Éxodo 3:7

Aymar Bibliia 1986

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Jak'a apnaqawi uñst'ayäwi

Génesis 16:11

Usur jakëtawa, ucatsti mä yokall wawa wawachasiraquïta, Ismael sasaw suticharaquïta, Tatitojj t'akhesitam ist'atap laycu.

Génesis 18:21

Jichhajj nayajj uñjiriw sarä chekpachapuniti jucha luratanacapajj sintïpacha janicha uc yatiñataqui, uqhamatwa yatiraquëjja.

Génesis 21:17

Ucampisa Diosajj uca wawan jachatapjja ist'araquïnwa, Diosan angelapasti alajjpachatpachwa Agar warmirojj jawsaraquïna, saraquïnwa: “¿Cunas pastam, Agar? Jan ajjsaramti, Diosasti wawaman jachatapjja ist'iwa cawqhancquitejj ucqhatpacha.

Génesis 29:32

Leasti usur jakeptasinjja mä yokall wawa wawachasïna, ucarusti Rubén sasaw suticharaquïna, saraquïnwa: “Tatitojj llaquisitajj-jja yatïnwa. Jichhasti chachajjajj munasjjaraquitaniwa” sasa.

Génesis 31:12

Ucatsti angelajj saraquituwa: “Wal uñch'uquim, take orkonacajja, cawquïrinacatï kachunacar catupqui ucanacajj rayt'atanaca, ch'ejjenaca, uqhamcamaquiwa, nayasti sum amuyaracta cuntejj Labanajj lurctam ucjja.

Génesis 31:42

Janitejj Diosajjajja, Abraham, uqhamarac Isaac awquejjajj yupaychcäna uca Diosajj nayampïcasapäna ucqhajj jumajj jan cunani uqhampachaqui qhitanucutasamänjja. Ucampisa Diosajj t'akhesitajj-jja, uqhamarac irnakatajjsa uñjiwa, ucatwa masayp'ojj uñsttamjja —sasa.

2 Samuel 22:28

Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.

2 Reyes 13:4

Ucatjja Joacaz reyejj Tatituruw oracionan mayïna, Tatitusti oracionaparojj ist'änwa, uñjaraquïnwa cunjäm jan waltejj Siria marcanquir reyejj israelitanacaru t'akhesiycäna ucanaca.

2 Reyes 20:5

“Cutt'am, ucatsti marcajjana jilïri Ezequías reyiru aqham sam: “Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

Nehemías 9:9

Jumajj uñjtawa cunjämsa nayra awquinacajjajja Egiptona t'akhesipjjäna ucjja, uqhamarac ist'aractawa llaquisiñ horasan parlasitanacapjja Mar Rojo sat kota jac'ana.

Salmos 106:44

Ucampis Tatitojj aykopjjatap uñtanïna, arnakasitanacaparuw ist'äna;

Salmos 12:6

Tatitun arsutanacapajj chekpachawa, ninamp pakallk cuti k'omachat kollker uñtatawa.

Salmos 142:3

ucchañcamasti samanajj tucstituwa. Tatay, jumaw sarnakäwejj yattajja, thaquejjarojj mä sipit uchantapjje.

Salmos 145:19

Jupar arquirinacan munataparjamaw phokhe, arnakasitanacap ist'i, khespiyaraqui.

Salmos 22:24

Jupajj janiw jan utjirin jakenacarojj jisc'achquiti, janiw jupanacat ajjtasquiti; janiraquiw jupanacataquejj ajanup imantasquiti: yanap mayipqui ucapachajj, jupajj ist'iwa.

Salmos 34:4

Tatituruw nayajj art'asta, jupasti take llaquinacat irpsutu;

Salmos 34:6

Tatitur art'asir llaquit jakerojj, jupajj ist'iwa, take llaquinacapat waysuraqui.

Salmos 35:22

Tatay, jumaw take cun uñjtajja, janiquiy amuquïmti, janiquiy nayat jayancamti.

Salmos 9:14

Uqhamat jumar jach'añchäma, khespiyatamatsti Sión puncunacan cusisï.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 1:8

Ucat khepa maranacasti Egipto marcanjja yakha reyiw utt'asjjäna, jupasti janiw Josearojj uñt'cänti, ucatsti marcaparojj sänwa:

Éxodo 22:23

jumanacatejj t'akhesiyapjjäta ucajja jupanacajj nayaruw arnakasipjjetani, ucatsti nayajj jupanacan arnakasitanacapjja ist'äwa.

Éxodo 33:13

Ucampis uca arsutanacamatejj chekächi ucajja uñacht'ayitaya amtäwinacamjja uqhamata nayan confianza utjañapataqui, ucat juman qhuyapayasiñamajj nayatac utjascatapa yatiñajjataqui. Ucampis jumajj yatim aca jakenacajj juman jakenacamawa.

Éxodo 5:10

Ucatsti jilïri lurayirinacampi, uqhamarac tamanac apnaker jilïrinacampejj sarjjasinjja israelitanacarojj sapjjänwa: —Faraonajj ordenapjjetuwa, jichhajj janiw nanacajj jichhunac churcjjapjjämati.

Éxodo 5:6

Faraonajj uca urpachawa jilïri lurayirinacarojj, uqhamarac tamanacaru apnaker jilïrinacarusa saraquïna,

Isaías 63:9

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Números 20:16

Ucatsti Tatituruw arnakasipjjta, jupasti ist'apjjetuwa mayisitanacajjarojja, angelap qhitanipjjetu, ucatwa Egiptot irpsunipjjaraquitu. Uqhamaw jichhajj Cades sat marcancapjjta, orakemampis korpasqui ucqhana.

Hechos 7:34

Nayajj Egiptonquir wawanacajjan t'akhesitapwa uñjta. Ist'aractwa jupanacan jachatanacapsa. Ucatwa nayajj sarakanta jupanacar khespiyañataqui. Jichhajj jutam, nayaw jumarojj Egipto marcaru qhitäma” sasa.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.