Éxodo 23:1

Aymar Bibliia 1986

“Jan c'ari arunacjja parlamti, janirac c'ari arunac parliri jakerus arjjatasin yanapt'amti.

Jak'a apnaqawi uñst'ayäwi

Génesis 39:17

Ucat chachaparojj avisi aqham sasa: —Uca hebreo esclavo irpanctas ucajja, utajjaruw mantani, ucatsti nayat burlasiñwa munitu,

2 Samuel 16:3

—¿Cawquinquis uywiriman allchhipajja? —sasaw reyejj jisct'äna. —Jerusalén marcancasquiwa —sasaw Sibajj saraquïna. —Jupasti “Israelitanacajj achachilajjarojj tronopjja cuttayjjapjjaniwa” sascaraquiwa —sasaw Sibajj säna.

2 Samuel 19:27

Ucampisa jupajj jach'a rey nayrakatanwa c'ari arunaca yatiyitu. Ucampisa jach'a reyejj mä Diosan angelapäcaspasa uqhamawa, jupasti cunatejj chekapäqui uqhamaruw take cunsa luraraquinejja.

Salmos 101:5

Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.

Salmos 120:3

C'ari lajjran jake, ¿cunarac catokätasti?

Salmos 15:3

qhititejj jake masipar jan c'arintqui uca, jilaparus ñankha jan lurqui uca, uta jac'a masiparus jan jisc'achqui uca,

Salmos 27:12

Janiquiy timajjan amparaparojj catuyistati, nayataquejj c'ari ircatirinacaw sarti, khoru jakenacaw sartaraqui.

Salmos 35:11

C'ari ircatirinacaw nayataquejj uñsti: ina ch'usatpun juchañchapjjetu,

Éxodo 20:16

“Janiw jake masima contrajja cuna c'ari arunacsa parlätati.

Éxodo 23:7

“Jithektätaw c'ari parlañanacatjja, uqhamarac jan juchani asqui jakerojja janiw jiwayätati; nayasti juchanirojja janiwa uñjcäti janis juchanïcaspa uqhamar uñtatjja.

Proverbios 10:18

Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.

Proverbios 12:17

Cheka testigojj cunatï chekäqui ucwa arsu; c'ari testigosti, c'aricwa ircati.

Proverbios 14:5

Cheka testigojj janiw c'arisquiti, ucampis c'ari testigojja c'arinaca arsu.

Proverbios 17:4

Ñankha lurir jakempi, c'ari jakempejja, jan wali arunacaruquiwa ist'apjje.

Proverbios 19:28

C'ari testigojj cheka cancañatjja sawcasiwa; jucharar jakesti jan walinacwa parli.

Proverbios 19:5

C'ari testigojj, c'ari arunac parlir jakesa mutuyatapunïniwa; janiw cunjämatsa jaltcaniti.

Proverbios 19:9

C'ari testigojj mutuyatapunïniwa; c'ari jakerusti jiwañawa suyt'asqui.

Proverbios 21:28

C'ari testigojj tucjatäniwa, ucampis qhititejj ist'asiña yatqui ucajja, yatipuniniwa cunjäm arsuñsa.

Proverbios 24:28

Masim contrajj jan amanutjja testigota sayt'amti, janiraqui c'ari arunacjja khanañchamti.

Proverbios 25:18

Qhititejj amigop contra parlqui ucan c'ari arunacapajja, c'uphañar uñtata, espadar uñtata, wali arini flechjamaraquiwa.

Proverbios 25:23

Cunjämatejj amsta toketa thayajj jallu jutayquejja, uqhamaraquiw jan wali arunacajj colerañanacjja apani.

Proverbios 6:19

c'ari ircatirit sarnakañanacaru, jila pura ch'ajjwañanacaru.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Levítico 19:11

“Jan lunthatasipjjamti, janiraqui c'arisipjjamti, janiraqui jumanaccamasa maynit maynicama engañasipjjamti.

Levítico 19:16

“Jakenac taypinsti janipuni arunac apnakasa sarnakamti. “Janiraqui jake jiwayañanacansa chicachasimti. Nayätwa Tatitu Diosamajja.

Mateo 19:18

Waynasti saraquïnwa: —¿Cawquïrinacsa? —sasa. Jesusasti ucjjarojj sänwa: —Jan jiwayamti, jan wachoka jucha luramti, jan lunthatamti, janirac qhitirus c'arintamti,

Lucas 19:8

Ucapachaw Zaqueojj sayt'asi, ucat Tatituru saraqui: —Uñtam tata, take cunatejj utjquitu ucatjja pobrenacaruw chicat churjjä; maynirutejj lunthatsta ucarojja, pusi ucqhampiw cuttayjjä —sasa.

Lucas 3:14

Uqhamaraquiw yakhep soldadonacajj jisct'apjjäna: —Nanacasti, ¿cuns lurapjjaraquëjja? —sasa. Jupasti saraquïnwa: —Jan qhitirus cunsa aparapjjamti, nuwampisa, ni c'arintasasa cuntejj jan lurqui ucatjja. Jumanacasti pagonacamampejj cusisitaquïpjjam.

Juan 7:51

—Leyinacasarjamajj janiw qhiti jakerus juchañchcsnati janïr nayrakat cuntejj lurcatayna uc ist'casinjja —sasa.

Romanos 3:8

Uqhamäspa ucqhajja ¿cunataraqui jan walinac juc'ampi lursnasti walïquis ucanac jutañapataquisti? Acpï yakhepanacajj jan wali amtäwimpi sapjjestojja: “Jupanacajj acanacwa yatichapjje” sasa. Ucampis uca jakenacajj mutuyatäñapaw waquisi.

Efesios 4:25

Uqhamasti jichhajj c'arinacjja jan parlcjjapjjamti; sapa maynis jake masinacamarojj cunatejj chekäqui ucac parlapjjam, takenis mä sapa cuerpon luriripaquïtanwa.

Deuteronomio 5:20

‘Janiw jake masim contra c'ari arunac parlätati.

2 Timoteo 3:3

Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.

1 Pedro 3:16

Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.

Apocalipsis 12:10

Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.