Éxodo 14:25

Aymar Bibliia 1986

Uqhamarac carronacapan ruedanacapsa k'ewiraraquïnwa, ucatsti wali c'achaquiw sarapjjäna. Uqham uñjasinsti egipcionacajj sapjjänwa: —Jaltjjañäni, israelitanacatjja, Tatituw jupanac lantejja jiwas contra nuwasini —sasa.

Jak'a apnaqawi uñst'ayäwi

2 Crónicas 20:29

Tatitojj Israelan uisirinacapampi nuwasitap yatisinjja, take marcanacawa Diosaru ajjsarapjjäna.

Nehemías 4:14

Ucatsti jupanacan ajjsarayasipjjatap uñjasinjja, jupanac taypiru sayt'asisinjja sistwa jilïrinacarusa, marca apnakerinacarusa, uqhamarac take jakenacarusa, aqham sasa: —Jan ajjsarapjjamti. Amtasipjjam, Tatitojj jach'awa, uqhamarac ajjsarcañaraquiwa; jumanacasti nuwasipjjam masinacam laycu, wawanacam laycu, uqhamarac warminacama, utanacama laycuraqui —sasa.

Nehemías 6:16

Cunapachatï uñisirinacajjasa, uqhamarac nanac muytancqui uca marcanacajj yatipjjäna ucqhajj walwa ajjsarayasipjjäna, ucatsti jupanacajj amuyasipjjänwa jach'achasiñanacapajj aynacht'atätapa, ucatjja amuyjjapjjänwa aca luräwejja Diosan yanapapampi tucuyasitapa.

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Job 11:20

Ucampisa ñankha jakenacajja inamayaquiw yanapama thakapjjani; janiw cawqhar imantasiñsa jicjjatapcaniti, jiwañaquiw jupanacan suyt'äwipänejja.”

Job 20:24

Mä hierrot lurat armata jaltascani ucapachasti broncet lurata armaruw jalt'ani.

Job 27:22

jan qhuyapt'ayasisaw jupataquejj phust'anini, jaltaña munascani ucasa.

Salmos 35:1

Tatay, nayar nuwañatac jaljjatirinacampejj jumay nuwasim, nayamp ch'ajjwirinacampejj jumay ch'ajjwam.

Salmos 46:9

aca orak tucuscamaw nuwasiñ t'acurayi; arconac jisc'a jisc'a p'aquinoke, lanzanac t'unari, nuwasiñ carronacsa ninampiw phichhantaraqui.

Salmos 68:12

“Reyinacamp nuwasir tamanacampejj jaltjjapjjewa, warminacajj catuntat yänac jalanokasipjje.

Salmos 76:6

Jacobon Diosapa, ajjsarayañampiquiw carronacampi, caballonacamp sayantaytajja.

Éxodo 14:14

Jumanacasti jan llaquisipjjamti, Tatituwa jumanac lantejj nuwasiscani —sasa.

Éxodo 14:18

Cunapachatejj ch'amajja uñacht'aycäjja faraonaru carronacapjjaru, caballonacapjjaru ucqhawa egipcionacajja yatipjjani nayajj Tatitötajja —sasa.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 15:3

Tatituw guerran nuwasirejja, sutipasti Tatitu sataraquiwa.

Isaías 31:4

Tatitusti saraquituwa: “Cunjämtejj mä leonajj mä oveja jiwayejja, ucatsti janiw awatirinacampi sustjayasquiti, takpachanisay tantacht'asiscpan, arnakatanacapampisay sustjañ munasipcpan, uqhamaraquiw take ch'amani Tatitojj jutani Sión kollun marcapar arjjatañataqui.

Jeremías 51:21

Jumampiw caballonacsa, jakenacapsa t'unjaractjja, carronacsa, uqhamarac cocheronacsa.

Amós 1:14

Ucatwa ninampi phichcatäjja Rabá marcan uyunacapjja, uca ninasti k'alwa palacionacapsa, guerran arnakasitanacapampi naqhantani mä thaya uruna.

Amós 5:19

Cunjämatejj mä jakejj leonan nayrakatapat jaltcasajj mä osompi jalthapejja, uqhamäniwa, jan ucajj, maynejj utaparu mantasina perkaru catt'asi, ucatsti juparojj mayac catarejj achji, uqhamäniwa.

Amós 9:1

Uñjtwa Tatiturojj altar jac'ana, ucatsti saraquiwa: “Uta perkar c'uphantam umbralanacap onjjtayañcama, ¡ucat uca perkajj jakenacjjaru alljattasin jiwaypan! Kheparapcani ucanacarusti ari espadampcamaw jiwarayäjja; inaquiw jaltañsa munasipcani, janipuniw maynis khespcaniti.

Deuteronomio 1:30

Jumanacan Tatitu Diosamaw jumanacan nayräjjam sarasqui, ucatsti jumanacat arjjatasaw nuwasini, cunjämtï Egipto marcan lurir uñjapjjta uqhama.

Deuteronomio 3:22

Janirac jumajj jupanacaru ajjsaramti, juman Tatitu Diosamaw jumanacat arjjatasa nuwasiscani’ sasa.

Deuteronomio 32:31

“Uñisirisasti sumwa yatipjje, jupanacan arjjatiripajj janiw jiwasan arjjatirisjamäquiti.

Josué 10:14

Janipuniw uca urjamajj utjcänti ni jichha tiemposa ni nayra tiemposa, cunjämtï Diosajj mä jaken mayisitaparu ist'äna, ucatsti Diosaw Israel marcar arjjatasa nuwasiscäna.

Jueces 4:15

Diosasti Barac chachampi nuwantasiña horasasti, wali ajjsarañwa churäna Sisararu, carronacaparu, soldadonacaparu; ucatsti Sisarajj ajjsarañatjja carropata sarakawayasinjja cayuquiw jaltjjäna.