Éxodo 18:8

Aymar Bibliia 1986

Ucanwa Moisesajj awcch'iparu yatiyäna cuntejj Tatitojj faraonaru, uqhamarac egipcionacarus lurcäna israelitanacar arjjatasa. Uqhamarac yatiyaraquïnwa cuna jan walt'añanacatejj thaquin utjcäna, ucampis Tatitojj cunjämtejj jupanacar khespiycäna ucanacsa.

Jak'a apnaqawi uñst'ayäwi

Génesis 44:34

¿Cunjämaraqui nayasti awquejjan ucarusti cuttiriststi jan aca wayna irpt'atasti? Janiw nayajj awquejjar t'akhesiri uñjañ muncti —sasa.

Nehemías 9:32

“Uqhamasti nanacan jach'a Diosajja, take ch'amani uqhamarac ajjsarcañaraqui, ucatsti sumancäwir mantatamsa, munasiñamsa imtawa, jichhajja uñjamaya aca jan walt'añanacajja jutqui reyinacajjarusa, jilïrinacajjarusa, sacerdotenacajjarusa, profetanacajjarusa, uqhamarac nayra awquinacajjarusa, ucatsti take marcpacharusa, Asiriana reyinacapan urunacapatpacha jichha urucama.

Salmos 106:10

Uqham lurasaw uñisirin amparapat khespiyäna, timasirin amparapat antutnucuyäna.

Salmos 106:8

Diosasti sutip laycuw jupanacarojj khespiyäna, kollan ch'amap uñacht'ayañataqui.

Salmos 107:2

Tatitun khespiyatanacajj arsupjjpan, timasirin amparapat antutayatanaca,

Salmos 66:16

Diosar arquirinaca, ist'ir jutapjjam, nayatac luratanacap yatiyapjjäma:

Salmos 81:7

Llaquisiñaman jawsista, nayasti khespiysmawa, khejjoker kenay taypitpach nayajj jaysansma, Meriba phuju jac'an yant'sma.

Éxodo 15:16

Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Éxodo 15:6

Tatitu, jumasti cupi amparaman ch'amapampiw uñisirinacarojj tucjtajja.

Éxodo 16:3

Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Éxodo 18:1

Moisesan Jetro sat awcch'ipajj Madián orakenjja sacerdotënwa, jupasti yatïnwa cuntejj Diosajj Moisesataqui, uqhamarac Israel marcataquis lurcän ucjja. Uqhamarac yatiraquïnwa Tatitojj Egiptota apsunitapa.

Éxodo 2:25

Ucatsti Diosajj israelitanacar t'akhesir uñjasinjja, amuyänwa jan walt'añancapjjatapa.

Éxodo 23:23

Nayan angelajjawa jumat nayra sarani, ucatsti jupawa irpätam amorreonacana, hititanacana, ferezeonacana, cananeonacana, heveonacana, uqhamarac jebuseonacana orakenacaparojja, nayasti jupanacarojj tucjäwa.

Éxodo 4:23

Nayajja niyaw sisma; wawajjaru qhitjjam, nayaru sirviri sarjjañapataqui, sasa. Ucampis jumajj janiw antutañ munctati uca laycusti nayajja jilïri wawamaruw jiwayäjja” —sasa.

Éxodo 7:4

Faraonasti jumanacarojj janiw ist'añ munapcätamti, ucampis nayawa Egiptjjarojj ch'amajj uñacht'ayäjja, ucatsti jach'a muspharcañ cheka luräwinaca uñacht'ayasaraqui, nayaw Israel ejército marcajjaru Egiptot apsuniraquëjja.

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Números 20:14

Moisesasti Cades sat chekatwa, jakenacaru qhitäna Edom marcan reyiparu, aqham sañapataqui: —Israelita jilanacamajj aqham sañataquiw qhitanipjjetu: “Jumasti sum yattajja wali ch'ama tucutanacajj-jja.