Éxodo 3:15

Aymar Bibliia 1986

Ucampis Diosajja Moisesarojj sascaquïnwa: —Israelitanacarojja aqham sätawa: “Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.” —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja.

Jak'a apnaqawi uñst'ayäwi

Génesis 24:12

ucatsti Diosat mayisïna: “Abraham uywirejjan Tatitu Diosapa, jichhajj jumaquiy yanapt'ita, uywirejjampisti sumaqui uñjayita.

1 Crónicas 16:16

Abrahamampi suma arust'äwir mantatapjja, juramento Isaacampi luratapsa,

1 Crónicas 29:18

Abrahamana, Isaacana, uqhamarac Israelan nayra awquinacajjana Tatit Diosapa, utjayapunim marcamana chuymanacapanjja aca suma amtampi churañäqui ucjja, ucatsti chuymanacapjja juma tokeru wayusiyam.

2 Crónicas 28:9

Ucansti Tatitun mä profetapaw utjäna Oded sata, jupasti ejercitojj Samariaru mantasincäna ucar jicjjatiriw saräna, aqham sasa: —Jumanacan nayra awquinacaman Tatit Diosapaw Judá marcatac colerasi, ucatwa jupanacaru jumanacan amparamaru catuyapjjtam. Ucampis jumanacajj wali colerasiampiwa jupanacarojj jiwayapjjtajja, uca luratanacamasti alajjpachcamawa puri.

Salmos 102:12

Jumasti, Tatay, wiñayapuniw jactajja, sutimajj wiñayapuniw amtatäni.

Salmos 102:13

Sartasimaya, Sión marcat qhuyapt'ayasim, t'akhesiñ urunacajj phokhasjjewa, pampachjjañam urojj purinjjewa.

Salmos 135:13

Tatay, sutimajj wiñayawa; sutimajj wiñayapuniw amtatäni.

Salmos 30:4

Tatitun arquirinacapa, jupar k'ochupjjam, kollan sutipar yuspagarapjjam;

Salmos 30:5

k'apisiñapajj mä juc'ataquiquiwa, munasiñapasti wiñayataquiwa; jayp'u tokerutejj jachañajj puristanejja, willjta tokerojj cusisiñaw utj- jjestani.

Salmos 68:5

Diosajj wajchanacan awquipawa, ijma warminacan arjjatiripawa, jupajj kollan utjäwipan jaqui.

Salmos 72:17

Reyin sutipajj wiñayataquïpan, aytat cancañapasti intir uñtat utjpan; takpach marcanacajj jupa tok asquinac catokapjjpan, takpach jakenacasti sapjjpan: “jumajj cusisiñanïtawa” sasa.

Salmos 72:19

kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!

Éxodo 15:2

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Éxodo 15:3

Tatituw guerran nuwasirejja, sutipasti Tatitu sataraquiwa.

Éxodo 3:13

Moisesasti Diosarojj saraquïnwa: —Nayatejj sarasina israelitanacarojj säjja: “Nayra awquinacaman Diosapaw nayarojj qhithanitu” sasa. Ucatsti jupanacajj nayaru jisct'apjjetaspa: “¿Cunas sutipajja?” sasa; ucqhasti nayajj, ¿cun säsa jupanacarojja? —sasa.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 4:1

Ucatsti Moisesajj Tatitu Diosarojj sänwa —Jupanacasti janiw iyawsapquitaspati, ni arunacajjsa ist'añ munapcaraquispati, jan ucasti sapjjaspawa: “Tatitojj janiw jumarojj uñstcpachätamti” —sasa.

Éxodo 4:5

—Uqhamatwa iyawsapjjani Abraham, Isaac, Jacob uca nayra awquinacaman Tatitu Diosapajj jumaru uñstatapatjja.

Éxodo 6:2

Diosasti Moisesar parlasinjja sänwa: —Nayätwa TATITOJJA.

Proverbios 18:10

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Isaías 26:8

Nanacas waliquiraquiw jicjjatasisipcta juman leyinacamarjam sarnakasajj, Tata; chuymanacajjasti jumatacracwa lup'iñ munasqui.

Isaías 42:8

Nayätwa Tatitojj, ucaraquiw sutejjajja, janiraquiw muncäti cunatejj nayar churañäqui ucjja yakhar churayañjja, janiraquiw yakha diosanacarus yupaychaycäti naya lantjja.

Isaías 63:12

qhititejj uca jach'a ch'amapsa Moisesar churcaraqui; marcap nayrakatansa jach'a kotjja payar jaljaraqui, uqhamat wiñayataqui aytatäñapataqui;

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa sasa.

Jeremías 33:2

“Naya, qhititejj aca orake lurcta, ucatsti suma cimientopjjaru utt'aycaracta, ucaw sisma:

Daniel (hebreo) 2:23

Nayra awquinacajjan Diosapa, jumaruw nayajj yuspagarsma, yupaycharacsma, nayaru ch'amani, yatiñani tucuyista ucata; jichhasti khanañcharaquista cuntejj jumaru mayipcsma ucsa; cunatejj reyiru llaquisiycän ucsa yatiyapjjaraquistawa,” sasa.

Oseas 12:5

Tatitu, take ch'aman Dios; ¡Tatitu sataw sutipajja!

Oseas 12:6

Uqhamasti, Israel marca Diosamar cuttanjjam; chekpach chuymamampi asquimpiraqui sarnakam, ucatsti Diosamarupuni iyawsaraquim.

Miqueas 4:5

Yakha marcanacajj pachpa diosanacaparuw jaysapjjejja, ucampis jiwasanacajj Tatitu Diosasarupuniw jaysañäni.

Malaquías 3:6

“Nayätwa Tatitu Diosajja, nayasti pachpaquïsctwa. Ucatwa jumanacajj Jacobon wawanacapa jan t'unjatäpctati.

Mateo 22:32

“Nayajj Abrahaman, Isaacan, Jacobompin Diosapätwa” sasa. ¡Diosajj janiw jiwatanacan Diosapäquiti, jan ucasti jaquirinacan Diosapawa!

Hechos 3:13

Jan ucasti, Abraham, Isaac, Jacob nayra awquinacasan Diosapaw Jesús Yokaparojj jach'ar apti. Uca Jesusarojj jumanacaw jilïrinacar catuyapjjtajja. Cunapachatï Pilatojj: “Antutjjä” sisquipansa, jumanacajj janiw munapctati.

Hechos 7:32

“Nayajj Abraham, Isaac, Jacob awquinacaman Diosapätwa.” sasa. Ucapachasti Moisesajj ajjsarañatwa qhathatïna, janiraquiw juc'amp uñjañ muncänti.

Deuteronomio 1:11

¡Awquinacaman Tatitu Diosapay jumanacarojj warankan warankapa jiltaypan, ucatsti bendiciracpan cunjämtejj arsuwayapctam uqhamar phokhasa!

Deuteronomio 1:35

‘Aca ñankha jakenacatjja janiw maynis, cuna oraktï awquinacapar churañataqui arscayät ucarojj mantcaniti,

Deuteronomio 4:1

“Jichhasti Israelit jakenaca, ist'apjjam cawquïri leyinactï, yatichapcsma ucanaca. Uqhamarac uca leyinacar phokhasarac sarnakapjjam, jacapjjaraquimsa, cawquïri oraktï awquinacaman Tatitu Diosapajj churapctam ucanjja.

Hebreos 11:16

Ucampis jupanacajj mä suma orak munapjjäna, ucasti alajjpach marcawa. Ucatwa Diosajj jan p'enkasquiti, jupanacan Diosapa sayasiñjja, jupanacataquisti mä marcaw waquichata utji.

Hebreos 13:8

Jesucristojj pachpaquïsquiw wasürusa, jichhürusa, wiñayasa.