasararu sarjjapjjañapataqui, ucanwa nayaru cusisita yupaychapjjetani” —sasa.

Isaías 30:21

Cupi tokeru, jan ucajj ch'eka tokerus saranucütajja, khepäjjamatsti mä aru ist'äta, saraquïtamwa: “Aca chekaw thaquejja, sarasipcaquim” sasa.

Isaías 63:17

¿Tata, cunatrac thaquimat saranucupcta ucqhasti jan jarct'apjjesta, cunatrac chuymanacajjsti kalarayapjjesta jumar jan jaysañataquisti? Sirvirinacamar munatam laycusay sum tucuyapjjeta cawquïri tribunacatejj jumancqui ucanac laycusaya.

Isaías 63:19

Janis jumajj cunapachas apnakapquitasamän uqhamäpjjtwa, janis cunapachas sutimjja apapquiriscäyät uqhama.

Joel 2:17

Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: ‘Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ¿Cawquincarac Diosapasti?’ sasa.”

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Romanos 11:28

Khespiyasiñ toketjja, judionacajj Diosan uñisiripaw tucupjje, uqhamat jumanacajj khespiyasipjjañamataqui, ucampis Diosajj jupanacarojj munasisquiwa, jupanacat nayra awquinacapar ajllisitap laycu.

Efesios 1:17

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Deuteronomio 9:26

Ucatsti Diosarojj mayïyätwa: ‘Dios Tata, jan jumajj aca marcamaru t'unjamti, jumaw jach'a cancañampi khespiyasta uqhamaraqui jach'a ch'amamampi Egipto marcatsa irpsunta.

Deuteronomio 9:29

Ucampis jupanacajj juman marcamawa, juman herenciamaraquiwa, jumaw Egipto marcat irpsunta jach'a ch'amamampi’ sasa.

Colosenses 1:10

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.