Éxodo 15:1

Aymar Bibliia 1986

Ucatsti Moisesampi, israelitanacampejj Tatitur jach'añchasinjja, aqham sasaw k'ochupjjäna: “Nayasti Tatitur jach'añchasinwa k'ochöjja, jupasti ch'amapampiw atipji carronacsa, caballonacsa kotar jakontasa.

Jak'a apnaqawi uñst'ayäwi

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Job 36:24

Take jakew jupan luräwinacapatjja jach'añchi; jumasa jupar jach'añchañatjja amtasiraquim.

Salmos 105:43

Diosajj ajllit marcaparojj cusisit irpsunïna, cusisiñat arnakt'asisaw mistunjjapjjäna.

Salmos 106:12

Ucat Diosan arunacapar iyawsapjjäna, aytat cancañap k'ochupjjäna.

Salmos 107:15

Tatiturojj qhuyapayasiñapat yuspagarapjjam, jakenacatac muspharcañanac luratapata.

Salmos 107:8

Tatiturojj qhuyapayasiñapat yuspagarapjjam, jakenacatac muspharcañanac luratapata.

Salmos 32:7

Jumaw imantasiñajjätajja: jan walt'añanacat khespiyista, atipjäwi k'ochunacampiw muyuntayaraquista.

Salmos 76:6

Jacobon Diosapa, ajjsarayañampiquiw carronacampi, caballonacamp sayantaytajja.

Salmos 76:7

Jumajj ajjsarcayapunïtawa: ¿Qhitirac nayrakataman sayt'aspasti? ¿Qhitirac k'apisiñamar saycataspasti?

Éxodo 14:26

Tatitusti Moisesarojj sänwa: —Amparama kotjjaru loktam, ucat umajja chhakhayañapataqui egipcionacaru, carronacaparu, uqhamarac caballonacaparusa —sasa.

Éxodo 14:27

Ucat Moisesasti amparapwa kotjjaru loktäna, ucatsti khepärmanthi willjta horasasti umajja cunjämäcäntejj uqhamaruw tucjjäna. Ucatsti egipcionacajj jaltañwa munapjjäna ucampis umajja jupanacarojj chhaktayänwa. Uqhamwa Tatitojj egipcionacarojj kotan umampi tucjäna.

Éxodo 15:21

Ucatsti Mariajj aqham sasaw k'ochüna: “K'ochupjjam Tatitur jach'añchasina, jupasti ch'amapampi atipjasinwa carronacarusa, caballeriarusa kotaru jakontejja.”

Éxodo 18:11

Uqhamarac jupanacan jach'a jach'a tucuñampi apnakatäñatsa, jichhasti nayajj yatjjtwa Tatitun wali ch'amanïtapa take diosanacat sipansa.

Proverbios 29:6

Ñankha lurir jaken sipitapajja, jupan pachpa jucha luratapawa, ucampis cheka lurir jakesti cusisitaw c'uchiqui jacasi.

Isaías 42:10

Tatitur k'ochupjjam mä machak k'ochu, wali jaya oraketpach juparojj yupaychapjjam, kotan tuyurinaca, uqhamarac uca kotan utjiri animalanaca, kota toke marcan jaquirinacasa.

Jeremías 51:21

Jumampiw caballonacsa, jakenacapsa t'unjaractjja, carronacsa, uqhamarac cocheronacsa.

Oseas 2:17

Lacapatsti apakaraquïwa Baal diosanacan sutipjja, janiraquiw mayampsa ucanacan sutipjja arscjjaniti.

Habacuc 3:18

ucampisa cusisiñamp phokt'ataquïscäwa, Dios Tatitojjay nayan khespiyirejjächejja uca laycu.

Números 21:17

Ucapachaw israelitanacajj aca k'ochu k'ochupjjäna: “¡Uma, jalsumay phojutjja! ¡Phujurusti k'ochupjjam!

Colosenses 2:15

Tatit Jesucristo tokew Dios Awquejj take ajayunacan ch'amanacaparojj atipjawayi. Khanpacharacwa mä p'enka jupanacarojj jisc'achjawayi, presöpcaspas uqhama jupan atipjatapampi apasina takenin uñjcata.

Apocalipsis 15:3

Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.