Éxodo 29:4

Aymar Bibliia 1986

Uqhamarac Aaronampiru, wawanacapampir irpasinjja Tatitumpi Jiquisiñ Carpanjja tantachasiñ lugar puncuru puriyasajja umampiw jupanacar jarekäta.

Jak'a apnaqawi uñst'ayäwi

Éxodo 26:36

“Uqhamarac Tatitumpi Jiquisiñ Carpa puncu jist'antañataquisti mä cortina luraraquïta, ucasti c'anthita linota luratäñapawa azul telata, wila morado telata, uqhamarac wila telata, ucasti suma bordatäñaparaquiwa.

Éxodo 29:3

Ucat uca t'ant'anacjja mä canastaruw uchawayäta, ucat uqhampacha kollan chekan loktañataqui, vaca kallumpi, pä ovejanacampi chica.

Éxodo 40:12

“Ucjjarusti irparaquïtawa Aaronaru, wawanacapampiru Diosampi Jiquisiña Lugaräqui uca puncuru, ucatsti umampiw jarekäta.

Éxodo 40:28

Ucjjarusti Moisesajj warccataraquïnwa cortinjja carpa puncu mantañaru.

Éxodo 40:32

Jupanacasti uqhamjja jarisipjjänwa Tatitumpi Jiquisiñ Carparu mantañataqui, uqhamarac altararu jac'achasiñataqui; cunjämtejj Tatitojj sisqui uqhamarjama.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Ezequiel 42:14

Cunapachatejj sacerdotenacajj temploru mantapjjäna ucapachasti janiw ankäjja tokenquir uta ankäjjarojj mistunipjjañanacapäquiti, janïra uca utaru cuna isinacampitejj Tatituru sirvipcän uca isinaca isirasisajja, uca isinacasti kollanawa. Cawqhancquitejj jakenacajj ucqhar mistuniñataquisti, yakha isimpiw isthapisinipjjañapa” sasa.

Levítico 14:8

“Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.

Números 8:9

Jumaraquiw take levitanacaru Jiquisiñ Carparu jac'achayäta, uqhamarac take israelitanacarus tantachthapïta.

Efesios 5:26

Acjja iglesiaru Diosatac yakhachasawa luri, umampi uqhamarac arupampi k'omachasina,

Deuteronomio 23:11

Jayp'untjjepansti umampiw jarekasini, ucatsti inti jalantjjani ucqhajj wasitatwa campamentorojj cut'jjaraquini.

Tito 3:5

janiw cuna asqui luratas laycuti, jan ucasti qhuyapayasiñap laycuwa khespiyistu jarekäwi toke. Kollan Ajayu toke machakat naciyaraquistu machak jacañ churasa.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

1 Pedro 3:21

Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,