Éxodo 27:9

Aymar Bibliia 1986

“Ucjjarusti Tatitumpi Jiquisiñ Carpataquejj mä patio luraraquïta. Uca patio aynach tokerusti lino c'anthitata lurat cortinanïñapawa, largorojj pusi tunca pheskan metro janatatata.

Jak'a apnaqawi uñst'ayäwi

1 Reyes 6:36

Patio mankhëjj-jja lurayänwa quimsa seke c'uthata kalanacampi, maya sekëqui ucsti cedro madera vigampiraquiw lurayäna.

1 Reyes 8:64

Uca uru pachparaquiw reyejj k'omacharaquïna Tatitun templopa nayräjjancqui uca chicachica patiopa, ucanaracwa nact'ayat sacrificionaca loktaraquïna, ucatsti granonacata ofrendanaca, uqhamarac sumancthapïwi sacrificionacata liq'inaca, Tatitun nayrakatapancqui uca broncet lurat altarajj jisc'aquïtap laycu, ucatsti janiw uchañjamäcänti nact'ayat sacrificionacasa, granonacat ofrendanacasa, uqhamarac sumancäwi sacrificionacan liq'inacapasa.

2 Crónicas 33:5

Ucjjaru yakha altaranacjja Tatitun templopana paypacha uta ankäjjanacaparuwa lurayäna, ucatsti ucanacjja alajjpachanquir take warawaranacaruwa loktäna.

2 Crónicas 4:9

Ucjjarusti sacerdotenacataquejj uta anka lurayaraquïna, uqhamarac jach'a uta anka puncunacapamppacha, ucanacarusti broncempiwa lip'iquipayäna.

Salmos 100:4

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Salmos 116:19

Tatitun kollan utap puncun phokhä, ¡Jerusalén, juma taypin phokhä! ¡Tatitojj jach'añchatäpan!

Salmos 84:10

Mä uruquis utaman kamañajj juc'amp sumawa, warank urunac ankancañat sipana. Nayajj Diosan templopancañ munta, ñankha lurañ chekawjan jacañat sipana.

Salmos 92:13

Tatitun utapan ayruntatäpjjewa, Diosasan uyupan pankarapjje;

Éxodo 27:10

Ucampis pä tunca postenacasa, uqhamarac poste aynachar uchañataquisa broncet luratäñapawa. Ucampis ganchonacasa, anillonacasa kollketäñapawa.

Éxodo 35:17

uqhamarac cortinanacsa patiotaqui, poste lawanacapamppacha, utt'añanacapamppacha, patior mantaniña puncutaquis mä cortina,

Éxodo 36:17

Ucjjarusti nayrïr pheska ch'ucthapit cortinanacajj janthaptqui uca thiyarusti pheska tunca ojal p'iyanacwa uchapjjäna, uqhamarac chicat sojjta cortinanaca ch'ucthapit tucuya thiyarusti pheska tunca ojala p'iyanacaraqui uchapjjaraquïna.

Éxodo 39:40

Lurapjjaraquïnwa patiotaqui cortinanaca, poste lawanacapampi, poste tacnokañanacamppacha, cortina patio puncutaqui, cordonanaca, patiotaqui ch'acurunaca, take yänaca uca carpan Tatitur loktañanaca phokhasina apnakañataqui, uqhamarac Diosampi Jiquisiñ Chekan apnakañataqui.

Éxodo 40:33

Ucjjarusti Moisesajj patio sayt'ayaraquïna kollan chekaru, uqhamarac altararusa cortinanacampi muyuntayasa; uca quipcaraqui patio puncu mantañarusti cortinaraqui warccataraquïna. Uqhamwa Moisesajj Tatitumpi Jiquisiñ Carpa lurañjja tuct'ayänjja.

Éxodo 40:8

Ucjjarusti patiorojj cortinampiw muyuquipayaraquïta, uqhamarac patio puncurusa cortinampiraquiw ucharaquïta.

Ezequiel 40:14

Ucjjarusti mantañäquisa ucwa tupt'araquïna, ucasti tunca metroraquïnwa. Mantaña tokenccäna uca utasti ankäjjarojj take toketwa muyuntaraquïna.

Ezequiel 40:17

Ucatsti uca jakejj ankäjja uta mantañaruw irparaquitu. Uca ankäjja uta mantañasti kalanacampi suc'sutänwa, quimsa tunca utanacaw ucaru muytata utjaraquïna.

Ezequiel 40:20

Ankäjjanquir pationsti mä puncuw utjaraquïna, ucasti amsta tokencänwa. Ucat uca jakesti anchoru uqhamaraqui largoruw uca puncjja tupt'araquïna.

Ezequiel 40:23

Inti jalsu toketsa uqhamaraqui amsta toketsa, ankäjja toket mantaniñawjarusti, mä yakha mantañaw utjaraquïna, ucasti mankhanquiri uta ankäjja tokeruw sararaquïna, uca pä mantaña taypi tupt'araqui, ucat mä mantañata mä mantañcamasti pheska tunca metroraquïnwa.

Ezequiel 40:28

Ucatsti janc'aquiw irparaquitu aynach tokenquir mantañäquis ucawjaru, mankha tokencquis uca uta ankäjjaru. Ucatsti jupajj aynach tokenquir puncwa tupt'äna, uca puncusti maya puncunaca ucch'araquiquïnwa.

Ezequiel 40:32

Ucatsti janc'aquiw mankha tokenquir uta ankäjja tokeru irparaquitu, inti jalsu tokenjam irparaquitu, ucatsti uca mantaña tupt'araquïna, ucasti maynïrinacjama ucch'araquiquïnwa.

Ezequiel 40:44

Mankha tokenquir uta ankäjjata, mankha tokenquir puncunacatsti yakhajja, pä utanacaw utjaraquïna, mayajja amsta tokenquiri mankha puncunsti aynach toker uñtata, mayasti aynach tokenquiri mankha tokenquir puncumpi chica, amsta toke uñtataraqui.

Ezequiel 42:3

Maysa toketsti mankhäjjanquiri uta ankäjjaruw misturaquïna, ucasti anchorojj tunca metronïnwa, maysa toketsti kalanacampi suc'suta uta ankäjjäruw misturaquïna. Ucasti quimsa pisoni, sapa pisosti mankhat kalltasina amsta tokerojj wali jitthapiyataraquïnwa.

Números 3:26

Uqhamarac cortina pation utjqui ucata, patior mantañansa cortinajj utjqui ucata, cawquïritejj kollan chekana altararu muyuntqui ucanacata, uqhamaraqui cawquïri cuerdanacatï uchatäqui ucanacampita.

Números 4:26

uqhamaraqui pation cortinanacapa, cawquïri cortinatejj patior mantañancqui uca, altararu muyuntqui uca, uqhamarac cuerdanacapa, take cunanacatejj loktañataquïqui uqhamaraqui lurañanacataquis waquisqui ucanaca.

Números 4:32

Uqhamaraqui pation postenacapa, cawquïri lawanacatejj santuarior muyuntqui ucanaca, utt'ayaña lawanacampi, ch'acurunaca, cuerdanaca, take cunanacatejj luräwinaca munasqui ucanaca. Jumaw sapa mayniru cunatejj apañapäqui ucanac saraquïta.