Éxodo 20:12

Aymar Bibliia 1986

“Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.

Jak'a apnaqawi uñst'ayäwi

Génesis 48:12

Joseasti awquipan jarphipatjja wawanac ichoke, ucatsti oraker puriñcamaw alt'asiraqui.

Génesis 50:12

Jacobon yokanacapasti, cuntejj awquipajj maycatayna uqhamarupuniwa take cunsa phokhapjjaraquïna.

1 Reyes 2:19

Betsabé warmisti uqhamwa Salomón reyimpi parlir saräna Adonías laycu. Reyisti taycaparu catokañataquisti sayt'asïnwa, uqhamarac jupataquejj alt'asiraquïnwa. Ucatsti wastataw tronoparu kont'asiri cuttäna, ucatjja aptayanïnwa mä konüña taycapataqui; ucatsti taycapajj cupëjjaparuwa kont'asïna,

2 Reyes 2:12

Uqham uñjasinsti Eliseojj art'änwa: —¡Awquejja, awquejja, jumajj Israel marcataquejj mä wali ch'aman ejercitjamäyätawa! —sasa. Uca pasatatsti Eliasarojj janiw mayampis uñjcjjänti. Ucatsti Eliseojj isipa catusinjja payaruw ch'iyjäna.

Éxodo 21:15

“Uqhamarac qhititejj awquiparu, taycaparu nuwcani ucajja jiwayatäñaparaquiwa.

Éxodo 21:17

“Uqhamarac qhititejj awquiparu, taycaparu maldiscani jan ucajj cuna jan wali arunacampis tokcani ucajja jiwañaparaquiquiwa.

Proverbios 15:5

Jan amuyt'an jakejj awquipan yatichäwiparojj jisc'achiwa; awquipar ist'qui ucajj yatiñanïtapwa uñacht'ayi.

Proverbios 17:6

Chuyman awquinacan coronapasti allchhinacapawa; wawanacajj awquip taycapatwa alawt'asi.

Proverbios 20:20

Qhititejj awquiparu, taycaparu ñankhachqui ucajja, wali ajjsarcaña ch'amacanwa jiwani.

Proverbios 28:24

Jake jiwayirin amigopawa awquiparu taycaparu lunthatejja; jupasti saraquiwa: “Janiw awquir taycar lunthatañajj juchäquiti” sasa.

Proverbios 3:16

Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.

Proverbios 30:11

Yakhep jakenacajj awquiparojj ñankhachapjjewa; janiraquiw taycaparus bendisipquiti.

Proverbios 30:17

Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.

Jeremías 35:18

Uqhamarusa, Jeremiasajj recabita jakenacarojj saraquïnwa: “Israelan Diosapa, take ch'amani Tatitojj siwa: ‘Jumanacajj nayra Jonadab sat awquiman arunacapa ist'apjjatam laycojja, take yatichäwinacapsa, cuntejj jumanacaru sapcäyätam uca arunaca laycojja,

Jeremías 35:7

Uqhamaraquiw jaytapjjetu jani utanacsa lurasipjjañajjataqui, ni yapunaca yapuchañataquisa ni uva alinaca ayrusiñataquisa. Carpanacan utjasiñataquiquiw jaytapjjetu, aca orakena walja maranaca jacasipjjañajjataqui, cawqhantejj jaya marcat jutir jakenacjam sarnakasa.

Ezequiel 22:7

Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.

Levítico 19:3

“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Levítico 19:32

“Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Malaquías 1:6

Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.

Mateo 19:19

awquimaru taycamaru jach'añcham, uqhamarac jake masimarusti juma quipcarjam munaraquim —sasa.

Marcos 10:19

Camachi arunacjj yattawa: “Janiw wachoka juch lurätati. Janiw jiwayätati. Janiw lunthatasïtati. Janiw qhitirus c'arintätati. Janiw c'arimp cuns apakätati. Awquimaru, taycamaru jach'añcham” sasa.

Marcos 7:10

Moisesasti sänwa: —Awquimaru taycamaru jach'añcham. Qhititejj awquipar taycapar maldicinejja, jiwayatäpan —sasa.

Lucas 18:20

Jumajj yattaw camachinacjja: “Janiw wachoka juch lurätati, janiw jiwayätati, janiw lunthatätati, janiw c'ari parlätati qhitjjatsa, awquimaru taycamarus jach'añcham” —sasa.

Efesios 5:21

Maynit maynicama, Diosar ajjsartasina purapat ist'asirïpjjam.

Deuteronomio 11:8

“Jumanacasti take camachi arunaca jichhüruna churapcsma ucanacjja phokhapjjamaya, uqhamat ch'amanïpjjañamataqui uca orakenac catuntasipjjañamataquejja.

Deuteronomio 11:9

Ucatsti walja maranaca jacapjjañamataqui uca orakena, cawquïrtï Diosajj arupampi arsüna jumanacan awquinacamaru uqhamarac wawanacaparu churañataqui, cawqha orakentï leches misq'is umjam jalasqui ucana.

Deuteronomio 21:18

“Cawquïritejj jan ist'asiri ñankha wawanïchi, janiraqui awquiparus ist'caracchiti, kawkha jawk'catas awquinacaparojj janipun ist'cchiti,

Deuteronomio 25:15

Ucat sipansa tupunacamajj suma phokhatäpan jan faltquiri, uqhamat walja maranac jacapjjañamataqui, cawquïri oraktejj Tatitu Diosamajj churapcätam ucana.

Deuteronomio 27:16

‘Maldicitäpan cawquïritejj awquiparus taycaparus jan munasiñampi uñjcan ucajja.’ Ucatsti takpach marcaraquiw saraquini: ‘Uqhamäpan’ sasa.

Deuteronomio 32:47

Jumanacasti janiw aca arunacjja alekaqui ist'apcasmati; jan ucasti aca leyinacajj jumanacataquejj jacañawa, ucatjamaraquiwa walja maranaca jacapjjäta, cawquïri oraktï catupcäta Jordán jawirat qhursa tokena.”

Deuteronomio 4:26

nayaw jichha uruna mä testigot uscta alajjpachampiru acapachampiru jumanacan chhaktañanacamataqui Jordán jawira qhursa tokena. Janiraquiw walja urunaca uca orakenjja jacapcätati, jan ucasti take jumanacaw t'unjatäpjjäta.

Deuteronomio 4:40

Phokhapjjam jichhüruna cawquïri leyinaca, camachinactï churapcsma ucanaca, ucatsti sumaquiw sarnakapjjäta, jumanacasa, wawanacamasa, uqhamaraqui walja maranacaw jacapjjäta cawquïri oraktï Tatitu Diosajj churapcätam ucanjja.”

Deuteronomio 5:16

‘Awquimaru, taycamaru jach'añcham, cunjämtï Tatitu Diosamajj ewjjawayctam uqhama, uqhamata walja maranaca jacañamataqui aca Diosan churat orakena.

Deuteronomio 5:33

Sarapjjamay cawquïri thactï Tatitu Diosajj uñacht'ayapctam ucanjama, uqhamata sum sarañanacamataqui, walja maranaca jacapjjañamataquiraqui cawquïri oraktï Tatitu Diosajj churapcätam ucana.

Deuteronomio 6:2

Uqhamatwa jumanacan Tatitu Diosamarojj jach'añchapjjäta, phokhapjjaraquïta camachi arunacapa, leyinacapa churapcsma ucanacaru take jacäwinacamana; uqhamaraqui wawanacaman wawanacapasa, uqhamatwa walja maranaca jacapjjaraquïta.

Colosenses 3:20

Wawanaca, awquimar taycamarojj take cunansa ist'apjjapunim, uca lurañasti asquiw Dios nayrakatanjja.

Rut 3:6

Uqhamaw Rut warmejj pampa tokeru saräna; take cuntejj taycch'ipajj sawaycäna ucarjamaw luräna.

1 Samuel 22:3

Uca chekatsti Davidajj Moab tokena, Mizpa sisqui uca chekaruw sarjjäna. Ucat Moab oraken reyiparojj saraquïnwa: “Achict'assmawa, awquejjasa, taycajjasa acaru jumanacampi chica kheparañapataqui, cuntejj Diosajj nayampi lurcani uca yatiñajjcama” sasa.