Éxodo 15:11

Aymar Bibliia 1986

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Jak'a apnaqawi uñst'ayäwi

2 Samuel 7:22

Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

1 Reyes 8:23

“Israelan Tatit Diosapa, janiw alajjpachansa, ni aca orakensa jumjamajj yakha Diosajja utjquiti, jumasti phoktawa suma parlt'äwimjja, uqhamaraquiw qhuyapayasiractajja qhitinacatejj take chuymampi arcapctam ucanacarojja.

1 Crónicas 16:25

Tatitojj jach'ätapata, yupaychatäñapasa waquisitap laycu; ¡take diosanacat sipansa wali ajjsarcañätapataraqui!

2 Crónicas 2:5

Cawquïr templtejj luraycä ucajja wali jach'äñapawa, nanacan Diosajjasti take diosanacat sipansa wali jach'awa uca laycu.

2 Crónicas 6:14

aqham sasaw art'asïna: “Israelan Tatit Diosapa, janiw jumjamajja alajjpachansa, ni acapachansa utjquiti, suma arust'äwiru phokheri, qhitinacatejj jumar take chuymapampi sirvipctam ucanacampejja.

Salmos 113:5

Janiw qhitis Tatit Diosasjamäquiti, jupajj reyi konuñapjjan kont'atawa.

Salmos 119:120

Janchejjajj nayrakataman ajjsarañat qhathati, camächit arunacam laycuw chuymajj alt'ayta.

Salmos 136:4

Jach'a muspharcañanac luririru: qhuyapayasiñapajj wiñayawa.

Salmos 145:17

Tatitojj take sarnakäwipan chekap uñjiriwa, take luräwinacapan munasiñaniwa.

Salmos 22:23

Tatitur alcatirinaca, Diosaruy jach'ar aptapjjam. ¡Jacobon wawanacapa, juparuy jach'añchapjjam! ¡Israelan wawanacapa, juparuy yupaychapjjam!

Salmos 35:10

Takpach chuymajjampiw arsü: “Tatay, ¿qhitirac jumjam utjisti?, munañan jaket jan yäkat jaker arjjattajja, ch'am apjir jaket jan cunan jakeruw khespiytajja.”

Salmos 60:2

Orakerojj qhathatiytawa, jist'jaractawa: jichhasti p'iyanacap asquichjjam, niyaw alliranttañampïsqui.

Salmos 66:5

Diosan luratanacap uñjir jutapjjam, jaken asquipatac muspharcay luräwinacap uñjapjjam:

Salmos 77:11

Tatitun muspharcañ luratanacapat amtasï, nayra pachanacan luratanacapata,

Salmos 77:14

Jumaw muspharcañanac lurir Diosätajja. Jumaw marcanacar ch'amam uñacht'aytajja.

Salmos 77:19

Jumajj lamar kotan thac jist'arastajja, umanac taypinjam maqhattajja, ucampis janiw qhitis cayu tact'atam jicjjatcänti.

Salmos 86:10

Jumajj wali jach'a ch'amanïtawa, muspharcañanac lurtajja, juma sapaquiw Diosätajja.

Salmos 86:8

Tatay, janiw qhiti diosas jumjamajj utjquiti, janiraquiw luratanacamjamajj utjquiti.

Salmos 89:18

Jiwasanacan arjjatirisajj Tatituwa, Reyisasti Israel marcan Kollanapawa.

Salmos 90:11

¿Qhitirac k'apisiñamamp lurjatanac yatisti? ¿Qhitirac k'apisiñam uñt'isti?

Éxodo 18:11

Uqhamarac jupanacan jach'a jach'a tucuñampi apnakatäñatsa, jichhasti nayajj yatjjtwa Tatitun wali ch'amanïtapa take diosanacat sipansa.

Éxodo 20:3

“Janiw jumajja nayat sipana yakha diosanacjja uscusïtati.

Éxodo 3:20

Uca laycusti, nayajj ch'amajja uñacht'ayasawa Egipto marcarojj azot'ëjja cunayman jach'a muspharcañanacwa jupampi luräjja, ucatwa antutapjjätam sarjjapjjañanacamataqui.

Éxodo 8:10

Faraonasti sänwa: —Kharürpacha mayipjjam —sasa. Ucatsti Moisesajj saraquïnwa: —Lurasiniwa mayitamarjamajja, uqhamatwa yatïta jan yakhajj utjatapa nanacan Tatitu Diosajj-jamajja.

Éxodo 8:6

Aaronajj amparapwa loktäna Egiptonquir umanacjjaru, ucatsti c'ayranacajja umanacat mistsunisajja Egipto marcpacharuw phokhantäna.

Éxodo 9:14

Jichhacuchasti nayajj take mutuyäwejjwa apayanëjja jumaru, sirvirinacamaru, uqhamarac take jakenacamaru, uqhamatwa yatïta jani yakhajj nayjama aca oraken utjatapjja.

Isaías 30:11

Thaquitjja sarakapjjam, cheka thaquitsti maysaru saranucupjjaraquim, janirac Israelan kollan Diosaparus nanacan nayrakatajjar uchapjjamti” sasa.

Isaías 40:18

¿Cunampirac jumanacasti Diosarusti tinct'ayapjjasmasti? ¿Cuna yakha diosampirac Diosarusti “Aqhamaw” sapjjasmasti?

Isaías 40:25

Kollana Diosasti jisct'araquiwa: “¿Cunampis jumanacajj uñtasiyapjjetata? ¿Qhitis nayampi chicachasiraquispajja?”

Isaías 46:9

amtasipjjam cunanacatejj nayratpach lurascän ucanaca. Nayaquïtwa Diosajja janiw yakhajj utjquiti, nayätwa Diosajj, janiraquiw qhitis nayampejj chicachascaspati.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 6:3

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 49:19

Acatjamatwa nayajj jutaraquï, Jordán tokenquiri pastonac taypit mistunir leonjama, cawquïri leonatejj suma pastonacajj utjqui ucsaru sarquejj uqhama, ucatsti Edom marcanquiri jakenacjja jaltayaraquïwa, cawquïrirutejj nayajj ajlliscä ucaw apnakaraquini. ¿Qhitiraqui nayampi chicachasispa? ¿Qhitis nayataqui sayt'asiraquispa? ¿Cawquïri awatirisa nayataqui sayt'asiraquispa?

Levítico 19:2

“Israelita jakenacarusti aqham saraquim: Jumanacasti kollanäpjjam, naya Tatitu Diosamasti kollanätwa.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Lucas 12:5

Ucampis qhitirutï ajjsarañanacamäqui uc sapjjäma: ajjsarapjjam qhititejj jacañ apakasajj infiernor jakontañatac ch'amanïqui ucaru. Jïsa, ucar ajjsarapjjam.

Deuteronomio 1:30

Jumanacan Tatitu Diosamaw jumanacan nayräjjam sarasqui, ucatsti jumanacat arjjatasaw nuwasini, cunjämtï Egipto marcan lurir uñjapjjta uqhama.

Deuteronomio 3:24

‘Dios Tata, jumaw aca sirvirimar ch'amam uñacht'aytajja. Janiraquiw yakha Diosajj jumjamajj utjquiti alajjpachansa ni acapachansa, cunjämatï jumajj jach'a uñacht'äwinac lurcta uqhama.

Deuteronomio 33:26

“Janiw cunas chicachasquiti Jesuruman Diosapampejja, qhititejj jach'a cancañampi kenay patjjan sarnakqui, jumaru yanapir jutañataqui.

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Apocalipsis 13:4

Dragonarusti yupaychapjjaraquïnwa uca jach'a ajjsarcañ animalaru munañanïña churatapata. Uca animalarus yupaychapjjaraquïnwa: “¿Qhitirac aca jach'a ajjsarcañ animaljamasti utjisti? ¿Qhitiraqui jupampisti nuwasiraquispasti?” sasa.

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!