Éxodo 2:23

Aymar Bibliia 1986

Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Jak'a apnaqawi uñst'ayäwi

Génesis 16:11

Usur jakëtawa, ucatsti mä yokall wawa wawachasiraquïta, Ismael sasaw suticharaquïta, Tatitojj t'akhesitam ist'atap laycu.

Génesis 4:10

Tatitusti saraquïnwa: —¿Cunatsa uc lurta? Jilaman wilapa oraker wartctasa ucaw nayarojj art'asinitu, nayan cunatejj chekapäqui uca uñjañajjataqui.

Nehemías 9:9

Jumajj uñjtawa cunjämsa nayra awquinacajjajja Egiptona t'akhesipjjäna ucjja, uqhamarac ist'aractawa llaquisiñ horasan parlasitanacapjja Mar Rojo sat kota jac'ana.

Job 35:9

“T'akhesiyatasti jakenacajj wararipjjewa, ucatsti ch'amaninacat khespitäñwa thakapjjaraqui;

Salmos 102:1

Tatay, mayisitajjarojj ist'aquimaya, ¡arnakasitajjajj jac'amcam purinicpanaya!

Salmos 102:2

Janiquiy llaqui urun nayatac maysa uñtamti. Naya tokeruy jinchum alcatanim; art'asinsma ucapachajj ist'aquitaya.

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 18:6

Llaquisiñajjan Tatitur art'asta, Diosajjat yanap mayista: jupasti templopatpach ist'anitu, arnakasitajjajj jinchupcamaw puri.

Éxodo 1:14

Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Éxodo 4:19

Moisesajj Madián sat chekancquipansti Tatitojj juparojj saraquïnwa: —Egipto marcar cutt'ascaquim, jumaru jiwayañ munirinacajja takeniw jiwatäjjapjje —sasa.

Éxodo 6:5

Ucampis israelitanacaru arnakasir ist'asina, uqhamarac egipcionacan sinti t'akhesiyasa irnakayatanacap uñjasinjja amtastwa mä suma amtäwiru mantatajja.

Éxodo 6:9

Ucatsti Moisesajj israelitanacaruw parläna, ucampis jupanacajja janiw Moisesarojj ist'añ munapcänti, jupanacajj wali mayjt'atäpjjänwa sinti ch'ama lurañanacampi t'akhesiyatajja.

Éxodo 7:7

Cunapachatejj rey faraonampi parlapcäna ucqhasti Moisesajj quimsakallk tunca maranïnwa, Aaronasti quimsakallk tunca quimsan maraniraqui.

Isaías 19:20

Uca kalasti Egipto marcanquir jakenacajj take ch'amani Tatitut amtasipjjañapataqui uscutäniwa. Cunapachatejj jupanacajj Tatitut yanapa mayisipjjani jupanacar nuwirinacat arjjatañapataqui, ucapachasti Tatitojj jupanacataquejj mä khespiyiri qhitanini, jupanacar arjjatañapataqui, uqhamaraqui khespiyañapataqui.

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Números 20:16

Ucatsti Tatituruw arnakasipjjta, jupasti ist'apjjetuwa mayisitanacajjarojja, angelap qhitanipjjetu, ucatwa Egiptot irpsunipjjaraquitu. Uqhamaw jichhajj Cades sat marcancapjjta, orakemampis korpasqui ucqhana.

Hechos 7:30

“Ucat pusi tunca mara pasatatsti, Sinaí sat kollu jac'a wasaranwa sarnakascäna. Ucansti mä angelaw juparojj uñsti, mä nina akasquir jisc'a kokana.

Deuteronomio 24:15

Uca pachpa ururaqui irnakatapatjja pagapjjam, janïra inti jalantquipana; jupasti pobrewa, uca kollksti munaraquiwa jacasiñataqui. Janitejj uqhamäcani ucqhajj Diosaruw jumanac contra mayisini, ucatsti jumanacaw juchañchatäpjjäta.

Santiago 5:4

Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.

Jueces 4:3

Jabín sat reyisti llätunca pataca fierrot lurata carronacanïnwa. Uca laycusti pä tunca maranacawa israelitanacarojj t'akhesiyapjjäna. Uqham t'akhesiñana jicjjatasisajja israelitanacajja Diosaruw arnakasjjapjjäna yanapt'añapataqui.

1 Samuel 12:8

Cunapachatejj Jacobojj wawanacapampi Egipto marcar sarjjäna ucapachajja, egipcio jakenacajj jupanacarojj t'akhesiyapjjänwa. Ucatsti jumanacan nayra awquinacamajj Tatituruw arnakasipjjäna, jupasti qhitaniraquïnwa Moisesaru, Aaronampiru, ucat jupanacajj nayra awquinacamarojj Egiptotjja apsunjjapjjänwa, aca orakeruw utjantasjjapjjaraquïna.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.