Éxodo 15:2

Aymar Bibliia 1986

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Jak'a apnaqawi uñst'ayäwi

Génesis 17:7

Cuna arust'äwtejj jumampi, uqhamarac acat kheparusa wawanacamampi lurcta ucajj acawa: Nayajj juman Diosamapunïyäwa, uqhamaraqui wawanacaman Diosapäyäwa, wiñayataqui.

Génesis 49:18

“¡Tata, khespiyasiñamwa suyt'ascta!

2 Samuel 22:3

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

2 Samuel 22:47

“¡Tatitojj jallallatäpan! ¡Arjjatirejjajj kollanäpan! ¡Khespiyir Diosajjajj jach'añchatäpan!

2 Samuel 22:51

Jumaw ajllit reyimarojj atipaytajja, Davidampir allchhinacapampirojj munasiñampipuniw uñjtajja.”

2 Samuel 7:24

Jumaraquiw amtaractajja Israelajj wiñayataqui juman marcamäñapataqui, jumasti Tatit Diosapäñamataquiraqui.

2 Samuel 7:5

“Saram, ucat David sirvirejjampi parlam, yatiyaraquim, naya Tatitun arsutajja: “Janiw jumati nayataquejj mä templo utacharapquitäta, ucan nayajj jacañajjataqui.

1 Reyes 8:13

Ucampis nayajj mä templwa jumataqui lurarapsma ucan jacañamataqui, mä utjäwi wiñay ucan jacañamataqui” sasa.

1 Reyes 8:27

“Ucampis ¿chekäspati Diosajj aca orakena jacaspa ucajja? Alajjpachatejj jach'a cancañapampi jan jumar apjjäsiña puedcstamti ucajja, ¡aca templo lurarapcsma ucajja juc'ampiwa jan jumarojj apjjäsiñ puedquiristamti!

1 Crónicas 16:14

“Jupawa jiwasana Tatit Diosasajja; ¡Jupawa take orakpacha apnakasqui!

Salmos 109:1

Jach'añchañ Diosay, mayisitajjataquejj janiquiy amuquïmti,

Salmos 118:14

Tatituruw nayajj jach'añchta, jupaw ch'am churirejjajja. ¡Jupaw khespiyirejjajja!

Salmos 118:21

Tatay nayar ist'atamat yuspagarsma, nayar khespiyatamat wakaycharacsma.

Salmos 118:28

Tatay, yuspagarsmawa, jumaruw jach'ar aptsma, jumaw nayan Diosajjätajja.

Salmos 132:5

Tatitutac mä chekawja jicjjatañcama, Jacobon take atipir Diosapatac mä utjäwi jicjjatañcama” sasa.

Salmos 140:7

Tatay, take ch'aman khespiyirejjay, jumaw nuwasïwin p'ekejjar imasctajja.”

Salmos 145:1

Diosajjay, Reyejjay, jach'aruw aptäma, wiñayaw sutim jach'añchä.

Salmos 18:46

¡Tatitojj jallallatäpan! ¡Arjjatirejjajj kollanäpan! ¡Khespiyir Diosajjajj jach'añchatäpan!

Salmos 22:10

janïr yurquirpachat uñjasista, taycajjan puracapatpach nayan Diosajjätajja.

Salmos 22:3

Jumasti kollanätawa; jumaw Israel marcan jach'añchatätajja.

Salmos 27:1

Tatituw khanajjasa, khespiyasiñajjasa, ¿qhitirurac ajjsarästi? Tatituw jacañajjar arjjati, ¿cunarurac ajjsarästi?

Salmos 28:8

Tatituw marcapar ch'amañchirejja, juparaquiw ajllit reyipar yanapirisa, arjjatirisa.

Salmos 30:1

Tatay, jumaruw jach'añchsma, nayar khespiyatamata, timanacajjan nayat larusiñapjja, janiw munctati.

Salmos 34:3

Tatitun jach'a cancañap takpachan jach'añchapjjañäni, sutip jach'ar aptapjjañäni.

Salmos 48:14

“Acapï Tatit Diosasajja” sasa. Jupaw wiñay irpirisajja.

Salmos 59:17

Diosajjay, jumaruw k'ochunac k'ochüma, jumaw nayan imantasiñajjätajja, nayan arjjatirëjjätasa; ¡jumaw nayar munasir Diosätajja!

Salmos 68:20

Diosasajj khespiyir Diosawa, jupaw wiñay jiwañat khespiyistaspa.

Salmos 99:5

Tatit Diosasar jach'añchapjjam, cayunacap nayrakatar quillt'asipjjam: ¡Tatitojj Kollanawa!

Salmos 99:9

Tatit Diosasar jach'añchapjjam, kollan kollup nayrakatar konkort'asipjjam: ¡Tatit Diosasajj Kollanawa!

Éxodo 14:13

Ucampis Moisesajj jupanacarojj sänwa: —Jan ajjsarapjjamti, mayjancapjjaquim. Jichhawa uñjapjjäta Tatitojj cuntejj lurcani jichhüru jumanacaru khespiyañataqui ucjja. Ucampis jichhüru egipcionacar uñjapcta uqhamjja janiw mayampsa uñjcjjapjjätati.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 4:22

Ucampis faraonarojj sascaquïtawa: “Tatitojj aqham siwa: Israelajja nayan jilïri wawajjawa.

Éxodo 40:34

Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Isaías 12:2

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Isaías 25:1

Tata, jumätaw nayan Diosajjajja; nayajj jumaruw yupaychsma, sutimsa bendiciractwa, muspharcaña amtatanacamwa phoktajja uca laycu, ucanacasti chekapapuniwa imantasiñajjaraquiwa nayra pachanacatpacha.

Isaías 45:17

Ucampis Israelarojj Tatituw khespiyi, wiñayataquiw khespiyi, janiraquiw jupajj p'enkachatasa, jisc'achatasa uñjascaniti.

Isaías 49:6

“Janiw Jacobon marcanacap sayt'ayañataquic sirvirejjäctati. ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 66:1

Tatitusti siwa: “Alajjpachajj nayan konuñajjawa, orakesti cayunacajjan tact'asiñaparaquiwa. ¿Cawquirurac mä uta utacharapipjjetasma? ¿Cawquirurac samart'añataqui lurarapipjjetasma?

Jeremías 3:23

Kollunac pataru sarapjjatajjajj inamayaquiwa, uca kollunac patan arnakasitanacajjas inamayawa, khespiyiri Tatit Dios sapanacwa, Israelajj khespiyasiñjja jicjjatani.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Jeremías 32:38

Jupanacasti nayan marcajjäniwa, nayasti jupanacan Diosaparaquïyäwa.

Habacuc 3:13

Jumasti mistuntawa marcamaru yanapt'iri, juma quipca ajllisctasa uca reyimpiru. Jan wali amtañani jakenacan jilïripsa tucjaractawa, takpachaniruw k'alala jan cunani tucjaractajja.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Lucas 1:77

marcapan khespiyasiñ utjatap yatipjjañapataqui, uqhamarac juchanacapat perdón utjatapsa, uqhamat khespiyasipjjañapataqui.

Lucas 2:30

Nayrajjampiw Khespiyirirojj uñjta.

Juan 4:22

Jumanac samaritanonacajj yupaychapjjtaw jan yatisina, ucampis nanacajj yatipjjtwa yupaychatanacajj-jja; khespiyasiñasti judionacatwa juti.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Hechos 4:12

Janiw yakha qhitinsa khespiyasiñajj utjquiti. Janiraquiw acapachanjja yakha sutejj Diosan churata utjquiti, jakenacan khespiyasipjjañapataquejja.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

Efesios 2:22

Uca pachparaquiw jumanacajj Cristoru mayachatäpjjta, takenimpis mayachasisa mä utaru tucuñataqui, uca utanwa Diosajj Ajayup toke jaqui.

Deuteronomio 10:21

Juparuquiwa k'ochunaca churapjjäta, jupaquiw jumanacan Diosamajja, jumanacan uñjcañaraquiw jach'a muspharcañanacjja luraraqui, jumanac laycu.

Filipenses 2:11

ucat takeni arsuñapataqui Jesucristojj Tatitütapa, Dios Awquejj jach'achatäñapataqui.

Filipenses 4:13

Criston ch'amapampejj take cunaruw saycatirista.

Colosenses 2:9

Cunäquitï Diosajj ucasti Cristonwa uñsti;

Apocalipsis 15:3

Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.

Apocalipsis 19:1

Take ucanac pasatatsti walja jakenacan arunacapracwa ist'ta alajjpachan aqham art'asiri: “¡Aleluya! Khespiyasiñasa, jach'a cancañapasa, munañanïñasa Diosasanquiwa.

Jueces 5:21

Jichha jawirasa, nayra jawirasa, uqhamarac Cisón sat jawirasa take jupanacaruw chhaktayi. ¡Ucampis jumajja ch'amaninacarojja janiw arsuycätati!