Éxodo 20:26

Aymar Bibliia 1986

Uqhamarac nayan altarajjasti jan gradani luratäñapaquiwa, uqhamata jumanacajj maqhatasinjja cuerponacaman k'alaläqui ucjja jan uñacht'ayapjjañamataqui” —sasa.

Jak'a apnaqawi uñst'ayäwi

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Éxodo 28:42

Ucjjarusti lurarapiraquïtawa calzoncillonaca lino sat hilota, ucampi cinturata, lanqhu characam imt'asipjjañapataqui.

Éxodo 28:43

Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Eclesiastés 5:1

Cunapachatï Diosan temploparu saräta ucqhajja, sarnakañanjja sum amuyasim, juc'amp jac'achasim ist'añataqui, pisi amuyt'an jakenacjama mäqui jan arscamti sacrificio churañataqui, jupanacasti janiw amuyasipquiti jan wali luratanacapsa.

Ezequiel 43:17

Taypinquir perkasti ucch'apurcamaraquiquïnwa, take toketsa pakallko metronacani. Cuna k'awatejj uca muytata utjcän ucasti, anchorojj medio metroniraqui, thiyapasti anchorojj niya pä tunca centimetronjamaraquïnwa. Uca altarar maqhatañapasti inti jalsu tokeru uñtataraqui.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: “Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja” —sasa. Aaronasti uca arunaca ist'asajj janiw cunsa siscjjänti.

1 Pedro 1:16

Diosan arunacapan kellkatasti saraquiwa: “Jumanacajj kollanäpjjam, nayasti kollanätwa uca laycu” sasa.