Éxodo 13:2

Aymar Bibliia 1986

“Take jilïr wawanacjja nayaruw loktapjjetäta, israelitanacan take jilïr wawanacapajja nayanquiwa, uqhamarac uywanacan nayrïr kallunacapasa” sasa.

Jak'a apnaqawi uñst'ayäwi

Nehemías 10:36

uqhamaraqui Diosasana temploparu apañataqui jilïri wawanacasaru, vacanacasana nayrïri kallunacapa, ovejanacasatsa, cunjämatï leyin kellkatäqui uqhama templon sirvipqui uca sacerdotenacana nayrakataparu.

Nehemías 10:37

Uqhamaraquiw amtasipjjaracta apañataqui Diosasan templopan pirwanacaparu sacerdotenacaru churañataqui, sumïri jac'unacata, take kokanacan achunacapata, nayrïri vinota, uqhamarac aceitetsa. Ucatsti levitanacan ucaru apaña cosechanacasata tuncat mayïrïqui uca, jupanacawa catokerïpjjejja take yapunacasata tuncat mayïrïqui ucjja.

Éxodo 13:1

Tatitusti Moisesarojj parlänwa aqham sasa:

Éxodo 22:28

“Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Éxodo 23:19

“Uqhamaraqui yapumana nayrïri suma achunacapsti Tatitu Diosamana temploparuw apäta. Ucampis cabriton aychapjja janiw taycapan lechepampjja wallakeyätati.

Éxodo 4:22

Ucampis faraonarojj sascaquïtawa: “Tatitojj aqham siwa: Israelajja nayan jilïri wawajjawa.

Ezequiel 16:20

‘Cuna wawanactejj jumampi nayampejj jicjjatasctan ucanacsti yakha diosanacaruraquiw sacrificiot loktjjtajja, jupanacan mank'asipjjañapataqui. ¿Jumataquisti uqham jan wali sarnaker warmiru tucutamasti juc'aquiti,

Ezequiel 16:21

wawanacajjsa uca c'ari diosanacar loktatamasti juc'aquiraquiti?

Levítico 27:26

“Uywanacan nayrïri kallunacapatsti, nayrakata kallunacapatjja Tatitutaquipunïniwa, janiraquiw qhitis ucjja Tatituru loktcaspati. Vaca kallüpasa, jan ucajj mä oveja kallüpasa, ucasti Tatitutaqui satapunïniwa.

Números 18:15

“Take israelitanacan jilïri wawanacapa, uqhamaraqui uywanacan nayrïri wawachat kallunacapa loktapquitani, ucanacajj jumataquïniwa. Ucampisa jakenacan jilïri wawanacapata, uqhamarac k'añu uywanacan nayrïri wawachat kallunacapatjja mayïtawa alapa cutsuyasjjañapataqui.

Números 3:12

“Take israelitanac taypitjja, levitanacaruw ajllista, sapa familian jilïri wawapat sipansa. Jupanacasti nayancapjjewa.

Números 3:13

Take jilïri wawanacasti nayanquiwa. Cunapachatejj nayajj egipcionacan jilïri wawanacap jiwarayayäta ucqhajj, take israelitanacan jilïri wawanacaparuw nayajj nayatac yakhachasiyäta, uqhamarac uywanacapan nayrïri wawachat kallunacapsa. Uqhamasti nayancjjewa. Nayätwa Tatitojja.”

Lucas 2:23

Acsti lurapjjänwa cunjämtï Tatitun arunacapajj kellkatäqui: “Take tayna yokall wawa nacirejja Tatitutac yakhachatäniwa” sisqui ucarjama.

Deuteronomio 15:19

“Vacanacama, ovejanacamatejj nayrïri orko wawachani ucanacjja Tatitu Diosamaruwa loktapjjäta. Janiraquiwa vacaman jilïri wawachat kalluparojj lurayapjjätati ni ovejaman jilïri kallupatsa t'awra yawirätati.

Hebreos 12:23

uqhamarac Diosan wawanacapan tantachasïwinacaparu, ucanacajj alajjpachan kellkantatawa. Takenin Diosapäqui uca Juez thiyarus jac'achasipjjaractawa, qhitinacatejj k'omachatäpqui uca asqui jakenacan ajayuparusa.