Éxodo 18:11

Aymar Bibliia 1986

Uqhamarac jupanacan jach'a jach'a tucuñampi apnakatäñatsa, jichhasti nayajj yatjjtwa Tatitun wali ch'amanïtapa take diosanacat sipansa.

Jak'a apnaqawi uñst'ayäwi

1 Reyes 17:24

Warmisti juparojj sänwa: —Jichhacuchawa yattjja jumajj chekpachansa Diosan jakepätama, uqhamarac cuntï siscta ucajja Diosan cheka arunacapätaparaqui —sasa.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

1 Crónicas 16:25

Tatitojj jach'ätapata, yupaychatäñapasa waquisitap laycu; ¡take diosanacat sipansa wali ajjsarcañätapataraqui!

2 Crónicas 2:5

Cawquïr templtejj luraycä ucajja wali jach'äñapawa, nanacan Diosajjasti take diosanacat sipansa wali jach'awa uca laycu.

Nehemías 9:10

Jumasti wali muspharcaya jach'a luräwinacwa Faraonataquejj lurtajja, uqhamarac sirvirinacapataquisa, marcapanquiri take jakenacapataquisa, jumajj amuyastawa cunja jach'a jach'a tucuñampisa israelita jakenacarojj apnakapjjäna uca laycu. Uqhamatwa jach'ar aytatätajja cunjämatejj jichhürunjama.

Nehemías 9:16

“Ucampisa nanacan nayra awquinacajjajja jach'a jach'aw tucupjjäna, chuymanacapsa kalarayasipjjäna, ucatjja janiw camachi arunacamarojja ist'apcänti.

Nehemías 9:29

Jumasti jupanacarojj ewjjt'äyätawa leyinacama phokhapjjañapataqui; ucampis jupanacajja walicjamacwa amuyasipjjäna, ucatsti janiw arunacamarojja ist'apcänti. Ucatsti jupanacajj janiw phokhapcänti camachi arunaca, qhitinacatejj phokhasina jacaña jicjjatapjjañanacapäcäna ucjja; jupanacajj juma contraw tucupjjäna, uqhamarac chuymanacapa kalarayasisa janiw ist'apcänti.

Salmos 119:21

Jumaw jach'a jach'a tucurinacarojj tokenoktajja, arsutanacamat sarakerinacajj ñankhachatawa.

Salmos 135:5

Tatitun muspharcayätap yatta, jupajj take diosanacat sipan ch'amaniwa.

Salmos 31:23

Tatitur iyawsirinaca, jupar munasipjjam: Tatitojj asqui arquirinacaparojj imiwa, jach'a jach'a tucurinacarusti lurataparjamaruw juchañchi.

Salmos 95:3

Tatitojj jach'a ch'aman Diosawa, c'ari diosanacat sipan munañaniwa.

Salmos 97:9

Tatay, jumaw take orakpachan jilïrïtajja, takpach diosanacat sipan juc'amp jilanctawa.

Éxodo 1:10

uca laycu waquisiwa wali amuyt'ampi amuyañasa jupanacajj jani juc'ampi mirantapjjañapataqui, ucampis cunapachatejj guerrajj sartaspa ucqhajja inampis jupanacajj uñisirinacasampi mayacht'asisina jiwas contra nuwasisajja marcasat sarjjapjjaspa” sasa.

Éxodo 1:16

—Cunapachatejj israelita warminacaru partot usuyapcäta ucqhajja wali amuyapjjäta uca wawajj imillati jan ucajj yokallacha uca toketjja, imill wawäni ucasti jacascpan, yokall wawäni ucqhasti ucspach jiwayapjjam —sasa.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: “¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 12:12

Uca arumasti nayajj Egipto marca chekwa pasawayäjja, ucatsti egipcionacan take jilïri tayna wawanacapwa jiwarayäjja, uqhamarac uywanacan nayrïr kallunacapsa. Uqhamatwa uñacht'ayäjja Egiptonquir diosanaca contra naya Tatitun arsutajj-jja.

Éxodo 14:18

Cunapachatejj ch'amajja uñacht'aycäjja faraonaru carronacapjjaru, caballonacapjjaru ucqhawa egipcionacajja yatipjjani nayajj Tatitötajja —sasa.

Éxodo 14:8

Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.

Éxodo 15:11

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Éxodo 5:7

aqham sasa: —Janiw jumanacajj israelitanacarojj jichhunaca nayrjama churcjjapjjätati adobenaca lurapjjañapataquejja, jan ucasti jupanaca sarapjjpan jichhunaca aptasiri.

Daniel (hebreo) 4:37

“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”

Números 33:4

Ucañcamasti egipcionacajj jilïri wawanacapwa oraker imasipcäna, Tatitojj jupanacar jiwarayatap laycu, ucampisa Tatitu Diosaw diosanacaparu mutuyascatayna.

Lucas 1:51

Jach'a muspharcañ luräwinac luri, uqhamaraquiw jach'a jach'a tucurinacarus atipjaraqui.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”

1 Samuel 2:3

Jan qhitis jichhajj jach'achasiñampi parlpati, janirac qhitis sinti yatiñan tucpati, Tatitu Diosaw jichhajj take cunsa yati, juparaquiw jaken luräwinacapsa uñjaraqui.