Éxodo 3:16

Aymar Bibliia 1986

Jichhasti jumajj saram, ucatsti israelitanacan jilïrinacap tantachthapisin sätawa: “Abraham, Isaac, Jacob uca nayra awquinacaman Tatitu Diosapaw nayarojj uñstasina aqham situ: ‘Nayajj jumanacarojj ist'apjjsmawa uqhamarac uñjaractwa cunjämtejj Egipton jumanacarojj lurapctam ucanacsa.

Jak'a apnaqawi uñst'ayäwi

Génesis 1:7

Ucatsti uqhampunïnwa. Diosasti mä uma jaljtayirwa luräna, mä chicat umasti aynacharu uchatänwa, mä chicat umasti jaljtayatata alayaru uchataraquïnwa.

Génesis 21:1

Arsutaparjamasti Tatitojj Sara warmirojj ist'änwa, uqhamaraquiw arsutaparojj phokhäna.

Génesis 28:13

Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Génesis 48:15

Ucat Josearojj aca arunacampiw bendiciraquïna: “Cawquïri Diosarutejj, Abraham, uqhamarac Isaac awquejjajj ist'apcäna, cawquïri Diosatejj nacïwejja urutpach imquitu,

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

Salmos 102:21

Tatitun sutipat Sión marcan yatiyañataqui, aytat cancañapat Jerusalenan parlañataqui;

Salmos 33:18

Tatitusti iyawsirinacaparojj sum uñjasqui, qhuyapayasiñap suyt'irinacarojj imasquiwa,

Salmos 8:4

“¿Cunarac jakesti, jupat amtasiñamataquisti? ¿cunarac jiwir jakesti ch'am churañamataquisti?”

Éxodo 1:8

Ucat khepa maranacasti Egipto marcanjja yakha reyiw utt'asjjäna, jupasti janiw Josearojj uñt'cänti, ucatsti marcaparojj sänwa:

Éxodo 13:19

Moisesasti sarjjasinjja apawayjjaraquïnwa Josean ch'aqhanacapjja. Joseasti jaccasinjja israelitanacarojj juramento lurayäna uqhama lurapjjañapataquejja, sänwa: “Diosaw jumanacarojj yanapapjjätam, ucampis nayan ch'aqhanacajj-jja acatjja apawayjjapjjätawa” sasa.

Éxodo 15:14

Marcanacasti uqhama yatisinjja qhathatipjjaniwa, uqhamarac filisteonacasa uca yatisajj wali llaquisipjjani.

Éxodo 17:5

Ucat Tatitojj Moisesarojj saraquïnwa: —Jumasti israelit jakenac nayrakatar pasam, Israelanquir jilïr jakenacampi compañt'ata, uqhamarac jawiraru jisctcayätajj uca jach'a thujrum ayjjarusiwayasin sarantam.

Éxodo 18:12

Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Éxodo 2:25

Ucatsti Diosajj israelitanacar t'akhesir uñjasinjja, amuyänwa jan walt'añancapjjatapa.

Éxodo 24:11

Ucampis Diosajja janiw cuna jan walsa lurcänti uca jilïri israelitanacarojja, jupanacasti Diosarojj uñjapjjänwa, uqhamarac mank'apjjäna, umapjjaraquïna.

Éxodo 3:2

Ucansti Tatitun angelapaw uñstäna mä ninjama zarza sat ch'aphi alinac taypina. Ucampis Moisesajj uñjänwa ch'aphinacan nina akasquiri, ch'aphisti janiw naqhantcänti.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 4:1

Ucatsti Moisesajj Tatitu Diosarojj sänwa —Jupanacasti janiw iyawsapquitaspati, ni arunacajjsa ist'añ munapcaraquispati, jan ucasti sapjjaspawa: “Tatitojj janiw jumarojj uñstcpachätamti” —sasa.

Éxodo 4:29

Moisesampi, Aaronampejj Egiptor purisinjja israelitanacan jilïrinacaparuw tantachthapipjjäna.

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

Éxodo 4:5

—Uqhamatwa iyawsapjjani Abraham, Isaac, Jacob uca nayra awquinacaman Tatitu Diosapajj jumaru uñstatapatjja.

Mateo 26:3

Ucapachaw sacerdotenacan jilïrinacapajja, ley yatichirinacampi judionacan chuyman jilïrinacapampi, Caifasan uta ankäjjapan tantacht'asipjje, jupasti sacerdotenacan jilïripänwa.

Lucas 1:68

“Israelan Tatit Diosapajj bendicitäpan. Jupasti jiwasa marcaparuw juti, ucat khespiyistu.

Lucas 19:44

Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.

Hechos 11:30

Apthapisinsti, uca ofrendanacjja apayapjjänwa Judea marcan jilïrinacaru, Bernabeampi Saulompiw apapjjäna.

Hechos 15:14

Simón Pedrojj yatiyistuw cunjämtï Diosajj jichhaquipuni asqui lurcatayna jan judiöpquis ucanacaru, uqhamarac jupanac taypita mä marca jupatac ajllisïna.

Hechos 20:17

Mileto marcanccasinjja, Pablojj Éfeso iglesianquir jilïrinacaruw jawsayi.

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

1 Pedro 5:1

Jichhasti ewjja arunacracwa jilïri chuymaninacaru iglesianacamanjja churta. Nayasti jupanacjam jilïri chuymaniraquïtwa, Criston t'akhesitanacapatsa testigoraquïtwa, jupanac chicaraquiw Criston jach'a c'ajquir khanapancäjja uñstancan ucapachajja.

Rut 1:6

Ucatwa mä urojj Noemí warmejj Moab marcana ist'äna, Diosajj wastat marcapat qhuyapayasitapata, mach'a maranacasti pasjjataparaqui.