Éxodo 16:4

Aymar Bibliia 1986

Ucat Tatitojj Moisesarojj sänwa: —Nayasti alajjpachatjja t'ant'a jalluyanëjja. Ucampis jakenacajj sapüruw apthapisipjjani kawkhatejj uca uru mank'añatac munasqui uqhamarjama. Uqhamatwa nayajj yant'äjja qhititejj camachi arunacajjar iyawscani, uqhamarac qhititejj jan iyawscani ucjja.

Jak'a apnaqawi uñst'ayäwi

Nehemías 11:23

uqhamasti reyiwa ordenäna k'ochurinacan sapüru lurañanacapäquejja ucanaca.

Nehemías 9:15

Ucatjja mank'at awtjatäpcäna ucqhasti alajjpachatwa t'ant'a churaniractajja sist'asipjjañapataqui, uqhamarac umat pharjatäpcäna ucqhasti karkatwa uma jalsuyarapïyätajja umt'apjjañapataqui. Ucatjja arsüyätawa cawquïr oraktejj churañataqui parlcayäta ucar mantapjjañapataqui.

Nehemías 9:20

Ucjjarusti jumajj jupanacarojj churtawa suma ajayuma jupanacar yatichañataqui; janipuniw maná t'ant'jja mank'añapataqui pist'aycäyätati, uqhamarac umsa churäyäta pharjatäpcäna ucqhajja.

Salmos 105:40

Mank'añ mayitajja, p'isakanac apayanïna, alajjpach t'ant'ampiw sisarayäna.

Salmos 78:23

Diosasti kenayanacaruw mayïna, alajjpach puncunac jist'aräna:

Éxodo 15:25

Ucampis Moisesajj Tatituruw mayïna, ucatsti Tatitojj juparojj mä koka uñacht'ayi. Ucat Moisesasti uca kokampiw umar jakontäna, umajj mojjsaw tucuwayjjäna. Uqhamaw Tatitojj uca chekanjja iyawsañanacap yant'äna, uqhamarac churaraquïnwa leyinaca jupanacan suma sarnakapjjañapataqui.

Éxodo 16:15

Ucampis israelitanacajj jan cunätapsa yatisinjja maynit maynicamaw jisct'asipjjäna “¿Acajj cunasa?” sasa, ucatsti Moisesajj sänwa: —Acasti t'ant'awa, Tatituw uc churapjjtam mank'apjjañamataqui.

Proverbios 30:8

Nayatjja jithektayita ch'ojjña lurañampita, c'arisiñampita, janiraqui uywistati kamirsa, jan cunansa, jan ucasti cunatejj jacañajjataqui mank'añajj waquisqui ucac churita.

Mateo 6:11

Sapürutac mank'añ churanipjjeta.

Lucas 11:3

Sapürutac mank'añ churanipjjeta.

1 Corintios 10:3

Takeniw pachpa ajay mank'a mank'apjjänjja,

Deuteronomio 8:16

Ucatsti wasaranjja maná sat mank'a mank'ayapjjtam, cawquïri mank'tï jumanacan awquinacamajj jan uñt'apcäna, jupanacan llamp'u chuymanïñ yatekapjjañapataqui, uqhamwa ucanacajj jumanacan asquimataquiraquïnjja.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.