Éxodo 25:16

Aymar Bibliia 1986

Uca arcarojj ucharaquïtawa cawquïr amtäwinactejj lurctan uca leyinaca.

Jak'a apnaqawi uñst'ayäwi

1 Reyes 8:9

Arcanjja janiw cuna yakhas utjcänti, jan ucasti Moisesajj Horeb chekana kalat lurat pä tablanaca uchcäna ucaquiwa ucancäna, Egiptot mistunipcäna ucqha Tatitojj sumancäwir tablanaca israelitanacampi lurcäna uca.

2 Reyes 11:12

Ucatsti Joiada sacerdotejj irpsunïnwa reyin wawaparu, ucat p'ekeparojj corona uchäna, uqhamarac churäna reyin leyinacapa, ucatsti p'ekepata aceite warjjatasinjja reyitwa utt'ayäna. Ucjjarusti takeniwa amparanacap t'ajjllirasipjjäna, aqham sasa art'asisaraqui: “¡Reyejj jacpan!” sasa.

2 Crónicas 23:11

Ucatsti Joiada sacerdotempi, yokanacapampejja reyin yokaparuwa irpsunipjjäna, corona p'ekepjjaru uchasa, uqhamarac catuyapjjäna Diosan leyi kellkatanacapa. Juparu aceitempi warjjatasinjja, reyitwa utt'ayapjjäna. Ucatsti takeniwa cusisiñat art'apjjäna: “¡Jacpan reyejja!” sasa.

Éxodo 16:34

Tatitun Moisesaru arsutaparjamasti Aaronajj phuqhu uchäna Tatitun altarap nayrakataru, ucaru maná t'ant'ajj imatäñapataqui.

Éxodo 25:21

Ucampis uca arca patjjarojj juchanacat pampachatäñataqui ofrenda loktañäquis uca, uqhamarac cuna amtäwinactejj lurctan ucanac uchäta, ucatsti tapampiw khopjjatjjäta.

Éxodo 26:33

Uqhamasti uca veljja ganchonacampiw warct'äta, ucatsti uca velo khepäjjarojja uchätawa suma arust'äwiru mantatäqui uca arca. Ucampis uca velowa jumanacataquejj jaljtäni kollanäquis ucata, kollanansa kollanapäquis ucampitjja.

Éxodo 27:21

Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Éxodo 30:36

Mä chicatsti suma ñut'u q'iyjasinjja arca nayrakataruw uchäta Tatitumpi Jiquisiñ Carpa mankhana, cawqhantejj nayajj jumampi jiquiscañäni uca chekaru; aca inciensosti wali kollanäniwa jumanacataquejja.

Éxodo 30:6

Uca altarjja uchätawa sumar mantäwi arca imt'qui uca velo nayräjjaru, uca chekanwa nayajj jumampi jiquisëjja.

Éxodo 31:18

Tatitojj Sinaí sat kolluna Moisesampi parlañ tuct'ayasinsti pä kalat lurata tablanacwa churäna, uca tablansti Diosan ampar luc'anapampi kellkat tunca camachi arunacapaw kellkatänjja.

Éxodo 32:15

Ucatsti Moisesajj kollutjja sarakanjjänwa, Diosan camachinacapajj kellkatäqui uca pä tablanacas amparanacapar apt'asita. Uca tablanacasti puraparu kellkatänwa.

Éxodo 34:29

Ucatsti Moisesajj Sinaí kollutjja sarakanjjänwa Diosan tunca camachi arunacap kellkcäna uca pä tablanacas amparanacaparu apt'asita. Ucampis kolluta sarakancasinjja jupajj janiw amuyascänti ajanupajja wali c'ajatapa Tatitumpi parlaniwayasinjja uca.

Éxodo 38:21

Moisesana aruparusti, uqhamarac sacerdote Aaronan Itamar sat yokapan lurayatasti, levitanacajj suma jacthapita apapjjäna cuna casta metalanactejj uca suma arust'äwiru mantatäqui uca carpa lurañataquejj apnakapcäna ucanacjja.

Éxodo 40:20

Ucampis Moisesajj Diosan tunca camachi arunacapanïqui uca tablanacsti arca mankheruw apantäna. Ucjjarusti arcarojj morok'o lawanacwa ucharaquïna callañataqui, patjjarusti tapampiraquiw khopjjataraquïna.

Números 17:4

Ucanacsti uchaniraquïtaw Jiquisiñ Carparu, sumancayiri arcan uñcatasiparu, cawqhantejj nayajj jumanacampi jiquiscta ucqharu.

Hechos 7:44

“Awquinacasanjja utjänwa wasaranjja arust'äwi carpa, ucasti luratänwa cunjämtejj Diosajj Moisés toke arscäna uqhamaru, saraquïnwa cunapachatejj lurapcäta ucqhasti cunjämtejj uñjcta uqhamäñapawa.

Romanos 3:2

Chekpachansa asquiwa. Nayrakatajj Diosaw judionacarojj arunacap churatayna.

Deuteronomio 31:26

“Aptapjjam aca leyinacan libro, ucatsti uchapjjam Diosan Sumancayiri Arcap thiyaru, ucqhan jumanac contra mä testigot uchatäpan.

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.

Josué 4:16

“Arust'äwi Arcajj apir sacerdotenacarusti Jordán jawirat mistuyanim” sasa.