Éxodo 2:11

Aymar Bibliia 1986

Moisesasti wali waynäjjänwa, ucatsti mä urojja marca masinacap uñjiriw saräna, ucampis cawqhantejj irnakapcäna ucar jicjjatasinjja uñjänwa, jupanacajj ch'ama irnakañanacana wali t'akhesiñampi lurasipcatapa. Uqhamarac uñjaraquïnwa mä egipciojja maynïr marca masiparu nuwjasquiri.

Jak'a apnaqawi uñst'ayäwi

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Éxodo 5:14

Uqhamarac jawk'apjjaraquïnwa, israelit tamanacat encargatäpqui uca lurayir jilïrinacarusa: —¿Cunatsa jan phokhapjjta wasürusa ni jichhürusa kawkha adobenacatejj nayrajj lurapjjericäyäta uqhamjja? —sasa.

Éxodo 5:4

Ucampis Egiptonquir reyejja sänwa: —Moisés, Aarón, ¿cunatsa jumanacajj, jakenacarojj irnakasipquipana suyt'ayapjjta? ¡Jichhasti cuttjjapjjam ucatsti irnakasipcaquim!

Éxodo 5:5

Ucat faraonajj sascaquïnwa: —Aca marcansti israelitanacajj waliw mirantjje, ucampis jumanacajj ¡irnakañanacapatti suyt'ayapjjäta! —sasa.

Éxodo 5:9

Jumanacasti, wali lurayapjjam uca jakenacaru, uqhama wali lurañanacampejja janiw ist'apcaniti jan wali c'ari arunacjja.

Éxodo 6:6

Jichhasti saram, israelitanacarojj aqham sätawa: —Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Isaías 58:6

Chekpachansa janiw ucajj uqhamäquiti, cawquïri ayunotejj cusisiyquitu ucajj acawa: Cunatejj jan chekapäqui uca ñach'jjäsir cadenanac t'akjjaña, yugor ñach'jjäsquis uca chinunaca jararaña, t'akhesiyatanacarusti jan juc'ampi t'akhesiyjjaña, uqhamarusa take cunatejj jan walïqui ucanac tucjaña;

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;