Éxodo 32:1

Aymar Bibliia 1986

Ucampis jakenacajja Moisesajj jan janc'as kolluta sarakanjjatapatsti Aaronar muyuntasinsti sapjjänwa: —Mä diosanac lurarapipjjeta jiwasaru irpañapataqui, cunapunejj Egiptota apsunquistu uca Moisesampejj pasjjchi, janipuniw cunas yatiscjjeti —sasa.

Jak'a apnaqawi uñst'ayäwi

Génesis 19:14

Lot chachasti tollkanacapan ucaruw saräna, ucanacasti phuchanacapampi casarasiñataqui parlatäpjjänwa, ucatsti jupanacarojj saraquïnwa: —¡Sartasipjjam, ucatsti aca marcat jayar sarjjapjjam, Tatitu Diosaw aca marcjja t'unjani! —sasa. Ucampisa tollkanacapajj janiw Lot chachan aruparojj yäkapcänti,

Génesis 21:26

Abimelec chachasti ucjjarojj saraquïnwa: —Jichhacamajj janiw nayajj cunsa uca toketjja ist'cti, janiraquiw jumajj cunsa uca toketjja yatiyquistati. ¿Qhitirac uc lurasapänsti? —sasa.

Génesis 39:8

Ucampis Joseajj janiw muncänti, saraquïnwa: —Jumajj uñjtawa, uywirejjajj take yänacapwa nayar catuyitu, nayan acancquipansti janiw jupajj cunatsa llaquiscaraquiti.

Génesis 44:15

Joseasti saraquïnwa: —¿Cuns lurapjjta? ¿Janit yatipcta nayjam jakejj adivinirïtapjja? —sasa.

Génesis 44:4

Marcatsti janïraw jayancapcänti, ucapachaw Joseajj mayordomoparojj säna: —Uca jakenacar arctam, ucatsti jicjjatasinjja saraquim: “¿Cuns ac lurapjjesta? ¿Cunatsa uywirejjan kollke copapa lunthatsunipjjta?

Salmos 106:19

Horeb kollun vaca kall lursusipjjäna, kori umatatayasaw mä dios lursupjjäna, ucaruw yupaychapjjäna,

Éxodo 13:21

Tatitusti jupanacan nayrakatapwa saräna, urojja mä kenayanjamaw saräna thaqui uñacht'ayañataqui, arumasti mä ninaraquiw khant'äna. Uqhamatwa jupanacajj sarapjjäna uruy aruma.

Éxodo 14:11

Moisesarojj sapjjänwa: —¿Janiti Egiptonjja sepulcronacajj utjcäna, aqhama nanacaru apsunisa aca wasaran jiwarayañamataquejja? ¿Cunatsa uqham lurta, nanacar Egiptot apsunisajja?

Éxodo 16:3

Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Éxodo 20:23

Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.

Éxodo 24:12

Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa.

Éxodo 24:18

Moisesasti kenay taypinjamwa kollurojj maqhatäna, kollunjja pusi tunca urumpi, pusi tunca arumampiwa ucancäna.

Éxodo 32:11

Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Éxodo 32:22

Ucat Aaronasti sänwa: —Tata, janiy nayataquejj colerasimti. Jumasti suma yattajja aca jakenacajj cunatejj jan walïqui ucacpun lurañ munapjjejja.

Éxodo 32:23

Jupanacasti sapjjetuwa: “Mä diosanac lurarapipjjeta nanacar irpañapataqui, Egiptot irpsunquistu uca Moisesarojj cunapunejj pasjjchi, janipuniw cunas yatiscjjeti” sasa.

Éxodo 32:7

Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.

Éxodo 33:3

Sarapjjam cawqhantejj leches, misq'isa umjama jalasqui uca orakeru. Ucampis nayajj janiw jumanacampi sarcäti, janiw nayajj muncti thaquina jumanacaru tucjaña, jumanacasti naya contra tucuri jakenacäpjjtawa uca laycu —sasa.

Ezequiel 20:8

“Ucampisa jupanacajj cutcatasipjjetuwa janiraquiw arunacajjsa ist'añsa munapcänti; uca ajjtascañ diosanacapatsa janiw jithektapcänti, janiraquiw Egiptonquir c'ari diosanacapsa apanucuñ munapcänti. Nayasti colerasiñajjsa jupanacjjaru wartaniña amtäyätjja, pachpa Egipto oraken mutuyaña colerajjajj apaktañapcama.

Oseas 12:13

Mä profeta tokeraquiw Tatitojj Egiptot Israel marcarojj apsjjäna; ¡Mä profeta tokeraquiw juparojj sum uñjänjja!

Miqueas 6:4

Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.

Números 14:22

Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti,

Mateo 24:43

Ac yatipjjaraquim, mayni jaketejj yatispan lunthatan jutañapjja utapat lunthatañataquejja, jupajj janiw iccaspati jan ucasti lunthatarojj suyaspawa, uqhamat jan lunthatampi utar mantayañataqui.

Mateo 24:48

Ucampis uca uywatatejja jan wali lurcanejja, ucatsti chuymapan saraquini: “Utanejjajj janiw janc'a purincaniti” sasa,

Hechos 17:29

Uqham Diosan familiapäcasinjja, janipï amuyañasäquitejj jakenacan amuyunacaparjamajja, Diosajj korita, kollketa, kalata luratäcaspas uqhama.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: “Jaken lurat diosanacajj janiw cheka Diosäquiti” sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.

Hechos 7:40

Aaronarusti sapjjänwa: “Diosanac lurarapipjjeta, nanacan nayrakatajj sarapjjañapataqui. Egipto marcat apsunipquitu uca Moisesarojj: ¡Cunajj camachjjchi!” sasa.

Deuteronomio 31:8

Tatitu pachpaw juman nayram sarani, jumampiraquïniwa, janiraquiw jaytcätamti ni antutcaraquïtamsa, uqhamasti jan ajjsaramti, janirac lajllasimsa.”

Deuteronomio 9:1

“Ist'apjjam israelit jakenaca: Jumanacan Jordán jawira qhurcataru maqhataña horasajj purinjjewa, ucat jumanacat juc'ampi jach'a ch'amani marcanac catuntapjjañamajja, uqhamaraqui jach'a alto perkanacan muyuntat marcanacsa;

Deuteronomio 9:9

Cunapachatï nayajj uca Horeb kolluru maqhatäyäta uca kalat lurat tablanac aptiri, Diosampi jumanacampi suma arust'äwi lurat khanañchir tablanaca ucqhajj, pusi tunca urumpi pusi tunca arumampiw ucancäyäta jan mank'asa ni umasa.

Josué 7:13

Sayt'asim ucatsti Israel marcaru tantacht'am: “Arumanthejj alwat chuymanacam k'omachasipjjam” sasa. Naya Israel marcan Tatitu Diosapaw sista: “Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.”

2 Pedro 3:4

ucatsti jisct'apjjaraquiniwa: “¿Cawquirac Criston “Jutäw” satapasti? Awquinacasas jiwarawayjjewa, take cunas pachpaquïscaraquisä, aca orakes utjquis ucqhatpacha” sasa.