Éxodo 15:7

Aymar Bibliia 1986

Jumasti ch'amamampiwa tucjtajja, juma contra sayt'irinacarojja. Jupanacasti coleramampejja jichhunacjamaw naqhantapjje.

Jak'a apnaqawi uñst'ayäwi

Job 9:4

Diosajj jach'awa ch'amanïñansa, uqhamaraqui yatiñ cancañansa; ¿qhitirac Dios nayrakatanjja sayt'asispa, ucatsti jan cunaqui mistjjaraquispasti?

Salmos 148:13

Tatitun sutip jach'ar aptapjjam, sutipaquiw muspharcañajja. Jach'a cancañapajj alajjpachats orakets jilanquiwa.

Salmos 59:13

K'apisiñamajj jupanacar tucjpan, jupanacajj jiwarapjjpan, Jacobon marcapar Diosan apnakatap yatipjjpan, acapach tucuscam apnakerïtap yatipjjaracpan.

Salmos 68:33

alajjpachanjam sarnakeriru, wiñay alajjpachan utjasiriru. Ch'aman arupamp arnakasir ist'apjjam.

Salmos 83:13

Diosajjay, tutucan apat lak'arjam tucuyam, thayan apat waña laphinacarjam tucuyaraquim.

Éxodo 14:27

Ucat Moisesasti amparapwa kotjjaru loktäna, ucatsti khepärmanthi willjta horasasti umajja cunjämäcäntejj uqhamaruw tucjjäna. Ucatsti egipcionacajj jaltañwa munapjjäna ucampis umajja jupanacarojj chhaktayänwa. Uqhamwa Tatitojj egipcionacarojj kotan umampi tucjäna.

Éxodo 5:12

Ucatsti israelitanacajja Egiptonjja take tokeruw sarapjjäna cebada ch'allpha t'unanaca thakeri, ucanaca jichhu lanti uchañataqui.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 37:17

Tata, jichhajj ist'apjjetaya, uñtanipjjaraquita. Cuntejj Senaquerib reyejj ewjjanquitu uca arunac ist'araquim, uca arunacampisti jumaruw jisc'acharactamwa, jacquiri Dios Tata.

Isaías 37:23

¿Qhitirus arunacamampejj ñankhachtajja? ¿Qhiti tokes ucatak arsustajja, uqhamaraqui wali jach'a jach'a tucusa uñatatastajja? ¡Israelan Kollan Diosapataquiw uc lurtajja!

Isaías 37:29

Cunjämatejj wali colerasitamsa, jach'a jach'a tucutamsa yattjja, ucat jichhajj nasamarojj mä argolla uchantäma, lacamarusti freno ucharaquï, jichhasti cawqui chektejj sarctas uca pachpa thaquinjam cuttayaniraquïma.”

Isaías 37:36

Uca arumasti Tatitun angelapajj sarasin pataca quimsakallk tunca pheskani waranka jakenacwa asirionacan campamentopanjja jiwarayäna, khantatirusti takeniw jiwarat uñjasipjjaraquïna.

Isaías 37:38

Mä uru cunapachatejj templopana Nisroc sata diosaparu yupaychascän ucañcamaw Adramelec, uqhamarac Sarezer sat yokanacapajj jiwayapjjatayna, ucatsti Ararat tokeruw jaltjjapjjatayna. Esarhadón sata yokaparaquiw Senaquerib reyirojj reyi cancañapjja apakjjäna.

Isaías 47:14

Ucampisa jichhajj uñtam, jichhur uñtatäpjjewa, ninaraquiw jupanacarojj k'al naqhanti; janiw uca ninatjja khespipquiti. Janiw alek sanq'ir ninaquïquiti, uca nayrakatar kont'asisin junt'urt'asiñataquejja.

Isaías 5:16

Take ch'amani Tatitusti taripäwi lurañapanjja jach'a cancañapwa uñacht'ayaraquini, kollana Diosasti k'oma cancañapwa chekaparu lurasajj uñacht'ayani.

Isaías 5:24

Ucatpï jichhajj, cunjämtï ninajj wichhurojj naqhantejja waña laphinacsa mäqui naqhantejja, uqhamaraquiw jumanacajj tucusipjjäta, saphitpach ñussuri alir uñtata, cunjämtï pankaranacapas lak'ar tucuwayejj uqhama. Take ch'amani Tatitun, Israelan Kollan Diosapan yatichäwinacapa, arsutanacapa jisc'achapjjatam laycu.

Jeremías 10:6

Tata, janiw jumjamajj qhitis utjquiti: Jumajj jach'ätawa, sutimas jach'awa, ch'amaniraquiwa.

Miqueas 4:11

“Jichhasti walja marcanacaraquiw juma contrajj mayacht'asipjjejja, aqham sasa: “Jichhajj Jerusalén marcaru taquisitwa uñjañäni, ucatsti cusisiraquiñäniwa” sasa.

Zacarías 14:3

Ucatsti Tatituw misturaquinejja uca marcanacampi nuwasiñataqui, cunjämatejj nayrïr nuwasïwi urunacanjj lurcänjja uqhamaraqui.

Zacarías 14:8

Ucasti Jerusalenatjja misturaquiniwa suma k'oma uma, ucasti jalascaquiniwa juyphipachasa junt'upachasa, chicata umasti jalaraquiniwa Mar Muerto kotacama, mä chicatasti jalaraquiniwa Mediterráneo jach'a kotaru.

Zacarías 2:8

Take ch'amani Tatituw qhitanitu aca yatiyäwimpi yänacam aparapctamsa uca marcanac contra: “Qhititejj llamct'i marcajjarojja, ucajj nayan nayrajjaruw llamct'asqui.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Mateo 3:12

Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.

Hechos 9:4

Ucspachaw Saulojj oraker jaknoktäna. Ucatsti ist'araquïnwa mä aru jupar sasquiri: —Saulo, Saulo, ¿cunats arcnakesta? —sasa.

Deuteronomio 33:26

“Janiw cunas chicachasquiti Jesuruman Diosapampejja, qhititejj jach'a cancañampi kenay patjjan sarnakqui, jumaru yanapir jutañataqui.

Deuteronomio 4:24

¡Jumanacan Tatitu Diosamasti, tumpasir Diosawa, take cuns naqhantir ninjamawa!

Hebreos 12:29

Diosasajj mä ninjama naqhantiriwa.