Éxodo 23:13

Aymar Bibliia 1986

“Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.

Jak'a apnaqawi uñst'ayäwi

Salmos 16:4

Jupanacajj cunayman diosanac uñstayapjje, ucanacarusti alt'at chuymampiw loktapjje. Ucampis nayajj janipuniw wilañcha loktäwinacapamp chicachascäti, janiraquiw sutinacaps aytascäti.

Salmos 39:1

Nayajj sum sarnakañataquiw arsta, lajjrajjamp cuna juchsa jan arsuñataqui; lacajjar mä jarc'a uchantañataqui, uñisirejjan nayrakatapana.

Éxodo 23:24

Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.

Éxodo 23:32

“Jumasti, janiw jupanacampejj mä suma amtäwir mantätati, ni diosanacapampisa.

Jeremías 10:11

(Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Oseas 2:17

Lacapatsti apakaraquïwa Baal diosanacan sutipjja, janiraquiw mayampsa ucanacan sutipjja arscjjaniti.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Números 32:38

Nebo, Baal-meón, Sibma, yakha marcanacan sutinacapsa trocapjjänwa, ucatsti quipca sutinacapampiw uchapjjäna wasitat lurat marcanacarojja.

Efesios 5:12

Jupanacan jamasan luräwinacapat arsuñas p'enkasiñjamawa;

Efesios 5:15

Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja.

Deuteronomio 12:3

Altaranacapsti jakonucupjjam, jisc'a jisc'a tucjapjjaraquim kalanacapsa; cawquïri lawarutï yupaychapqui ucanacsa phichhantapjjaraquim, uca cunayman uñtan diosanacapsa t'unjapjjaraquim. K'al t'unjapjjam jan qhitis mayampi amtasiñapataqui.

Deuteronomio 4:15

“Cunurutï Tatitojj parlapcäyätam nina taypita, Horeb kollunjja, ucqhajj janiw cunsa uñjapctati. Ucanacatsti walirac amuyasipjjam,

Deuteronomio 4:23

Ucampis amuyasipjjam janirac armasipjjamti cuna suma arust'äwirutï Diosampi mantapcta ucanacjja. Janiraqui cuna casta ni cunar uñtat yakha diosanacsa lurasipjjamti, cawquïri lurañjjattï Tatitojj sapctam: “Janiw cunsa lurapjjätati” sasa.

Deuteronomio 4:9

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.

Deuteronomio 6:1

“Aca camachinaca, leyinaca, arsutanacapwa Tatitu Diosajj nayaru churitu jumanacar yatichañataqui, cawquïri orakenactï churapcätam ucan phokhapjjañanacamataqui.

1 Timoteo 4:16

Jumapachpat imasim uqhamarac yatichäwimatsa, take cunansa ch'amani tucum. Uqhamtejj lurätajja jumapachpaw khespiyasïta, uqhamarac qhitinacatejj jumar ist'apctam ucanacarus khespiyaraquïtawa.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

Josué 22:5

Nayasti jumanacatjja aca mayipjjsma, ucasti jumanacajj take iyawsañ chuymampipuni Diosan camachiparu, leyiparusa phokhapjjam, cunjämtï Diosan sirvirip Moisesajj sapjjtam uqhama; jumanacajj Tatitu Diosamarojj take chuymampi munapjjam, uqhamaraqui jupan cheka thaquiparjam sarnakapjjam, arunacapa phokhasina, take munasiñ chuymampiraqui, uqhamarac take jacañanacampi arcapjjam” sasa.

Josué 23:11

Ucampis jumanacpachat amuyasipjjam, Tatitu Diosamaru suma k'oma chuymampiy munapjjam.

Josué 23:7

Uqhamaraqui jumanac taypin jaquir yakha marcanquir jakenacampejj janipuni chicachasipjjamti, janiraqui diosanacaparus yupaychapjjamti ni ist'apjjamsa, ucatsti janiraqui cunataquis uca diosanacapan sutinacapjja aytasipjjamti ni jurapjjamsa, ni uca diosanacarus alt'asipjjamti.