Éxodo 18:19

Aymar Bibliia 1986

Jichhasti sum ist'ita cuntejj nayajj amuyt'aycäma ucjja, Diosawa jumampïscani. Jumaw, marca lantjja Diosaru maqhatañama cuna jan walinacatejj utjqui ucanac yatiyañataqui.

Jak'a apnaqawi uñst'ayäwi

Génesis 39:2

Ucampis Tatitojj Joseampïscänwa, uywiripan utapan jacañcamasti take cunas waliquïscänwa Joseataquejja.

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

Éxodo 18:15

Moisesasti awcch'iparojj saraquïnwa: —Nayan ucarusti jakenacajj jutapjjewa Diosan munañapa yatjjatañataqui.

Éxodo 18:20

Ucat jupanacarusti yaticham Diosan camachi arunacapa, uqhamarac yatichäwinacapsa; uca quipcaraqui yatiyaraquim cunjämtejj jacapjjañapäqui, uqhamarac cuntejj lurapjjañapäqui ucanaca.

Éxodo 18:24

Moisesasti awcch'ipan amuyt'ayatanacaparjamajj jaysasaw luräna.

Éxodo 20:19

Ucatsti Moisesarojj sapjjänwa: —Jumasti parlapjjeta, nanacasti ist'apjjämawa. Ucampis Diosajj jan parlcpanti nanacampejja, uqhamat jan jiwañanacajjataqui —sasa.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 4:12

Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.

Éxodo 4:16

Jumasti, nayas parlquirista uca lantiw Aarón jilamarojj parläta, ucat jupawa cuntejj parlcäta ucjja marcaru parlascani.

Proverbios 9:9

Yaticham yatiñan jakeru, ucatsti juc'ampi yatiñanïniwa; yaticham asqui jakeru, ucatsti juc'ampiwa yatiñapajj jiljjatani.

Números 27:5

Moisesajj Tatituruw yatiyäna, uca warminacan mayitanacapjja.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Deuteronomio 20:1

“Cunapachatejj jumanacajj uñisirinacamampi nuwasiñatac mistuwayapjjäta, ucatsti uñjapjjäta jupanacarojj soldadonacapa caballonacar lat'jjatata, nuwasiñ carronacani, uqhamaraqui ejercitopas jumanacat sipansa juc'ampi waljani, ucapachajj jan jupanacaru ajjsarapjjamti; Egipto marcat irpsunipctam uca Tatitu Diosamaw jumanacampïsqui.

Deuteronomio 5:5

Nayasti ucancascäyätwa jumanacampi Tatitu Diosampi chica taypina, Diosan arunacapa jumanacar yatiyañataqui, jumanacajj ninaru ajjsarapjjatam laycu, ucatwa jan kollurojj maqhatapcäyätati. Ucatsti Tatitu Diosajj sänwa:

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.