Éxodo 3:22

Aymar Bibliia 1986

Ucampis sapa mayni warmiwa utap jac'anqui uca warmita jan ucajj utapan jacqui uca warmitsa mayiñapa kollketa, korita lurat yänaca, uqhamarac isinacsa ucanacampiw wawanacamarojj isthapiyawayapjjäta; uqhamatwa egipcionacarojj jan cunani jaytawayapjjäta.

Jak'a apnaqawi uñst'ayäwi

Génesis 15:14

Ucampisa nayaraquiw uca esclavo tucuyir marcarojj mutayä, ucatsti wawanacamajj librequiw mistunjjapjjani, uqhamarac walja kamir cancañampi phokt'ata.

Génesis 24:53

Ucatsti walja yänaca, korit lurata, kollket lurata yänaca, uqhamarac isinac apsusisinwa Rebecar churäna. Jilaparus, taycaparus regalonacjja churaraquïnwa.

Salmos 105:37

Diosajj korimp kollkemp apt'asit marcaparojj irpsunïna, ayllunacap taypinsti, janiw qhitis aynacht'cänti;

Éxodo 11:2

Jichhasti yatiyaraquim israelitanacarojja, sapa mayni chachanacasa, warminacasa uta jac'anacapatjja korita, kollketa lurat yänaca mayipjjpan —sasa.

Proverbios 13:22

Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.

Isaías 33:1

¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.

Ezequiel 39:10

Janiraquiw waquiscjjaniti jupanacan pamparu lawa aptasiri sarapjjañapajja, ch'uminacaru lawa ch'iyiri sarapjjañanacapas munascjjaraquiniti, uca armanacajj jupanacaru phayaña lawat sirvjjatap laycu. Uqhamwa jupanacajj saqueyjapjjaraquini qhitinacatejj nayrajj jupanacaru saqueyjcaraquïna ucajja, aparapjjaraquini qhitinacatejj nayrajj jupanacaru aparapcatayna ucanacarojja. Naya Tatituw ucjja arsta.