Éxodo 33:11

Aymar Bibliia 1986

Diosasti, Moisesampejj ajanuy ajanuwa parlapjjäna, cunjämatejj qhitisa mä amigopampejj parlasqui uqhama. Ucatsti Moisesajj Diosampi parlaniwayasinjja campamentoruw cutt'anjjäna. Ucampis Nun sat chachan Josué yokapasti Moisesan yanapiripänwa, ucat aca waynasti Tatitumpi Jiquisiñ Carpatjja janipuniw mistuniricänti.

Jak'a apnaqawi uñst'ayäwi

Génesis 32:30

Jacobosti uca chekarojj Peniel sasaw suticharaquïna, saraquïnwa: “Diosarojj ajanuy ajanuw uñcatta, ucampisa jacascaractwa” sasa.

2 Crónicas 20:7

Nanacan Diosajja, jumawa Israel marcana nayrakatapata jakonuctajja aca oraken jaquir jakenacarojja, ucatsti juman munata Abrahaman wawanacaparuw wiñayataqui churtajja.

Job 16:21

qhitisaya arspan nayat arjjatasisa Dios nayrakatanjja, cunjämtejj mayni jaken nayrakatapanjja arsutajja maynit arjjatasisajja uqhama.

Éxodo 17:9

Ucatsti Moisesajj Josué chacharojj sänwa: —Israelitanacatjja mä kawkha chachanaca ajlliwayasinsti, amalecitanacamp nuwasiri saram. Nayasti arumanthejja kollu pataruw mistöjja Diosan jach'a thujrupasa amparajjaru apt'ata —sasa.

Éxodo 24:13

Moisesajj Diosan kolluparojj maqhatänwa Josué yanapiripampi chica.

Éxodo 32:17

Josué chachasti jakenacan arnakasitanacap ist'asinjja Moisesarojj sänwa: —Campamentotjja nuwasirinacjam arnakasirinacaw ist'asi —sasa.

Éxodo 33:10

Take jakenacajja uqhama kenayajj Diosampi Jiquisiñ Carpa puncuru sayt'ipanjja sapa mayniwa carpanacap puncuru quillt'asisa Diosaru yupaychapjjäna.

Éxodo 33:9

Cunapachatejj Moisesajj uca Carparu mantcäna ucqhasti mä sayt'u kenayawa alajjpachat saraktanisa uca Jiquisiñ Carpa puncuru sayt'äna, uccañcamasti Tatitojj Moisesaruw parläna.

Isaías 42:8

Nayätwa Tatitojj, ucaraquiw sutejjajja, janiraquiw muncäti cunatejj nayar churañäqui ucjja yakhar churayañjja, janiraquiw yakha diosanacarus yupaychaycäti naya lantjja.

Números 11:28

Ucatsti Josué sat Nun chachan wawapajj, cawquïritejj waynatpacha Moisesan yanapiripäcän ucajj, aqham sänwa: —¡Moisés! Nayan jilïrejja, jan ucanacjja lurayamti —sasa.

Números 12:7

Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

Números 12:8

Jupampisti ajanuy ajanuwa parlapjjtjja, khana arunacampi. Jupasti ajanuy ajanuw uñjitu, ¿cunatarac jumanacasti jupjjata jan wali arunac parlapjjtasti?” sasa.

Juan 11:11

Uca pasatatsti Jesusajj jupanacarojj sänwa: —Lázaro amigosajj iquisquiwa, ucampis nayajj sartayanïwa —sasa.

Juan 3:29

Mä casarasïwinjja casarasiri warmin chachapäcani, ucapï casarasir waynajja, jupan parlatap ist'asinjja amigopajj wal cusisi. Nayajj uca pachparaquiw cusista.

Deuteronomio 31:14

Ucatsti Tatitojj Moisesarojj sänwa: “Uñjam, niyaw jiwañamajj jac'ancjje; uqhamasti Josué chacharu jawsam, ucatsti sarapjjam Jiquisiñ Carpäquis ucaru, ucanwa nayajj ewjjanacajja churapjjäma” sasa. Moisesampi Josué chachampejj Jiquisiñ Carparuw sarapjjäna.

Deuteronomio 34:10

Ucat sipansa janiw mayampis uca Israel marcanjja Moisés profetjamajj utjcjjänti, cawquïrimpitejj Tatitu Diosajj parlascäna ajanuy ajanu uqhamajja.

Deuteronomio 5:4

Diosasti jumanacampejj parlänwa ajanuy ajanu, mä nina taypita.

Santiago 2:23

Uqhamatwa Diosan arupan kellkatajj phokhasïna: “Abrahamajj Diosaruw iyawsäna, Diosasti ucatjj ‘Waliquiw’ sasaw catokäna.” Abrahamasti Diosan amigopa sataraquïnwa.