Éxodo 23:16

Aymar Bibliia 1986

“Ucjjarusti luraraquïtawa fiestjja cosecha apthapiñ kalltañataqui, cunapachatejj yapunacamata nayrïr achunaca apscäta ucqha. Ucjjarojj luraraquïtawa fiestjja mara tucusiru, cunapachatejj jumajj yapunacamata take cosecha apthapiña tucuyjjäta ucqha.

Jak'a apnaqawi uñst'ayäwi

Esdras 3:4

Ucjjarusti Chhujllanaca luraña fiestwa lurapjjäna, cunjämatï leyin kellkatäcäna uqhamaru, sapüruraquiw nact'at loktäwinaca loktapjjerïna, cunjämtï lurapjjirïcäna, sapürus cawkhay munaschi uqhamarjama,

Éxodo 22:28

“Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Éxodo 22:29

“Janiw khept'ätati nayatac ofrendanac apaniñjja take cosechanacamata, take vinonacamata. “Jilïr wawamjja nayaruw catuyjjaraquïtata,

Éxodo 34:22

“Semana fiestjja lurapjjaraquïtawa trigona nayrïr achunacapa apakcasina, uqhamarac mara tucusejja cosechanac apthapisajj lurapjjaraquïtawa.

Proverbios 3:9

“Tatiturojj take kamir cancañamampi jach'añcham, yapumat nayrïri achunac churañampiraqui;

Números 29:1

“Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.

Juan 7:2

Judionacan maynïri fiestapajj jac'ancjjänwa: Chhujlla utanac sat fiesta.

Juan 7:37

Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Hechos 2:1

Pentecostés urunsti, take jilatanacaw mayawjanaqui tantachasipjjäna.

Deuteronomio 26:2

ucapachajj cosechamat nayrakat achuri achunacapwa uca orakenacamatjja apäta, mä canastaru, cawqha chektejj Tatitu Diosamajj ajllisqui juparu yupaychañataqui uca chekaru.