Éxodo 33:1

Aymar Bibliia 1986

Tatitusti Moisesarojj sänwa: —Sarjjapjjam acqhata juma, uqhamarac Egiptot irpsuncta uca jakenacampi, cawqha oraktejj wawanacamaruw churäjja sas Abrahamaru, Isaacaru, Jacoboru arscta uca orakeru.

Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 26:1

Uca tiemponsti mä jach'a mach'aw ucsa tokenacanjja utjäna, yakha mach'asti Abrahamajj jaccän uca urunacaraquiw utjänjja. Ucatwa Isaacajj Gerar tokeru sarjjäna, cawqhantejj filisteonacan Abimelec reyipajj jaccäna ucsaru.

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 28:10

Jacobojj Beerseba chekat mistuwayasinjja Harán toker sarquis uca thaquinjamwa sarjjäna.

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

Éxodo 17:3

Ucampis israelitanacajj umat pharjatajja Moisés contrawa jan walinac parlapjjäna aqham sasa: —¿Cunatsa Egiptota apsunipjjesta, nanacaru, wawanacajjaru, animalanacajjaru umat jiwarayañataquejja? —sasa.

Éxodo 32:1

Ucampis jakenacajja Moisesajj jan janc'as kolluta sarakanjjatapatsti Aaronar muyuntasinsti sapjjänwa: —Mä diosanac lurarapipjjeta jiwasaru irpañapataqui, cunapunejj Egiptota apsunquistu uca Moisesampejj pasjjchi, janipuniw cunas yatiscjjeti —sasa.

Éxodo 32:13

Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: “Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui” —sasa.

Éxodo 32:34

Jichhasti saram, uqhamarac jakenac irpam cawqha chekarutejj siscsma ucqharu, nayan angelajjawa irpascätam. Nayasti jupanacarojj mutuyañ urojj purincani uca uruwa juchanacapat mutuyascäjja.

Éxodo 32:7

Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.

Levítico 20:24

Nayasti sapjjsmawa, jumanacaw uca jakenacan orakenacapatjja dueñöpjjäta, naya quipcaraquiwa jumanacarojj uca oraker catuyapjjäma cawqhantejj lechesa, misq'isa umjam jalasqui uca orakena. “Nayätwa jumanacan Tatitu Diosamajja, jumanacarusti nayaw yakha marcanacat sipansa yakhachapjjsma.

Números 11:12

¿Nayasti jupanacanjja awquipätti, taycapätcha juman mayiñamataqui, ñuñur wawanacäpcaspas uqhama, nayan amparajjar apañajjataqui, cawquïri oraktejj nayra awquinacajjaru “churämaw” siscäyäta ucacama?

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Deuteronomio 1:8

Nayaw take uca orakenac amparamarcam catuyapjjsma, jichhasti sarapjjamay uca orakenac catuntiri, cawquïrtï naya Diosajj juramentompi arsusina churta nayra awquinacamaru; Abrahamaru, Isaacaru, Jacoboru, uqhamarac wawanacaparusa’ ” sasa.